اقتباس مشاركة  (wareef_98)
ماشاء الله تبارك الله على شغلك نظيف ومرتب واااضح

واكييييد معروف ان الشغل اليدوي دايم اغلى من الجاهز لانه بشر يشتغله مو آلة مبرمجة

وبالنسبة للي يقولولك اسعارك غالية
لان طبيعة زباين عالم حواء والفراشة وغيرها من الدول العربية يعني اكثريتها منها فيشوفو السعر مرتفع

بينما لو رحتي لموقع مشهور ومعرووووف مايحتاج اذكر اسمه
زباينه يدورو الغالي دوارة واغلب ظني انهم من المنطقة الوسطى وطبقة مريشة بمعنى أصح

أتذكر دكتورة عندنا كانت تقول مرة صاحب محلات احجار كريمة جا فتح في جدة تقول قلتله ترى بتخسر مابتلقى اي ربح هنا
وبالفعل ماكمل مدة بسيطة الا عزل المحل وراح للرياض ونجح المحل هناك
لان طبيعة المجتمع عندنا مختلفة الطبقة المشترية قصدي
في جدة يميلون للبساطة وفي الرياض يميلون للغالي والفخم والماركات وما الى ذلك

وصحيح الشغل اليدوي فوق خساير الادوات خساير من صحتك وجهدك ووقتك
مرة كنت اشتغل مفرش صغير يمكن 20 سم في 15 سم لاسيه واجب حق المادة جلست فيه يمكن اكثر من اربع ايام
لان جد شغل اللاسيه ماهو بسيط

فمابالك بشغل رسم وتلوين يبغاله صبر وطولة بال ودقة

ربي يرزقك من واسع فضله ويديم عليك هذه الموهبة
ولا تنسي دائما حصني نفسك صباح ومساء
تسلمين على المشاركة المحمسة

الصراحة فعلا كل منطقة ولها اهتماماتها
وبالنسبة للضيافة

كل منطقة ولها تقاليدها في الضيافة

مثلا في جدة عند اهلي ما يقدمون ترمس للشاي يقدم صنية وفيها الفناجيل مصبوبة جاهزة ومعها مكعبات سكر


يعني لايهتمون بترمس الشاي ولا السكرية

وهنا في الرياض ضروري مثلا وجود ترمس الشاي

وبالتالي الاقبال على الطقم بيختلف من منطقة للثانية

وتقديرهم للتميز فيها وللتنويع بيختلف





اقتباس مشاركة  (جنان تاتــــش)
كلامك سليم حبيبتي

بس صدقيني الشغل النظيف والراقي يبان ... وقد ماتقدري احرصي على خاماتك ولا تتساهلي فيها
لانو اكيد في ناس تقدر الفخامه والشغل الحلوو
وتدفع وهي مبسووطه وعارفه انها بتكون مميزه مثل ماتحرص على فستانها ومكياجها وبيتها اكيد كمان ضيافتها واللي تقدمه

يعني مانستخسر نحط 3000 ريال في قطعة قماش ولا فستان ونستخسر نحطها بشي راقي ومتعوب عليه

ومع الوقت لما يكبر اسمك ويتنوع شغلك ماراح تجيك هالتساؤلات

من تجربتي الخاصه

الله يوفقك حبيبتي

يسعد لي هالتفاؤل يارب

والله فرحتني مشاركتك يامبدعه

وانتي بعد والله شغلاتك من جد جنان ورووووعة

عسى التوفيق حليفك وحليفي يارب

وناسس ماركات عالمية مو بس محلية

27-05-1433 هـ, 06:50 مساءً
 
ما شاء الله شغل رررررررائع الله يعطيك العافيه
وعلى قولك الناس ما تقدر الاعمال اليدوية فمثلا انا اعمل جلابيات قطن ممتاز جدا جدا وكلف وكريستال واجرة خياطة
والسعر لا يرتفع عن 120 ريال ومع هذا عند البعض سعرها مرتفع وانا لم احسب حتى الكهربا ولا مشاوير السوق والروحة والجية
على كل حال ارجو لنا ولك التوفيق
27-05-1433 هـ, 10:18 مساءً
 
ماشاء الله ... شغلك روووعة

ومعروف ان شغل اليد أغلى من الجاهز وشغل المصانع

وطالما الشخص يبي شي مميز .. لازم يدفع حق هالتميز

الله يوفقك .. ويباركلك

.
.
.
27-05-1433 هـ, 11:08 مساءً
 
ربي يسعدك ويوفقك وكل تاجره تبغى الرزق الحلال

بجد شغلك روعه والوان صافيه وحلوه ربي يبارك لك بوقتك وجهدك ومالك
28-05-1433 هـ, 12:36 صباحاً
 
الشكر لكم ياغاليات على تفاعلكم الطيب

ويارب تتغير نظرة الناس للاعمال اليدوية


عشان المبدعات ياخذون فرصتهمم
28-05-1433 هـ, 01:16 صباحاً
 


الساعة الآن 10:04 .