الأماكن الترفيهيه :
دبي : مدينة مدهش للأطفال ، حديقة الخور وبداخلها مدينة الطفل ، وندرلاند (الحديقه المائية) ،
حديقة الحيوانات ، صالة التزلج بالريجنسي ، المتحف

لا يطوفك ميناء السلام فندق وفيه تسوق ركبي السفينه فيه وبتعجبكم الرحله روعه
الدخول لبرج العرب والتنزه فيه روعه
في رحلات سفاري للصحراء حلوه
الباص البري والبحري

الشارقه : عين الإمارات في القصباء وبنفس المكان السيرك الدائم وركوب السفن ، مركز الإستكشاف ، حيوانات شبه الجزيره ( مكان مغلق ومكيف لمشاهدة الحيوانات) ، بجانبه حيوانات المزرعه ، ومتحف التاريخ ، متحف الطيران ، بحيرة خالد

العين : مبزره وايد روعه خضره ومياه صحيه حاره وألعاب للأطفال ، حديقة الهيلي للألعاب ( بعد المغرب أفضل وقت لها ) ، جبل حفيد

رأس الخيمه : مركز المنار ، عين خت(مياه حاره صحيه)
المنطقه الشرقيه ( الفجيره وخورفكان ) : جبال وطبيعه وبحر
المطاعم :
كل سنتر فيه مطاعم حلوه
وعندك بدبي
شارع المرقبات وشارع الرقه قعدات بره حلوه وبعد شارع السيف قعده على الخور وايد روعه وفي مطاعم بشارع جميرا جداً راقي وفيه محلات كثيره وإذا تبين الحلويات الأجنبيه بتلاقينها في سبينس بجميرا

الشارقه : شارع الوحده ، شارع الملك فيصل ، الكورنيش ( شارع بحيرة خالد )
نسيت مركز الفردان على البحيره

أبوظبي :مطاعمها روعه وكثيره
الفنادق :
حبيبتي ميزانيتك تحدد لك الفندق اللي تحبين تسكنين فيه بس أنصحك تحاولين تحجزين من الشركات السياحيه عندكم بيطلع أرخص وتضمنيين الحجز عشان زحمه وإذا ما لقيتي بدبي حجز سكني بالشارقه

اتمنى اكون افدتك وأنا حاضره لأي استفسار على الخاص
ياعمري ياام شملان وشما والله ماقصرتي تعبتك معي الله يجزاكي خير انا ودي اركب سفينه رحلة بحرية ويكون فيها مطعم وين القاها وبكم الدخول لبرج العرب وش يحتوي عليه
بالنسبه للسفينه مع رحله بحريه اعتقد بتلاقينها في مطعم البوم بدبي جربي قعدات شارع السيف وشوفي هناك ممكن تلاقين طلبك وبرج العرب الدخول فيه 200 درهم بيكون مسموح لك التنزه بالفندق اللوبي والطابق الأول وإذا قدرت تقنعينهم ممكن يأخذونك بجوله بالسياره في حديقة الفندق معظم الخدمات اللي فيه للي ساكنين بنفس الفندق بس ممكن تستمتعين بعشاء فاخر ومكلف جدا في المطعم


الساعة الآن 10:22 .