السلام عليكم ورحمة الله وبركاته


الكل يحب الحلا مع القهوة ...او بالأصح أغلبنا

يحب الحلا ...

فأخوي بيفتح محل خاص للحلويات البيتية إن شاء الله ...أشوف أغلب الناس ملو من المحلات الجاهزة

وطبعا راح اعمل له الحلويات اللي أعرفها

وكمان الحريم اللي يعرفون يسوون بنفس المدينة راح يرسلون للمحل الحلويات اللي يضبطوها

وطبعا بيجيب عامل ونعطيه كتاب الطبخ الأندنوسي

اللي طابعينه عالم حواء ونخليه يضبط الحلويات اللي فيه..

فأولا ...هل تتوقعين يكون عليه إقبال أو لا ..

ثانيا ....أبي نصايحكم ....لأننا شايلين هم كبير ...نخاف ماينجح

إيش انواع الحلا اللي تشجعون يسويها العامل ...وهل فيه نصايح تحبين تقوليها

اسأل الله العظيم أن يوفق ويسدد خطا كل من تنصحني أو تدعو لي ..ويرزقها من غير أن تحتسب .

نحن بالإنتظار ...بفارغ الصبر...
08-05-1433 هـ, 07:39 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مشرووع باذن الله ناجح

بس اهم شي المكوونات تكوون من ارقى الشركات عشان الطعم يكون لذيذ

والحلويات ممكن تشيز كيك سينابوون حلى الجوري الماركه واللبنيه والحلويات البارده وكل حلويات البيييت حلووه ولها قبوول بالذات للعزوبيه
08-05-1433 هـ, 07:57 مساءً
 
الله يوفقك والله انا مااعرف بس ادرسي الموضوع جيدا
08-05-1433 هـ, 07:57 مساءً
 
المهم يا قلبي مكان المحل اختارو الموقع الصح لانه

حتى لو ضبطت الحلويات بس المكان بعيد عن الماره

ماراح ينشهر


وغير كذا سوو اعلانات ووزعو منشورات ع المحلات عشان الناس يعرفونكم



وربي يوفقكم بصراحه مشروعكم حلو الله يكتب فيه البركه
08-05-1433 هـ, 08:03 مساءً
 
ماشاء الله مشروع حلو بس لاتدورون الرخيص بالمكونات اختاروا صح واذا عندك اشياء حلوة وغريبة امسكوا افرا ح ومناسبات بالاضافة للاشياء الي تقدموها والعامل لاتمسكوه الشغل ع طوول اصبروا شوي تتاكدون من نظافته واخلاصة وكدا لان اي شي غلط يصدر منه يكون محسوب عليكم وع سمعة محلكم
08-05-1433 هـ, 08:38 مساءً
 


الساعة الآن 09:17 .