السلام عليكم ورحمة الله وبركاته

خواتي وحبيباتي الغاليات ..

بصراحة .. توصلنيه واااايد طلبيات للشبابيص على الرسايل الخاصة والحمدلله .. ومن ضمن الطلبيات خوات يطلبن شباصات لبناتهن اللي في المدرسة .. فحبيت عشان أنظم الطلبيات وحدة ورا الثانية أحط موضوع يديد ..

خواتي الغاليات .. كل وحدة تبا تطلب حياها الله هنيه .. وتحط طلبيتها شو تبا بالضبط .. بالدور لا تخربون الطابور المدرسي

بالنسبة للشباصات اللي بشبج .. ممكن إذا الوحدة تباها صغيرة عشان تناسب شعر بنتها تخبرنيه من البداية .. لأني أنا في هالحالة أصغر المطاط من داخل عشان تناسب الشبكة شعر البنوتة الصغيرة ..

الألوان المتوفرة لطلبية المدرسة:

1- الأبيض الصافي بلون الحليب
2- الأسود اللي فيه لمعة فضية
3- الأسود + الأبيض الفضي (دمج .. شرات المعروض في موضوعي)
4- الكحلي


وبالنسبة للأسعار:

الشباصة اللي بشبج 80 درهم
الشباصة بدون شبج 60 درهم
البكل (شبابيص اليهال) .. الحبتين على 15 درهم


ختكن رومانوف
25-06-1426 هـ, 07:38 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ما..شاء..الله..عليج..
حلوة.أفكارج..

الله..يوفقج..ياربي..
25-06-1426 هـ, 07:50 مساءً
 
تسلمييين ختيه أم مهرة على مرورج العطر .. وإن شاء الله أشوف رايج يوم بتوصلج الطلبية

ربي يحفظج
25-06-1426 هـ, 09:25 مساءً
 
بالتوفيق اختي

بسالج تسوين اللون الاخضر
25-06-1426 هـ, 09:41 مساءً
 
بالتوفيق اختي
25-06-1426 هـ, 10:14 مساءً
 


الساعة الآن 10:29 .