يالله صبحهن بالخير ...

وشلونتسن يااخوات عساتسن بخير ...

ياقدمي قدمااااااه احس اني مغبره مبطيه عن هالقسم

ومن عقب ماجبت النونو وانا منشغله ... وعلى طاري النونو .. تراني دعيت لتسن وانا اطلق ..<< تذكرت الولاده .. الله يجزى والديني الجنه

قلت يالله انك تفرجها على بنات حواء وتستجيب دعواتهن هن وبنات بدايه .. << وربي ماتسذبت

المهم ياطويلات العمر مالتسن بالطويله .. ابخش دغري بالموضوع ..

كل انسان يمر بحياته بمراحل ... واحيان الانسان يحس انه منطلق ونشيط .. واحيان

يحس نفسه بارد متسس ماله طب .. وانا المرحله الاخيره مريت فيها .. ومااكذب عليكم لاقلت اني نسيت وشلون اطبخ << هذي اخرةالشغالات ..
ويوم قرب العرس ومشاعر بدى يرتفع عندها مؤشر القلق بكره بيصير لي بيت وش ابطبخ للرجال وش ابسوي ان كان راعي عزايم وبيته مفتوح للكل وكل يوم عزيمه واسأله كثيره طرت على بالي .. موعد العرس قرب وانا مكاني .. ماتحركت ...

قلت مابدهاش لازم احفظ كم صنف قبل ادخل عش الزوجيه .. اقلها اعرف كم صنف امشي بها اول ايامي وكان دليلي في هالشي هالقسم ...

حفظت اصناف بالمفضله .. وصرت اطبق .. البدايات بعضها فاشله وبعضها مرضيه ..

واستمريت على هالتجارب الى ان وصلت لمستوى يرضيني والحمدلله ... صدق من قال " الحي يحييك والميت يزيدك غبن " .. لادخلت هالقسم يجيني حماس موب صاحي احس ودي اطبخ حاشي << لاتهورين
وربي احيان من كثر ماافر هنا ودي اطبخ اكله دسمه والساعه 3 الفجر

احس هنا مجال اتعلم اشياء واجد .. وربي الشاهد اني انبسط اذا طبقت اكله ونجحت في تطبيقها ..

عندي دفتر مليان اصناف طبقتها ونجحت في تطبيقها .. والفضل بعد الله يرجع لكم ..

هالعالم " حواء " عطاني الكثير .. مو بس في هالقسم بكل الاقسام فادني

الديكور .. التنظيف .. الديني .. حتى العام .. وحياة اسريه سعيده ...

انا شاااااكره كل وحده فيكن قاعده تعلمني وهي ماتدري ...

الله يجعل جزاها الجنه كل من زرعت بداخلي الحماس وهي ماتدري ...

والله اني احبكم .. وعسى الله يجمعني بكم بجنات النعيم ووالدينا والمسلمين اجمعين ..



وهالورده لكل وحده تدخل الموضوع ...

28-05-1433 هـ, 06:55 صباحاً
 

5.00

عدد التقييمات: 1
5
100%
4
3
2
1
يسلموووووووو ع الوردة
ههههههههههههههههه
لم تشملني دعوتك اها اها
لله يجازاك خيرويسعدك
انا فيني كسل موطبيعي احس لوسويت كبسه اني انجزت ع الاخر
احب اناظر واتعلم بس مافيني حيل اطبق واسوي
الله المستعان
28-05-1433 هـ, 07:06 صباحاً
 
يسلموا اسلوبك رهيب
و مبروك نونو الله يخليه لكم
واحنا نحبك في الله
28-05-1433 هـ, 07:17 صباحاً
 
الحمد لله على سلامتك ومبروك ماجاك

ايه لاتشكيلي وابكيلك كلنا في الهوا سوا

انقرضت مواهبنا خخخخخخ

احبك الله حبيبتي والله يجمعنا بجنات النعيم

ومشكوره على الورد ياورد
28-05-1433 هـ, 08:35 صباحاً
 
رفع
28-05-1433 هـ, 11:19 صباحاً
 


الساعة الآن 06:59 .