موضوع قيم بارك الله فيك
ورمضان كريم يارب

مرحبا أخواتي ...

هذا أول رمضان يجيني وأنا ببيتي (انشاءالله)

زواجي قبل رمضان بثلاث أسابيع ...

وللأسف ما أعرف أطبخ ولا عمري دخلت المطبخ ...

غير الحلويات ما أسوي ولا شي ..

الله يستر ...

المهم احنا عندنا من الاطباق اليومية في رمضان

التمر ، الثريد ، الكباب بأنواعه خضرة أو دجاج ، السمبوسة جبن، خضرة ، لحم

والكريم كرامل والجيلي والكسترد والمهلبية ...

والعصير سن كويك برتقال هذا ضروري والفيمتو هم نفسه ..

وتانج المانجو

ادعو لي ..

المذهله

تسلمين على الاظافه والمشاركه ... والاطباق اللذيذه وتقريبا حنا متفقين بالاصناق المقدمه

:26:

لينا

تسلمين عزيزتي

وعسى الله يعوده علينا

:26:

اميرة العرب

الف مبروك حبيبتي ولا تحاتيتن ان شاء الله الامور ميسره وانتي عروس محد راح يشره عليج :) والمنتدى يقدم اطباق كثيره وسهله وشهيه وتابعي الاطباق المجربه راح تفيدك

وفعلا ذكرتيني في طبق الكباب او خبز العروق وله مسميات ثانيه انا اسويه بطريقه لذيذه جدا ومضبوطه ان شاء الله راح اسويه واصوره لكم قبل رمضان وراح يعجبكم ان شاء الله

وشاكره لج الاضافه وتذككيرنا في الاطباق الاخرى

:26:

الله يستر عليك يا ام عزيزان ذكرتينا بايام رمضان الحلوة الله يعيدها علينا بكل خير ويرحم من لاعاد علية امين بالنسبة لي انا انوع بس اكثر شي الرز و التشريب الفطاير وطبعا القيمات والسمبوسة وعصير قمر الدين والفيمتو والكبب هذي الاشياء شبة اساسية وبما انا مجموعة من العوايل تقريبن تسع بيوت وكل ليله على بيت علشان كذا فية مجال ان الوحدة منا تجتهد اذا كان عليها وتحاول تنوع باطباق جديدة وشكراااااااااااااا على الموضوع القيم

هلا حبيبتي أم عزيزان والله ذكرتيني بجو رمضان الله يبلغنا يصامه ويقيامه..
أما إحنا سالفة بالبيت (الكل يتنسى برمضان :27: )
و السفرة عندنا لازم فيها شوربه يوميا ، كل يوم نوع بس شوربة دجاج الذره بالكريمة أموت فيها..
التشريبه لازم كل يوم نوعين نوع بالخبز الايراني ونوع بخبز الرقاق..
السلطات كل يوم لازم 3-4 أنواع..
والهريس والجريش (مرة دجاج ومرة لحم)..
ورز لازم نوعين يوميا ، أبيض والثاني يكون اما مقلوبة أو كبسة..
المرق يكون يوميا نوعين غير الدقوس..
ولازم في على السفرة صينية معكونة إما بالباشاميل أو لازانيا بس مرة دجاج ومرة لحم..
أما المحاشي يوم وترك..
ولازم يكون يوميا نوعين لحوم (دجاج ولحم) أو (دجاج أو سمك) أو (لحم وسمك)..
الكبة بانواعها والسنبوسة والمعجنات الصغيرة..
والحلويات وايد الكنافة نييبها جاهزة واللقيمات والقطايف المحشية جوز وقشطة وشعر البنات الملون والزلابيا باللوانها و تشيز كيك كل يوم نوع ، الكريم كراميل والمهلبية والقمر الدين والجلي..
والعصائر كل يوم لازم يكون فيمتو وبرتقال (أساسي) واللي يبي صنف زيادة يطلب..
أما المشروبات الساخنة عندج القهوة العربية واللومي و الشاي والدارسين..