السلام عليكم بنات....

بنات انا مرتفع ضغطي مدري بنهبل من بعض الحريم

انا اشتغل في الطبخ المنزلي لي سنه جديده و تخصصي كبه واحيانا لو عندي وقت اسوي شغلات ثانيه وكلمتني زبونه وطلبت اصناف من الاكلات وقالت يوم الاحد قلت ابشري المهم من يوم سكرت وانا زي النحله اواصل الليل بالنهار لان ماعندي احد يساعدني يعني تقطيع وفرم وعجن وغسل مواعين انا لحالي اشتغل بس قلت لازم اشد حيلي مافي رزق الا بتعب ورحت وتخسرت مقاضي وطبخت اللي طلبتهم ويومين وانا اسهر لين ينكسر ظهري مدري الا الفجر طالع علي ويدوب اخذ غفوه بسيطه واقوم اكمل شغل وكرف بس اهم شي اني التزم باتفاقي مع الحرمه .. يوم جا يوم الاحد واتصلت فيها قعدت فتره ما ترد المهم دقيت مره ثانيه قلت هلا عسا ماشر ترا طلبك جاهز تخيلوا يا بنات وش قالت وش ردت ( قالت ايه الله يعطيك العافيه بس خليه وقت فرغتي انا الحين بالسوق ومشغوله شوي قلت ما عليش يا حبيبتي اذا رجعتي من السوق كلميني قامت قالت لا يوم ثاني مو اليوم خليه لين اتصصل فيك يوم ثاني ؟؟؟؟؟ هالسالفه لها اسبوعين

ادري ان فيه زيونات يرفعون ضغط التاجرات ويضيعون وقتهم ولا يشترون لكن توصل للأكل ؟؟ يعني هي ما فكرت ان الاكل محد يقدر يهون فيه و اللي طبخته وين بوديه اكله والا اكبه فالزباله؟ ماني مصدقه افكر اسكر جوالي واترك هالشغله صار عندي رهاب لا تجي زبونه وتسوي فيني هالسواه ....

بالله شرايكم

بسم الله الرحمن الرحيم
(فاصبر إن وعد الله حق،ولايستخفنك الذين لايوقنون)
بصراحه قمة التعب وخصوصا بالطبخ والله الواحد ينكسر ظهره من غير شي شوفي انا من رايي اعتمدي لك شي معين مثلا تسوي كبه وتفرزينها واللي يبغي ترسلي له وبس اما انك تسوي لك حووسه لاليلك ليل ولانهارك نهار وربي يرتفع ظغطي وانقهر او تسوي لك حلا وتتعاملي مع محل او تنشريها بالمنتديات انك تسوي حلا مميز بس لان جد في زباين يستهبلون عليك وماعندهم الا مجرد فضول وتسليه ونادر ماتلقين الجادين في عالم النت بتشوفي كثر للو عندك شغاله كان يهون بس انتي ركزي على شي معين وسويه الافضل لك ....والله يوفقك يااارب
ربي يعوضك خير
والرزق يبي له صبر ولاتهوني ولاشي بالعكس تعلمي انه قبل لاتبدي شغل خذي عربون اقل شي علشان تظمني حقك
والله يوفقك ويرزقك الرزق الحلال المبارك
بصراحه ترفع الضغط
وارسليلها رساله اتحسبي عليها
قوليلها فوق تعبني وخسارتي جايه تقولين خليها يوم ثاني
الله يرزقك من اوسع ابوابه
اقتباس مشاركة  (لهفة مشااعر)
بصراحه قمة التعب وخصوصا بالطبخ والله الواحد ينكسر ظهره من غير شي شوفي انا من رايي اعتمدي لك شي معين مثلا تسوي كبه وتفرزينها واللي يبغي ترسلي له وبس اما انك تسوي لك حووسه لاليلك ليل ولانهارك نهار وربي يرتفع ظغطي وانقهر او تسوي لك حلا وتتعاملي مع محل او تنشريها بالمنتديات انك تسوي حلا مميز بس لان جد في زباين يستهبلون عليك وماعندهم الا مجرد فضول وتسليه ونادر ماتلقين الجادين في عالم النت بتشوفي كثر للو عندك شغاله كان يهون بس انتي ركزي على شي معين وسويه الافضل لك ....والله يوفقك يااارب

اللهم امين
جربت صنف واحد وهو الكبه لكن حسيت مافيه مكسب يعني لازم ادخل معه اصناف تغطي ...
بسم الله الرحمن الرحيم
(فاصبر إن وعد الله حق،ولايستخفنك الذين لايوقنون)


الساعة الآن 08:38 .