انا بصراحة على طول اسوي بوفيه و ادور دائماً على الأكلات الغريبة و اليديدة و الفكرة اهني بغيت دليل لأي وحدة تبى تسوي بوفيه سواء للعشاء او للغذاء و شنو الأفكار في البوفيه

فانا احب ازين طاولة البوفيه بالورد اضع بوكيه ورد على الاطراف و انثر بعض الورود على الطاولة اذا ناس وايد طبعا اجهز سخانات للأطباق الرئيسية و إذا عددهم اقل اقدم بصحون فخار او فضة تكون متشابهة الحجم وصحونة استيل نفس الحجم حتى يكون البوفيه متناسق

آخر بوفيه سويته للعشاء كان خفيف ما سويته على طاولات البوفيه سويته على طاولة الأكل لأن المعزومين كانوا 13 شخص و الأطباق كالتالي:

اولاً : الشوربة (شوربة البروكلي) حطيته بسخان صغير و عميق و تحته شمعة

المقادير :
احمس بصل و ثوم بدون زيت الى ان يحمر ثم اضيف الزيت ثم اضيف البروكلي و احمسه و من ثم البهارات و ملعقة طحين او نشا بعدين ماء ساخن الى ان يغلى المقدار كله اضعة بالخلاطة الى ان يصبح سائل و اضعه مرة ثانية على النار و اضيف كريمة حمرا (طبعا اختياري) ممكن الإستغناء عنها

ثانيا : السلطات بصحون شفافة متشابهة (فتوش ، تبولة،سلطة روسية)
ثالثاً المقبلات بصحون استيل متشابهة (ورق عنب، محشي ملفوف وكوسة) فتة باذنجان
رابعاً :معجنات بصواني فخارمتشابهة (معجنات جبن و بيتزاو سبانخ) و سندويشات شاورما
خامساً: اطباق رئيسية بصحون متشابهة تحتها شمعة (دجاج قطع مشوي مزين بقطع بطاط ،عيش اشبنت وباجلا مزين ببصل محموس،كفتة بطحينة،استيك مع مشروم و بروكلي )
سادساً: الحلويات : استخدمت صحونة بايركس متشابهة الحجم (لحلو الترايفل كستر و جلى و نوع ثاني طبقات من البسكويت و دريم ويب مع قيمر و كاكاو بودر نستله )
و بالنسبة للكيك حطيتهم باطباق متشابهة مثل ستاند و سويت كيكتين(كيك كاكاو و كيك شاي) مع كريم كراميل

بالنسبة للمشروبات (غازية ، ماء برير ، شاي بنعنان و زعفران و قهوة عربية )

المواعين طبعا عندي مواعين صينية بيجية اللون عدد 20 حطيت مع ملاعق اطرافهم بيجية مع كلينكس مربع بصحن فضة مع اعواد اسنان

و سلامتكم
24-06-1426 هـ, 12:23 مساءً
 
يعطيج العافية ام عزيزان و شكرا على المشاركة ، صبا شوقتينى على شوربة هوت اند سور يا ريت تقوليلي شنو مقاديرها
24-06-1426 هـ, 12:40 مساءً
 
تسلقين الدجاج فتره طويله على نار هاديه مدة ثلاث ساعات هالمعلومه اخذتها من كتاب عشان يطلع الطعم مرررررررررركز

بعدين تاخذين الدجا ج وتنتفينه وربيان مقطع صغير ومسلوق 5 دقايق مع هيل

وتحطين بصل اخضر وبامبو شوت وبراعم الذره و اي خضار صينيه عندك

بعدين تضيفين ملعقه كتشب او صلصة طماطم

وصويا صوص حسب الرغبه لحد مايصير ملحها كويس ولونها بين الاحمر والبني

وسومطره (صلصه حاره) حسب درجة الحراره اللي تبينها

وممكن تضيفين بيض بانك تخفقينه وتصبينه فوق مصفايه يطلع على شكل خيوط ( هذي الحركه من الكتاب اانا ماجربت البيض خفت يطلع له نكهه)


وقبل ماتطفين بعشر دقايق ضيفي نشا محلول بشوية مويه
26-06-1426 هـ, 04:58 مساءً
 


الساعة الآن 10:48 .