Analysis Services
تبارك الرحمن الايام تركض فينا وكله محسوب من اعمارنا

وباقي شهرين على رمضان عسى الله يعوده علينا بالخير واليمن والبركات

ورمضان اتي لابد منه ولكن حنا العالم الله نلحق عليه او لاء

وعسى اعماركم طويله يا رب

المهم ندخل في الموضوع

نبي نحط جدول حق ماكولات رمضان

يعني مثلا شنو الاطباق التي لازم تقدمينها يوميا على سفرة رمضان وتحرصين عليها

او شنو الاطباق التي يحبها افراد اسرتك

وبعدها راح نجمع الاطباق المكرره واللازمه وندرجها بالجدول مع بعض الاضافات

يعني :

انا سفرتي لازم احط عليها الشوربه يوميا ... والاكثر نحب شوربة دجاج الذره ... وشوربة العدس ... وماجي

الثريد او التشريبه وهي الخبز بالمرق ... وهي تقريبا نسويها يوم بعد يوم

الطبق الاساسي طبعا لازم بما انه راح يخف علينا برمضان اكل السمك يعني اغلب الاطباق راح تكون دجاج او لحم ( مع اني احاول اخفف من اكل الرز برمضان ) لتعدد الاصناف الاخرى على السفره

الاطباق الاخرى المنوعه مثل السلطات اعتقد هذى يوميه

والمقبلات مثل الكبه هذى لازم تجهزينها قبل رمضان وتفرزنيها وشكلي فيها مره بطاط ومره جريش ومره برغل ( هذى لو اقدمها يوميا مافي مانع لان يحبونها )

والمعجنات ( ممكن نبدل فيها مع الكبه يعني يوم كبه ويوم معجنات)

والحلويات عديده في رمضان ومعروف اغلبها مع الجلي والمهلبيه والاصناف البارده

والعصائر لازم تكون موجوده

الحين نبي كل وحده تقول شنو الطبق الذي لازم تقدمه يوميا وتحرص عليه

وبعدها راح نجمع أراء البنات في الاطباق اليوميه والاطباق الاخرى

وانتظر رايكم

27-06-1426 هـ, 09:34 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا ام عزيزان تقريبا نحن عندنا في البيت نفس الظام مالج الشوربات و الحلويات و العصير و اللبن شي مهم وقت الفطور و المقالي بأنواعها من الباكوره ما ادري انتو شو اسمونها و الهريس و الثريد و قليل ما ناكل عيش في فرمضان و الحلويات و الاكلات الشعبيه مثل الساقو , العصيده و الليقمات السلطات بعد مثل الفتوش و التبوله و سلطه الذره و جميع ما ذكرتي
27-06-1426 هـ, 10:19 مساءً
 
لكل دوله نوع خاص من الاكل في شهر رمضان عسى الله يعوده علينا بالخير واليمن والبركات



بالنسبه لاطباق الرئيسيه وكدلك

الشوربات
اما بلنسبه للحلويات والمعجنات فهي تتشابه
ان من راي تجمع الاكلات المناسبه للشهر رمضان من حلويات ومعجنات وسلاطات
ومقبلات في موضوع واحد يسمي ملف اكلات رمضان ويكون اكلات فقط بدون رودودوتكون مجربه ومضمونه وحبدا بالصوراي كل اخت في المنتدي تسهم بوضع اكلات التى تراه مناسبه لشهر رمضان الكريم وكدلك تجمع من المواضيع السابقه
ام بالنسبه لاكلاتنا الليبيه في رمضان الحليب والتمر او اللبن ضروريا علي السفره
الشوربه تعتبر اساسيه (شوربه لسان العصفور)
البيتسا
البوريك بعدة انواعه ويختلف بعض الشي علي الانواع الموجوده في المنتدي
المبطن/مبطن بطاطس /مبطن كرنب زهرة
المحشي يشمل السلك ويسمى دولمه /القرعه /الملفوف/الفلفل /والخضروات الاخري من بطاطس وبادنجان وبصل
الكريب
الفركاسيه /الخبزة /البتسا الملفوفه/
انواع اخري كثيرهومتعدده واغلب العائلات تحضر جميع الاكلات السابقه بشكل يومي
اما بلنسبه لي احب التجديد كل يوم يكون صنفين مع الشوربه وهكدا
اما بلنسبه للحلويات نحضر كميه من الدبله /الحجيبات /
/الكنافه/كعك وحلويات اخري ملبسه بالشكولاته تحفط في حافظه وتستعمل مع شرب الشاي والقهوةفي حالة عدم عمل كيكه او بسبوسه او بسطه فلورا او لقمه القاضي والدونات اي الاشياء انيه التحضير
طبعا المحلبيه لاغني عنها اوالسحلب او البسيسه او الخشاف
مع تنوع في السلاطا ت والمقبلا ت والفواكه
27-06-1426 هـ, 10:43 مساءً
 
مشكورة على طرح الموضوع
الله يلحقنا رمضان ويتقبله منا
الايام تمشي بسرعة
نظامنا في رمضان الكريم
مع الفطور
القهوة والتمروالقيمات لولا التعب كان سويناها كل يوم واذا مافيه لقيمات نسوي جبنية او قطايف او كنافة وبف باستري بالجبن مع العسل
والعصير توت او قمر دين او عصير تانج برتقال ( هذا ضروري ) واذا فيه وقت سوينا عصيرات طازة للتنويع
والمعجنات اهم شي سمبوسة ( لو ما اكلنا سمبوسة اول يوم رمضان وعصير توت ما نعتبر دخل رمضان) والسمبوسة ننوع حشوتها لحم - جبن - بيض - خضار
وبيتزا صغيرة واحيانا بف وفطائر منوعة واقماع اللبنة والتونة

والشربة - شربة كويكر حمراء ضروري - او شربة شعيرية او طماطم او دجاج
او كويكر بيضاء -تنويع

العشاء
بعد صلاة التراويح
غالبا معكرونة انواع متعددة ( اسباكيتي - بالصلصة البيضاء - سادة ....الخ
وباقي معجنات الفطور
وصينية خضار - او ورق عنب - او دجاج مشوي اومقلي مع بطاطس
والحلى فاكهة او كريمة او جلي او بسبوسة
والسحور

غالبا رز مع سلطة زبادي ولبن
بحفظ الله
27-06-1426 هـ, 11:23 مساءً
 
الكاميليا

مشكوره عزيزتي وفعلا انا نسيت الهريس والجريش وهي من الاصناف المحببه في رمضان

وشاكره لج المشاركه



الورده الدهبيه

تبارك الرحمن السفره الليبيه عامره بالماكولات الشهيه ... مع في اطباق ذكرتيها مانعرف شنو مكوناتها لان اسمائها غريبه علينا .... بس حلو ان الواحد يتعرف على مائدة الدول العربيه وياخذ فكره عنها

وبالنسبه لاقتراحك فكرته حلو وهو تجميع الاطباق التي تصلح حق رمضان

وان شاء الله نفتح رابط فيها بمساعدتكم

وبارك الله فيك




منتهى الامال

فعلا ذكرتيني في السمبوسه انا نسيتها

وتبارك الرحمن سفره دايمه

وتقريبا نفس نظامنا

والحافظ الله ومشكوره على المشاركه القيمه



وننتظر راي بقية البنات ويذكرونا باللي نسيناه
28-06-1426 هـ, 12:03 صباحاً
 


الساعة الآن 02:50 .