السلام عليكم
كيفكم ياحبايب
بنوتتاااات خاطري اليوم ع الغدا مرقووق
وطبعاً ابي أحط لعمتي منه ع الغدا
اتمنى كل وحده خبيره فيه تدلني ع ألطريقه
والله ما أنساكم من دعااي
ع العموم ترى في عمري كله ماقد سويت المرقووق
لو سمحتم ياحلوات ابيه بالمقادير عشان يضبط معاااي
فوووووووودييييتكم
هلا وغلا
ما اعرف مقادير بالتحديد لانه ما يحتاج
بس تقريبا هو كالتالي
احمسي بصل وثوم وفلفل بارد بالسمن لحد ما يتغير لونه
حطي عليه كيلو لحم بالعظم وفيه شحم شوي
لحد ما يغير لونه وياخذ نكهة الحمسه
حطي ملعقه كبيره بهار مشكل
احمسي شوي
حطي بندوره تقريبا ٥ حبات مخلوطه ونص علبة صلصه الكراتين
احمسيهم سوى وخليهم يتسبكون
زيدي مويه شوي تكفي للحم يستوي
الان حطي تقريبا كاس دقيق ابيض وكاسين بر مع مويه وملح تكفي للعجن تصير متماسكه وما تلزق
خليها ترتاح شوي وكوريها قد البيضه
الان تكونين مجهزه قرع مكعبات كبار وباذنجان مكعبات كبار وكوسه نفس الشي وفاصوليا خضراء او لوبياء خضراء
باختصار كل الخضار اللي عندك بالبيت ما عدا البطاطا لانها تذوب وتخرب ليونة المرقوق
الان اللحم تقريبا استوى
حطي كل الخضار بقدر كبير مع اللحم وخلي المويه كثييير زي الشوربه
ابدي افردي كور العجين بعد ما ارتاحت لحد ما تصير شفافه شوي
لا تخلينها معجنه وسميكه
انا اشيلها بعد الفرد وامددها شوي بيديني
حطيها على المرق وهو يغلي بقوه بشكل مفرود زي الشرشف وغطيها بالمرق لا تغرقينها او تدفينها داخل
افردي الثانيه
قبل لا تحطينها غرقي اللي قبلها ثم حطيها ورشيها بالمرق
وهكذا
لحد ما يصير عندك رخو لا تخلينها جامد
لانه يجمد بعدين
ومو ضروري تخلصين مقدار العجين
اللي يزيد حطيه بكيس بالفريزر ينفعك بعدين
عدلي الملح وخليه على نار هاديه ربع ساعه
وطفيه
لا تغرفينه على طول
خليه يرتاح ربع ساعه
وبس
بالعافيه
اللهم رحمتك ارجو فلا تكلني الى نفسي طرفة عين

نادوني ام عبدالرحمن الله يسعدكم
الله يعافيك
وتسلميييييييين يااقمره
ربي يحفظك
متاسفه
انا لا اعرفه
اتمنى الاخوات يساعدوكي


الساعة الآن 02:13 .