زوجة ابوياواسلوبها معايا

السلام عليكم
انا بدخل فى المشكلة بدون مقدمات انا والدى اتجوز من قريب لتالت مرة امى متوفية وكان متجوز عليها وهى عايشة واحنا صغيرين وورانا الويل احنا وأمى وكان دايما ينصر مراتة علينا وكانت توصل للضرب علشانها المهم كبرنا واجوزنا ووالدتى توفيت ومراتة مرضتت وطلبت منه الطلاق واخذت كل اللى عنده وراحت عاشت مع اهلها وكان مديون ومطارد من طوب الأرض وانا واختى وقفنا جنبه وساعدناه وجبناله سكن وهو فى كل مكان يدعى عليا انا بالذات ويتكلم فى حقى كلامك مش سليم بس الكل عارف انه بيظلمنى لأنهم شايفين انا بعمل ايه معاه وبصراحه هو دايما يعاملنى انا بطريقة وحشة وانا اكتر واحدة واقفة جنبه وبساعده وبراعى ربنا فيه خوف من الله المهم اشتكى من الوحدة وانه مش قادر يعيش لوحده وقال لازم اتجوز انا لسه صغير مع العلم انه جد لشباب اللى هما ولادى وولادد اختى وقفنا جنبه واتجوز وقولنا ليه من الأول شوف ست تكون كبيرة تؤنس وحدتك وتخدمك راح اتجوز واحدة صغير ة وحملت منه وجاب بنت طبعا ظروفة المادية صفر وكل شوية يجى يشتكى من ظروف الحياة طيب احنا قولنالك من الأول واترجبنا فيك تتجوز حرمة من سنك المهم مراته بنعاملها كويس جدا بس هى مش عارفة ليه مش طيقانى وعرفت من اختى ان ابويا قايل ليها كلام كتير عنى مش مظبوط اختى قالتلها ان انا اكتر واحدة حنينه عليه وحرام ينكر حقها المهم مراته اسلوبها معايا وحش جدا هى ولدت من يومين ورحت انا اخذتها من المستشغى وروحتها بيتها وكان معاها كل اهلها ولقيت اهلها برضوا مش طايقينى ومعاملتهم فيها استخفاف ليا وتعالى وانا من النوغ اللى مش بعرف اخذ حقى من حد وبيصعب عليا نفسى بعد كل ده الرغى هما عاملين سبوع للنونة يوم الأربعاء وانا بعد مقابلتهم بفكر مرحوش السبوع وابويا ممكن يزعل عاوزة اعرف ازاى اتصرف معاهم لأنهم كانهم متحفزين لأى كلمة بقولها هى ممكن تبان المشكله بسيطة بس تعبانى جدا لأن ربنا يعلم اتظلمنا من ابويا قد ايه وخلاص كبرنا واعصابنا مش مستحملة واسفة على الأطالة بس كنت عاوزة احطكم معايا فى الصورة ربنا يبارك فيكم ويصلح حالكم