السلام عليكم و رحمة الله وبركاته



أخواتي العزيزات


حبيت أفيدكم بتجربتين سويتها بأخر طفلين ولدتهم و الحمد لله كانت تجربتي ناجحه جزاء الله اللي دلني عليها

خير الجزاء

و حبيت أفيدكم فيها


طبعاً في ولادتي البكر كنت أحس بضيقه و خنقه وودي أبكي و أحساس جداً غريب مع أني و لله

الحمد ما كان عندي مشاكل أبداً و زوجي طيب و حنون و متعاون و أهلي و أهل زوجي كلهم وقفو معي و ساعدني

و جبت بنوته قمر بسم الله عليها و بصحه وعافيه

بس هذا الأحساس طبيعي و لازم تصاب فيه كل حديثة ولاده بسبب تغير الهرمونات عندها




المهم سمعت عن التلبينه النبويه و سمعت أنها مجمه للقلب و مذهبه للحزن كما ورد في الحديث النبوي

الشريف و سمعت عن تجارب نسوان كثير جربوها في نفاسهم قلت يالله نجربها

و أقسم لكم بالله يا بنات أنها شيء عجيب سبحان الله حتى صرت أسويها كثير لزوجي و عيالي مع أكلنا

أولاً أنها مغذيه جداً ومفيده و منشطه و سبحان الله العظيم مذهبه للكأبه اللي تجي بالنفاس

سويتها بنفاسي الثاني و الثالث و بإذن الله بسويها بنفاسي الجاي

جربوها و الله راح تدعون لي و راح تحسون بأحساس الراحه و الطمئنينه في نفاسكم و النرفزه و ضيقة الصدر

راح تروح بإذن الله وراح تقدرين تهتمين بنفسك و طفلك كأنك ما ولدتي و اللي تبي طريقتها تلقاها بقوقل



الشيء الثاني اللي جربته الصبر وهي دواء عشبي مر يباع عند العطارين و يسمى صبر أو صبره

لونه بني غامق شوي شبيه بلمره

راح أقولكم لأيش أستخدمته و اللي خلاني أستخدمه


السبب اللي خلاني أستخدمه هو في بنتي البكر جلست 28 يوم السره عندها ما نزلت

و ضاق صدري حيل عليها و نروح فيها للمستشفى يقولو لسى ما تشافت ما نقدر نقصها

و من أول يوم ولدتها فيه و أنا أمسحها بمسحه طبيه و مطهر لونه أحمر و بودره المخصص للسره

و كل ما رحت للمستشفى يصرفون نفس الشيء و لا أستفدت

لين الحمد لله نزلت بس بعد 28 يوم و الحين عمرها 8 سنوات و سرتها مو حلو طالعه على برى




و في بنتي الثانيه قالت لي وحده عن الصبره أنقعها بمويه دافيه كم ساعه و من ثاني يوم من ولادتي

أمسح السره بمسحه طبيه و أخذ من موية الصبره بقطنه نظيفه و أنقط نقطتين بس على السره

مره وحده بس باليوم وقد ما تستطيعي أستخدمي نوع حفاضات ممتاز لو بس فترة النفاس

قسم بالله يا بنات السره تنزل في اليوم الرابع أو الخامس

تيبس بسرعه و تنقص و لا تلتهب ولا شيء الحمد لله بس أستمر أمسحها بمسحه طبيه لين تكمل شهر

و نفس الشيء سويته بولدي الثالث و الحين بنتي الثانيه 5 سنوات وولدي 3 سنوات سرتهم داخله ومره حلو شكلها

و بإذن الله هالمره بسويه بطفلي الرابع

و كل قريباتي يسوو نفس الطريقه و لا كد سمعت أحد يسبها أو يعيب فيها بالعكس الكل يمدح ويدعي

للي دلتنا على هالطريقه

و على فكره اللي دلتنا على هالطريقه حرمه معالجه تقرب لنا



يارب أني أكون أفدتكم

ولا تنسوني من خالص دعواتكم
27-04-1433 هـ, 03:11 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يعطيك العافيه حبيبتى انا مره رحت لدكتورهوقال لى ان البودره هذى خطاء وانها مش مخصصه للسر لاا السر بيفرز اشياء طبيعيه هو يعالج نفسه بنفسه ونصحنى فقط بالمسحات الطبيه
27-04-1433 هـ, 03:27 صباحاً
 
جزاك الله خير انا فيولادتي الاولى بس كنت ابكي ومااحس بعاطفه وحنان تجاه بنتي
انا نفست ببيتي وكانت ام زوجي مثل امي فدبتها بس انا كنت مكتئبه جدا بس باذن الله في ولادتي هاذي باستعمل التلبينه
استغفر الله العظيم
27-04-1433 هـ, 03:36 صباحاً
 
فعلا الصبر ممتاز لسره
ونفس الطريقه نحطها على مكان العمليه القيصريه
تنشف الجرح وتعقمه وتريحك
الله يسهل علينا ونولد بالسلامه
27-04-1433 هـ, 04:08 صباحاً
 
استغفر الله العظيم واتوب اليه
27-04-1433 هـ, 05:34 صباحاً
 


الساعة الآن 03:13 .