الله يهدي الجميع

والله اولا الهدايه من الله
واللى تتعبي فيه بسنين يجوا صديقات المدرسه يغيروا بشهور
وتاثير الصديقات يفوق تاثير البيت والاهل
وصاروا البنات يحبول يقلدوا بعض واللى على لسانهم ايش معنى وايش معنى
انتي اخلصي النيه وجاهدي بالتربيه وعليك بالدعاء ثم الدعاء ان الله يوفقهم
ولاتتوقعي بنتك ماتطالبك بكل مالفظته لنا التكنولوجيا من اجهزه ومدمرات لان بالفعل هى مدمرات ولكن لانستطيع ان نمنعها منهم وخاصه اذا بنتك احست بانك ام مقصره ودائم تحرميها مو مثل امهات صديقاتها وهذا هو القهر الحقيقي
والله يؤجرنا على تربيتهم يارب

حبيبتي كل طفل يختلف عن الأخر... و الموضوع ماله علاقة بالتربية... أنتي لك الظاهر... و البيوت لها اسرارها... قدام العالم كلن يلزم حده و يصير شخص كويس... بس بينه و بين اهله يتحرر من قيوده...

ان شاء الله تطلع مثل ما تبغين

اعجبني تفكيرك واحساسك بالمسؤليه وادارة امور رعيتك لأنك مسؤله عنها يوم القيامه
عزيزتي انا بتكلم معك عن عائلتين كلهم طلعت بناتهم ماشاء الله قمة الأدب ....عائله طلعت بنتهم قمة في الالتزام والأدب والأتزان وعائله بنتينهم الكبار قمة الأدب والهدوء والسناعه في البيت

البيت الأول
بيت طاعه امها ملتزمه جداااااااااااااااااااااااااااا بأمور دينها ......
عندها البنت من رابع ابتدائي تقريبا او اقل حتى ماتلبس لابنطلون ولاقصير ولاعاري وماهمها لبسها مو حلو او حلو اهم شيء عندها انها تعودها على ان اللبس العاري حرام وان البنت عيب عليه تلبس هالاشياء وحراااااام.
طبعا من الاساس مافي نت مافي تلفزيون مافي منكرات متداوله
طبعا مابيتهم تلفزيوووون كلللللش .....البنت تقليديه جدا من المدرسه للبيت ومن البيت للمدرسه وتجتمع مع اقاربها فقط....
البنت ماشاء الله كنت دايم اتأملها بعد ماكبرت لانها كبرت بين عيوني والحين تزوجت وعندها طفل الله يسخره لها كما سخرها لوالديها قبل
البنت تهتم بنفسها لان امها تشري لها اي شيء موب حرام ويعزز انوثتها من اكسسوار وبكل واي شيء جميل كريييييمه جدا امها ماديا بس بحدود.

البيت الثاني
امهم جاااااااااااااااااده ماعندها هزل وماعندها دلع للبنات وعندها قيم ماتتنازل عنها .....عندهم تلفزيون قنوات المجد فقط وزمان اذكر عندهم الولى والثانيه بس بعد المجد الغوها...
اللبس نفس الحكايه ممنوع بناطيل قصير عاري.....وتمنعهم من امور كثيييييييره وتعودووووو يعني عادي عندهن لانهن تعودن على الشده...ويوم كبرو سن المرااهقه جدا هاديات ومؤدبااااات....لكن الجيل اللي تحتهم تراخت الام بالبس شوووي مو كثير ......يعني بنتها الثالثه الحين بأول متوسط مازالت تلبس الميدي والبنطلون بالبيت وممكن كشتات البر ....بس بصراحه البنت مو مثل خواتها ابد عاديه لاطايشه ولابأدب اخواتها

اللي استنتجته من هالعايلتين .....ان تعويدهم لبناتهم على القيم العاليه من دين واااداب من وهن صغار زورع هالاموووور بعقولهن وماتعبت معهن يوم كبروووو
لان النت عجييينه بيد والديها لحد ماتبل سن المرااهقه وبعدها لو ايش ماسويتي مايمديك تثنيها عن شيء لانها نضجت واستوت

وبالنسبه للعبايه
من تدخل الابتدائي لازم يكون عندها عبايه تلعب فيها وتلبسها مره بطلعه من الطلعات ....[س من رابع ابتدائي تخلينها على اكتافها على طووول لو ماتقيدت بالحجاب الشرعي لانها فترت تعويييييييد....لكن اذا وصلت مرحلة سادس بتدائي خلاص تبدين تمهدين لها انها الحين كبرت ولازم تلبس عبايه محتشمه على الراس وكذا
يعني تدخل المتوسط وهي بكامل حجابها......والله يهدي بناتنا

اما النسبه للسنع بالبيت ....لازم من الحين تحمسينها لخدمتك
تشتغلون سوا
هاتي الصحن ...هاتي الشيء الفلاني
يلا نرتب الغرفه
لازم تحمسينها انك محضوضه بوجود بنتك عشان تساعدك على طول وتشيل عنك الحمل لاكبرتي ...وكذا
الصغار يحبووون مره الخدمه مع التشجيع....
وبالنسبه للكذب لازم تتعلم ان الكذب حرام وان اللي يكذب يلقى جزاه بعدين بكي اللسان ....وان اللي يكذب ماراح يصدقونه الناس ومايحبووونه

ونصيحتي لك
اذا عندها قنوات الاطفال الهابطه من سبيستون وام بي سي فووور وهالطقه الغييييييهم....واشرولهم المجد او المدار عشان اكثر قنوات......والله ان اغلب برامجهم تساعد على التربيه...عكس القنوات لهابطه انتي تربين من جهه وهالقنوات تخرب من جهه
وعلى فكره اذا بنتك تشوف قنوات معااااااااااااك سواء مسلسلات او برامج وبتشوف خلاعة النساء ولبسهم المنحط اتوقع بتتعب ليش هم يلبسون كذا واحنا كذا ا....أو ماراح تقتنع ان الشيء اللي يسوونه حرام ومايصلح لنا

الله يسخرلك ان شاء الله....
وقبل كل شيء الدعاء ثم الدعاء ثم الدعاء
غير توفيق الله مانقدر نسوي شيء
لكن هالامور كلها تساعدنا بعد الاستعانه بالله