كيفكم ياغاليات يارب تكونو بخير
ياحوائيات انا مقهوووره ونفسيتي تعبااانه موت
وابي افضفض لكم لانكم بصراحه ترفعون المعنويات وصحبتكم ترفع الراس
انا انسانه طموحه وقطعت شوط كبير في انجاز اعمالي اللي هو حلم حياتي مشغل قدرت افتحه واسدد ايجاره
وبديت اترزق منه ولكن يد لحالها ما تصفق ولاني انا مااعتمدت على عماله وبس اشتغل بيدي
وانتوا عارفين اي وحده تبي توسع وتزيد رزقها لابد
تبدا براس مال يعينها على نجاح المشروع
وانا للاسف ماعندي كل اللي قدرت عليه وضعته في ايجارات ولوحه وكراسي اثاث مبدئي
يمشي الحال.....

انا عندي مشغل ويشتغل لكن تعرفون الحين ركود تقدرون تقولون مشغل مع وقف التنفيذ
وبحاجه الى عماله لاني ماقد طلعت فيز عليه وبحاجه الى تاثيث واغراض
وماتركت جهه ابيها تمولني عشان اقدر اطلع فيز عاملات او اشتري اغراض للمحل
لكن كل مااخلص اجراءتي مع جهه توقفني مشكله وباخر لحظه يخرب كل اللي بنيته
رحت عبداللطيف جميل وخلصت كل شيء ولكن مالقيت كفيل او معرف عني يكفلني
احتاج كفاله ومو لاقيه
انا الحين ابي راس مال بسيط لو 10000 يساعدني باستخراج فيز وشراء اثاث بسيط

ساعدوني بارائكم مع اني طرقت ابواب كثير سمعت ب اللي يقسطون بموجب شيكات
بس مو عارفه كيف اذا في احد اخذت مبلغ يساعدها تبلغني وتقول لي وش الضمانات الل
قدمتها عشان تسدد المبلغ وربي اكون شاكره لكم ياخواتي والله في عون العبد ماكان في عون اخيه
واللي تساعدني تتاكد باني راح ادعي لها بصلاتي وبين الاذان والاقامه وعصر الجمعه
وماراح تندم لانها راح تساهم وتكون عون لانسانه بل اسره كامله في مصدر دخلهم
لان الظروف والحمد لله الله المستعان الله يسهل اموركم ويرزقكم من واسع فضله
الله يسهل امورك ويرزقك من حيث لاتحتسبين اولا عليك بكثره الاستغفاروالصلا ه على النبي :اختي فيه مركز اسمه رياده للاعمال اوريادة الاعمال تسجلين عندهم ويعطونك قرض حسب مشروعك وشروطهم احسن من شروط جميل ان شاء الله تلحقين على التسجيل عندهم
الله يوفقك ويسعدك يارب ويجزاك الف خير ياclassikyah
يكفيني انك رديتي علي و***** الله ربي يرزقك من واسع فضله ويسخر لك من يعينك على امور دينك ودنياك
اسعدني ردك لاني صراحه لما شفت المشاهدات اكثر من 10 ولا فيه ردود ضاق صدري
بس يااختي مااعرف ريادة الاعمال وين اوصلهم اذا احد يعرف ياليت يفيدني
اقتباس مشاركة  (رجوى الحنونه)
الله يوفقك ويسعدك يارب ويجزاك الف خير ياclassikyah
يكفيني انك رديتي علي و***** الله ربي يرزقك من واسع فضله ويسخر لك من يعينك على امور دينك ودنياك
اسعدني ردك لاني صراحه لما شفت المشاهدات اكثر من 10 ولا فيه ردود ضاق صدري
بس يااختي مااعرف ريادة الاعمال وين اوصلهم اذا احد يعرف ياليت يفيدني
وياك ياختي لاني حسيت في معاناتك وحبيت افيدك
اكتبي في قوقل ويطلع لك واذاانتي في الرياض يقولوموقعهم في شارع الملك فهد وهذاالمركز في اغلب مناطق المملكه
انت اسألي وان شاء الله احد يفيدك
هذا موقعهم
http://www.riyadah.com.sa/questions.aspx
وبالتوفيق
اللهم أعني على ذكرك وشكرك وحسن عبادتك
اللهم قني عذابك يوم تبعث عبادك

اللهم أجعل قبري روضة من رياض الجنة
وأغفر لي وللمسلمين والمسلمات الأحياء منهم والأموات


الساعة الآن 04:24 .