كيف الحال ان شاء الله بخير ---يارب جميعآ
بما ان يا وخياتي الدنيا صايرة نار وارتفعت الاسعار فــــــــــي كل شيئ
الاكل و اللبس و الاثاث وكــــــــــووووول شيئ وكل ما قلنا:arb:هات قال الكل هات هات نفسي احد يقول خووووذ طبعآ هذا كلام بعلي الله يحفظة ويرزقة وش رايكم نمسك المصروووف بشرط اللي نوفر يكووون من نصيبنا وما يكون لـــــــــــ :arb: حق التخطيط والتمخمخ اكيييييد هالتوفير ما جاء ببلاش على فكرة انا اخذت مصروف البيت فترة يشمل اغراض البيت ومصروف العيال والفواتير والضيوف ومصروفي كنت اوزع المصروف بدفتر صفحة اغراض البيت واحط فيها المبلغ وصفحة مصروف العيال وصفحة فواتير وصفحة للضيوف وكل ما اخذت مبلغ اكتبة بالصفحة عشان اعرف بايش صرفتة طبعآ هالطريقة متعبة شوي بس تصدقون كنا نصرف بالشهر من5000الى 7000في ايش ماادري المهم اخذت المصروف 3000في الشهر تشمل كل شيئ زي ما قلتلكم حتى فاتورة جوال زوجي تصدقون يبقى منة 500 ريال اوقات اكثر اذا ما فية ضيوف بس زعلت:( على :arb: لاني كنت متفقة التوفير لي بس صار ياخذة وزعلت وبطلت امسك المصروف والحين افكر امسكة من جديد بنفس الشرط لو اضطريت اكتبة تعهد:mad:وش رايكم قويــــــة صح :09:عشان اضمن حقي وما يروح التمخمخ بلوشي المهم قرآت طريقة للتوفير بآحد المنتديات عجبتني وحابة اجربها واللي هي يا امورات نجيب 5 اظرف والافضل بعدة الوان
ونوزع المصروف على الاظرف بالتساوي وممكن الظرف الخامس اقل وقبل التوزيع نطلع مبلغ للصدقة الله يتقبل منا
ظرف للاسبوع الاول
وظرف للاسبوع الثاني
وظرف للاسبوع الثالث
وظرف للاسبوع الرابع
والخامس يكون للتوفير
وبآخر الشهر نشوف كل ظرف من الاظرف الاربعة كم باقي فيه عشان نعرف مقدار صرفنا كل اسبوع وكم وفرنا من كل ظرف ونحطها بظرف التوفير:icon28: والشهر الثاني نعيد نفس العملية لعل وعسى نتعلم نوفر لان اغلب فلوسنا تروح في الكماليات والفشخرة اللي ما لها داعي وعشان نعلم اطفالنا التوفير نعطيهم مصروفهم بالاسبوع انا مجربة هالطريقة مع عيالي 9 و10 سنين اعطيهم مصروفهم يوم الجمعة وما اعطيهم ولا ريال الى الجمعة الثانيةوالحمد لله خفت صرفيتهم 40% وصارو يوفرون من مصروفهم
وفية طريقة نعلمهم على الصدقة نحط حصالة في الصالة مثلا ونقولهم اللي يبغى يتصدق يحط المبلغ بالحصالة واحط فيها قدامهم ولو ارسلت ولدي للبقالة يبقى ريال او ريالين اقولة حطها في الحصالة وابوهم يحط واخر الاسبوع نتصدق فيها سواء على عامل او شغالة او نشتري فيها حلويات نوزعها على الاطفال
الله يباركلنا باموالنا واولادنا يارب تستفيدو من موضوعي ونجمع القرش الابيض لليوم الاسود عسى ايامنا كلها بيضة ---------
أستغفر الله.. سبحان الله وبحمده سبحان الله العظيم..لاحول ولاقوة الا بالله.. حسبي الله لااله الا هو عليه توكلت وهو رب العرش العظيم.. لاإاله الا أنت سبحانك إني كنت من الظالمين..