أهلا خواتي ..
حصلت الجل أو الكريم المعطر اللي يخلي الجسم حرير .. وفعلا بعد ما جربته صار جسمي لون واحد وحرير وريحته حلوه ..

تدرون وين حصلته ..
عند محل يبيع عطورات بحرينيه .. وبصراحه ما عرفت أقره إسمه لأن الخط شوي غامض .. بس يمكن يكون إسمه مميز أو تميز .. المهم اللي في العين تقدر تحصله بجانب عطورات السلامي ومجوهرات بلال . .. بتحصلونه بنفس السيد .. وهذا المحل عنده أشغال وايد حلوه من مداخن وعطورات وأسعاره بعد حلوه .. خذيت منه دهن عود لليدين على شكل جل جامد ويستخدم لتعطير اليدين ... وفي علبه روعه وكشخه ينفع تحطينها في الشنطه وإنتي طالعه .. وب35 درهم ..

أما الجل أو الكريم فسعره 50 درهم .. ,إسمه لمس حرير .. وصناعته بحرينيه .. والله يوم أحطه في يداتي وأغسلها الريحه تظل مكانها ..

وأي سؤال أنا حاضره ..
بس ترا الموضوع مب للمتاجره .. يعني ما أقدر أوصل لأي حد وأنا مب تاجره بس حبيت أساعدكن .. وأعطيكن شوية معلومات عن جل يخليكي ناعمه وريحتك حلوه ..

وإن شاء الله أحصل دعوات حلوه منكن ..
28-06-1426 هـ, 12:43 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مشكورة أختي على ها المعلومة إن شاء الله بسير وبآخذ منه دامك اتمدحينه
28-06-1426 هـ, 01:20 مساءً
 
وين في العين؟؟ ماتعرفين اسم المحل؟؟ لأن هاذاك السيد متروووووس محلات عطورااات
28-06-1426 هـ, 01:32 مساءً
 
شكلج اختي تقصدين محل اسمه سيد جنيد للعطورات (( هاذا الاسم عندنا بس مادري نفس الاسم عندكم لو لاء)).. لانه اهو الي عنده هاذي الاسماااء ..وصج حلوين عطوراته والكريم بعد
28-06-1426 هـ, 01:38 مساءً
 
اقتباس مشاركة  (راس المعزّة)
وين في العين؟؟ ماتعرفين اسم المحل؟؟ لأن هاذاك السيد متروووووس محلات عطورااات

مادري اذا نفسه المحل الي اعرفه تقصده الاخت.. في العين على شارع السلام .. انا حابه افيدج .. اذا تبغين عندي رقم المحل
28-06-1426 هـ, 01:50 مساءً
 


الساعة الآن 08:58 .