السلام عليكم ورحمة الله وبركاته
ان شاء الله احنا مع بعض كل سبت وثلاثاء بصنف حلو وححاول يكون شرقي علشان اقتراب رمضان اعاده الله عليكن بالخير ونعمل نوع من العجائن بمفادير مظبوطة ومجربة ولكن ممنوع الرد
ان شاء الله نبدا بالحلو وانا اخترت البسبوسة بالطريقة المصرية
يللا علي المطبخ ونسمي بسم الله الرحمن الرحيم
البسبوسة:
المقادير:
2كوب سميد -كوب صغير زبادي -3ملعقة سمن-ملعقة كبيرة بكنج بودر-كوب سكر -ملعقتين جوز هند ناعم
نجيب بولة ونحط كل المقادير مع بعض ونقلبهامع اضافة فنجان صغير من المية
اجيب صينية وادهنها بالفرشاة بملعقة طحينة ولو مش موجودة تبقي سمن
اصب الخليط فيه واساويه علي قدر الامكان ببطن اليدوبعدين ابلل يدي بالمية واساوي الوجه فيكون ناعم بدون بروز
ادخلها في الحال علي الفرن علي درجة حرارة 200 والفرن يكون متسخن من الاول
يعني ممكن قلب عملها افتح الفرن علشان لما اخلص يكون ساخن بالسخونة الكافية
اثناء الخبيز اعمل الشربات
2كوب سكر -2ونص كوب مية -عصير نص ليمونة -ربع ملعقة فانيليا
اغليهم علي النار مع بعض ثم اضيف الفانيليا واعرف انه اتعمل او (اتعقد )لما الاقي ريم رمادي في اجناب الحلة وده بيكون بعد الغليان بحوالي دقيقتين
اسقي الصينية بمجرد خروجها من الفرن والشربات ساخن واسيبها تتشرب وممنوع تقطيعها ساخنة
وبالف هنا وشفا
المقادير :
3كوب دقيق -نص كوب زيت-ملعقة كبيرة ونص لبن بودرة-ملعقة كبيرة ونص سكر -ملعقة خميرة -بيضة لدهان الوجه-جبنة فيتا للحشو او اي جبنة بيضا -مية للعجين بالتقريب حوالي كوب -نص ملعقة صغيرة ملح
احط المكونات مع بعض وافركهم بايدي ماعدا الملح ده نخليه الاخر لانه بيفسد الخميرة
ابدا اضيف المبه تدربجي واعجن لحد لما احصل علي عجينة طرية ومابتلزقش في اليد
اغطيها واسيبها لحد لما تخمر حوالي نص ساعة وابدا اشكلها
اقطع كرات بحجم اليوسقي او اصغر شوية
ابطط كل كرة واحط فيها ملعقة الجبن وادهن الاحرف بالبيض علشان يتماسك واقفل الواحدة وارص في صينية فرن بس اسيب مسافات بينهم
ادهن الوجه بالبيض المخفوق وارش عليه حبة البركة واسيبها تخمر للمرة التانية وادخلها علي فرن متسخن علي نار عالية لحد لما يتاخد اللون الدهبي واسيبكم مع الصور
وهنا بعد خروجها من الفرن
وتقدم في الافطار او مع الشاي
وهنا من جوة
وبالف هنا وشفا