ماشاء الله عليكم يابنات وكل عام وانتم بخير مقدما
بس عندي ملاحظه يابنات: ماتحسون بان برمضان وكانا بمجاعه؟ ليش كل هذا الاسراف في الاكل؟ يوميا اصناف متعدده والله ناس تصرف برمضان وهوه شهر واحد اكثر مما تصرف في سنه؟ ماتحسوا انه تبذير واسراف((ان المبذرين كانوا اخوان الشياطين)) صدق الله العظيم
احنا يالعرب نستهلك ضعف مايستهلكون سكان العالم ومعقوله كل هذا الاكل تاكلونه؟ والا تستهلكونه؟ وبعدين ماتخافون يجيكم تلبك معوي؟ صدقوني يابنات انا زوجي طبيب واكره شي عليه دوامه برمضان لان معظم الا يجونهم في الاسعاف بسبب مشاكل هضميه وتلبكات معويه
تعرفون ليش لان طول النهار الجهاز الهضمي في حالة راحه واسترخاء وفجاة يتحمل عمل فوق طاقته لانكم اتخيلوا الاكل اللي راح يدخل المعده نشويات على سكريات على دهون على لحوم والله سبحانه وتعالى اعطى الانسان جهاز دقيق جدا بحيث وضع فيه لكل نوع انزيم معين مثلا السكريات الانزيم اللي يهضمها غير الانزيم الا يهضم الدهون لذلك لما الانسان مثلا ياكل تمرة او اي نوع من الحلى وياكل بعدها سمبوسة لحم مثلا فاول انزيم تفرزه المعده هولاول وجبة تدخل الجوف طيب ايش يصير الى الصنف الا بعده ماتفرز انزيمه لانها اتكون مشغوله بهضم الصنف الاول طيب ايش مصير قطعة هالسمبوسه؟ تتعفن داخل البطن وبكدا تنشا الغازات وانتفاخ البطن وعفوا لهالكلمه وينتج عن هذا التعفن روائح كريهه وتبدا مشاكل الهضم تطلع
فرفقا يااخواتي الله عطانا هذا الجسم امانه لازم انحافظ عليه وفرض علينا صيام رمضان عشان انحس باخواننا المسلمين الفقراء واللي يعانون من المجاعات وثاني شي ء حتى نعطي جسمنا فترة راحه لان المعده بيت الداء يا اخوات واذكر حديث الرسول (ص) : ما ملأ آدميٌّ وعاءً شرّاً من بطنه ، فإن كان ولا بدّ فثلثٌ لطعامه وثلثٌ لشرابه وثلثٌ لنَفَسه .
فالمفروض يكون وجبة الفطور متوازنه نوعا وكما والمفروض ايضا ان اعود اطفالنا على هالشي وصدقوني يابنات اني برمضان مايتغير عندي الفطور عن الايام العاديه لان وجبتنا الرئيسيه تتكون من شوربة وسلطه وعصير وتمر وطبعا الشوربه احرص على انها ماتحتوي على لحوم ونوع من المعجنات ياسمبوسة خضار او مناقيش اوفطاير جبن او بيتزا وبعد اربع ساعات بالضبط واحيانا خمس ساعات ناكل الوجبه الرئيسيه يارز ولحم او اي يطبق يشتهونه عيالي اسويه لهم هو عشا وهو سحور والحمد لله والشكر على هالنعمه
اتمنى ياخواتي ان كلامي مايصير ثقيل عليكم وهذي وجهة نظر تحتمل الصواب والخطا
وكل عام والأمه الاسلاميه بخير وعافيه
12-07-1426 هـ, 07:22 صباحاً
 
بالعكس يا نغم

انا سعيده جدا بكلامك

وكلامك صحيح وماعليه خلاف

واذا شفتي تعددت الاصناف فهذا لان في اصناف خاصه برمضان ونحس بنكهتها بس في هذا الشهر الفضيل

ومثل ما شفتي بعد ان الاكل موزع على فترات في شغلات خفيفه اول الفطور وبعدها الصلاة وبعدها نتابع الاكل وهكذااااااا

يعني فترة الاكل موزعه وهذا يخلي المعده تعمل على راحتها

والاكل وعن نفسي فحتى انا اتضايق لما ارمي شي

يعني دايم اسوي الوجبات حسب مايحبونها وما اكثر منها

واللي يزيد ياكلونه على السحور

والحمدالله على كل حال

ونتمنى الصحه والعافيه للجمييييييع

وشاكره لك نصايحك الذهبيه والله والمفيده جدااااااا

12-07-1426 هـ, 11:25 صباحاً
 
مرحبا...شخبارك ام عزيزان...والفكرة حلوةعشان ننشط الذاكرة قبل لايجي رمضان الله يشرفه...

بالنسبة للشي المهم الي زوجي لاااازم يكون موجود عنده

...السمبوسة....سواء مقليه او بالفرن

وبالمرتبة الثانية تجي الشوربة...كويكر الحمرا.. شوربة الهريس(الحب)...او كريمة الدجاج او الشعيرية او شوربة الخضار...

طبعا السلطات والقته بأنواعها...

الطبق الرئيسي يكون صينية خضار او اي نوع من الصواني..مكرونه..او رز لان مانستغني عنه مستحيل يعدي اسبوع برمضان بدون مانسوي رز لو ثلاث مرات...

فطاير او بيتزا ا.. الكبه بأنواعها...او اي طبخة جديدة من هالنوعية...

بالنسبة للتحلية احيانا مااسويها...والعصيرات اهم شي من يوم احنا صغار ومانستغني عنه بمضان يعني لو اشربه بأي شهر ثاني على طول احس انه غلط لانه ماينشرب الا برمضان...

هو الفيمتو.....بالنسبة لي هذا احسن شي على السفرة....

*************************

بس المشكلة الحين الموظفات الله يعينهم ويعينني على التجهيز لانه بيكون مدبول اكثر من الي بالبيت...
ومانقول الا الله يلحقنا خير ويعيننا على صيامه وقيامه...
13-07-1426 هـ, 06:10 مساءً
 
معليش برجع ارد مرة ثانية...

بس للي تسأل عن التشريبة هي ايش؟؟؟؟

التشريبة على مافهمت انها زي الي عندنا نسميه القرص...او القرصان....
13-07-1426 هـ, 06:28 مساءً
 
جزاك الله خيرا
وجعلها الله في موزين حسناتك
للهم بلغنا رمضان واعنا على صيامه وقيامه
14-07-1426 هـ, 09:05 صباحاً
 


الساعة الآن 11:15 .