ام عزيزان

ام عزيزان @am_aazyzan

فنانة عالم حواء

تفضلو احلى زلابيااااااا (المشبك) ... واكيد صورتها لكم :)

الحلويات الشرقية والغربية



حنا بالكويت نسميها الزلابيا ودول الخليج اضن تسميها بنفس المسمى لكن الدول الاخرى تسميها المشبك :)

ونحبها اكثر شي في رمضان او بالعيد

وهي من الحلويات الكويتيه القدييييييييييمه

وطعمها لذيذ ومقررررررررررررررمشه (وطعمها مثل القيمات تقريبا )

وانا سويتها لكم وان شاء الله تعجبكم وطريقتها جدا سهله ومقاديرها متوفره

وكنت ابي اصور لكم خطواتها لكن للاسسسسسسسسسسسسسسف لحقت على صوره وحده للعجينه ومو واضحه كثير لان الشحن خلص علي



المقادير :

2 كاس طحين ابيض

4 م كبيره زيت

1 وثلاث ارباع كاس ماء دافي

1 م ك خميره

م ص سكر

1 م صغيره ماء زهر

هيل وزعفران

وقليل من الصبغه (انا استخدمة صبغة الزعفران اللي نلون فيها الرز ) وطبعا اللون على رغبتك ممكن برتقالي او اصفر

وشيره

وزيت للقلي




الطريقه :

تخلط المواد الجافه مع بعض ثم نضيف الزيت والماء وتعجن جيدا

تترك العجينه حتى تخمر (انا خليتها لمدة ساعه )

توضع في كيس الكريمه وتشكل على شكل خيوط دائريه في زيت غزير على نار متوسطه(بالاول خلي النار هاديه وبعدين طولي عليها لما تبين تقلبينها )

تغمس في الشيره البارده ثم تصفى وتقدم









ولونها على الطبيعه وايد احلى فااااااااقع والطعم لذيذ جدااااااااا كانها من السوق

والكاس هو كاس جبن بوك العادي 240 غ

وعليكم بالعافيه




اهني رسمتها لكم اشلون نصبها بالزيت :)

:cook:
101
13K

يلزم عليك تسجيل الدخول أولًا لكتابة تعليق.

تسجيل دخول

@@رهام@@
@@رهام@@
الله يعطيك العافيه
ماشاء الله عليك ليتك جارتي كاااان ياسلاااام ,, بس هالطبخة اول مره اسمع عنها مااحد يعرفها من اهلي ولا قرايبي ولاعمري ذقتها>>>>>>تلمح
ودي اجربها وحلوه مقاديرها سهله ان شاء الله عما قريب
سحااااااااااااااااابه22
شكلهااااااااااااا روووووووووعه الله يسلم هاليدين
ومو غريب عنك ام عزيزان مشكوووره ياغاليه
ام عزيزان
ام عزيزان
هههههههههههههههه رهام ليش انتي من اي دوله؟

معقوله ماتعرفونها؟

طيب الحين تعرفتي عليها وانتظر رايك فيها :)

:26:

سحابه

تسلميييييييييين حبيبتي وكلك ذووووووووووق

:26:
بلبله
بلبله
ما شاء الله عليك يا عسل روووعة ما دام انها من ايديكي
الله يجزاك الف خير يارب و يعطيك الف عافية عيوني :)
!~¤§¦ٍام الجازي¦§¤~!
شكلها ولونها روووعه

سلمت الاياااادي