/السلام عليكم ورحمة الله وبركاته/
كيف حال الجميع&
بصرااحه انا امنيتي اسوي لي مشروع خاص فيني وحسيت اكثر شي راح انجح فيه حضانة اطفال لاني احب الصغار واعرف اتعامل معهم جميع الاعمار وانا عمري 24سنه
الاغلبيه حطموني وخوفوني من الموضوع وانه مسئوليه وراح يكون خسراان كنت جدا مندفعه لكن بعد الاحباطات حسيت اني خلاص ماني قد هالشي..
انتم وش رايكم للي سوو مشاريع؟
للامهات الموظفات رايكم بالحضانه؟؟
طبعا اللي راح يمولني صندوق المئويه او باب رزق لكن ابي احد يشجعني ويدعمني ويعطي رايه انا بالتجاره والبيع ماامشي فيها بصراحه لكن الاطفال جدا ممتازه ....
واللي ماعندها راي او معلومه ياليت ترفع لي الموضوع الله يجزاكم خير..
23-05-1433 هـ, 09:58 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ماعندي خلفية

الله يوفقك اذا انتي حابه المشروع ابحثي عنه ولاتسمعي كلام اللي يحطمووون
23-05-1433 هـ, 12:45 مساءً
 
الله يوفقك ماقصرتي ياقلبي على الرد
باانتظار البقيه"
23-05-1433 هـ, 01:27 مساءً
 
حبيبتي المشروع نااااااااااااااجح
وانا افكر فيه من سنه تقريبا
بس ياليت اللي عندهم فكره عن المشروع يفيدنا
وخاصه اني مامعاي شهاده بس كفاءه وصاحبتي تخصصها رياض اطفال ممكن تساعدني
واللي خلاني اتحمس للمشروع اكثر
لاني توظفت مرتين في حضانه اطفال وشفت الاهمال بعيني وتعبت وانا اكلم المديره والحاضانات بس للاسف
يمشون على كلامي ونصائحي يوم يومين بعدين خلاص والمشكله عليهم اقبال مشاء الله
والله كل ماجت وحده بتسجل طفلها يضيق صدري
عشان كذا ودي افتح حضانه من سن 3 شهور الى 3 سنوات وعندي افكار ودي اسويها اضافه على الضروريات
مثل توظيف سعوديات وفلبينيات واضافه كاميرات مراقبه على كل غرفه وتزويد الامهات الموظفات بتقرير اسبوعي عن اطفالهم
وتجهيز الحضانه بشكل ممتاز جدا
بس ابي كيف ابدا ومن وين الترخيص وين اروح يعني زي كذا
بالنسبه لمبلغ المشروع الحمد لله موجود
23-05-1433 هـ, 02:12 مساءً
 
الحضانه مسؤليه كبيره جدا
عندك استعداد تتحملين مسؤليه كم طفل ست ساعات ووممكن اكثر
تتحملين اكلهم وشربهم والتغيير لهم الام وهي امهم تتعب وتزهق وتجي فترات تهملهم
غير كذا تحتاجين تصريح وهذا ضروري جدا
عشان الناس تثق فيك وعشان اذا صار شي لاسمح الله يكون شغلك نظامي
فكري بالمشروع كثير واستخيري انا اشوفه مشروع مو سهل ويحتاج تعب وصبر ومسؤليه كبيره ممكن لا سمح الله يصير لطفل شي وهذي اراده الله اهله ماراح يقولون قضاء وقدر ومكتوب بيحطون المسؤليه كلها عليك
ممكن لو عندك مكان فاضي وآمن مافيه درج واشياء تضر تستقدمين وحده تساعدك او توظفين وحده من هنا
23-05-1433 هـ, 04:57 مساءً
 


الساعة الآن 07:48 .