الموضوع الله يسلمكم لما جا اليوم الوطني سوو حفلة بمدرسة بنتي وقالت لازم اجيب اكلة شعبية وتعرفون الاكلات الشعبية كلها سمن ومعفوسة على بعض ( طبعا ما استهزئ بهالاكلات انا من اشد المحبين لها ) وكل ما جبت لها نوع قالت لا جابوه ابغى شي ما حد جابه ومرتب عشان كل وحدة تاخذ قطعة وما تعفس الباقي ((اتيكيت فديتها انا )) وبالصدفة تذكرت امي الله يحفضها قالت لي مرة عن اكلة اسمها مسيلة بتشديد الياء واكيد الجنوبيات يعرفونها وهي بدقيق الذرة البيضاء موالصفراء وينحط عليها بصل اخضر وبهارات وثوم بعدين تخبز ....ما شاورتها لاني عارفة بتطلع عذروب قلت نامي ويصير خير وجاب زوجي دقيق ذرة ابيض واحمر وسويت بالنوعين طلعت روعة وريحتها وطعمها يفتح النفس وحتى مدرساتها طلبوني طريقتها واحنا ادمناها من ذاك اليوم اسوي كمية بخميرة قليلة واحفضها بالثلاجة اسبوع كل ما اشتهيتها خبزت حبة عالصاج وكل ما طولت واختمرت اكثر كل ما كانت الذ ....بعد هذي المقدمة الطويلة العريضة اليكم المقادير والطريقة ....قلبت فصحى
كاسين دقيق ذرة بيضاء
ملعقة صغيرة خميرة
فنجان قهوة زيت زيتون هذا من عندي بس طلع احلى
نص كاس او اكثر بصل اخضر مقطع صغار
ملعقتين دقيق بودرة ...ضروري عشان يمسك العجين لان الذرة تتفتت
فص ثوم صغير جدا مفروم ناعم وممكن تستغنين عنه
بهارات بس انا ما احطها لاني ما احبها
تعجنينها في الخلاط ما عدا البصل ويكون قوامها اثقل من الكيك شوي بعدين اضيفي البصل وقلبي بالملعقة اذا مستعجلة خليها تتخمر برا واذا لا دخليها الثلاجة وسويها ثاني يوم...ادهني طاوة او صاج بزيت وسويها اقراص مثل البان كيك وتكون رقيقة ((زمان كانو يسوونها سميكة مثل الكيك بس اعجبتني وهي صغار اكثر )) واستمتعي بالذ مسيلة مع كاس شاي سكر زيادة ..حلوة عشا او فطور تصدقون ماعاد حبيت الاجبان والمعلبات وحتى عيالي مرة يحبونها ....وبالذرة الحمراء نفس الطريقة ونفس الطعم بس لونها يكون وردي بعد ما تخبزينها
اعذروني ما اعرف انزل صور ......تقبلو تحياتي
دعواتكم بتفريج كربة اهلي وتحقيق احلامي فيما يرضيه
لا لا مانبي كذا

سويها بيدك وحطي صوره لها



اضغطي على الصوره لمعرفة لماذا حذف توقيعك .
يعطيك العافيه ......
روانة .....نفسي اني اعرف انزل الصور كان صورتلك فطوري الحين بس ان شاء الله اتعلم وانزلها
ام علوشي الله يعافي قلبك
يعطيكي العافية


الساعة الآن 08:24 .