أجار الطماط والبصل عباره عن شو؟؟ وكيف طعمه أول مره أسمع عنه ؟؟


الوزن الحالي : 106.9
شكل الأجااار يم يم.... هالنوع من الأجار لذيذ مع صالونة الدياي أو اللحم أو السمج....
السحناه وقريت معناها وكاني فهمت بس مادري يعني سمك مطحون بعظام او بدون
وليش مطحون يمكن وقت مازمان يخافون يوم مايكون فيه سمك او يغلا السعر او يمرض الي يصيد لهم

مادرري اذا فهمت صح وينطبخ كيف

لكن الاجار ماعرف (اجار عندنا يعني استاجره او بكم تاجيره او اجاره )
ايش هو حسبته اجاط على قولت السوررين (قدر)

فهموني كلكم تقولون يمممممم وانا زي الاطرش فالزفه
اقتباس مشاركة  (ياربي شكثـرأعـاني)
السحناه وقريت معناها وكاني فهمت بس مادري يعني سمك مطحون بعظام او بدون
وليش مطحون يمكن وقت مازمان يخافون يوم مايكون فيه سمك او يغلا السعر او يمرض الي يصيد لهم

مادرري اذا فهمت صح وينطبخ كيف

لكن الاجار ماعرف (اجار عندنا يعني استاجره او بكم تاجيره او اجاره )
ايش هو حسبته اجاط على قولت السوررين (قدر)

فهموني كلكم تقولون يمممممم وانا زي الاطرش فالزفه



ياختي أنا بفهمج..

السحناه.. هي السمج الصغااااااااااا ر.. هالطريقة جديمة لأنه الأوليين يسوونها ويستخدمونها يوم ماسي سمج.. أوكي..

المهم يفرشونه عالبحر لين ييبس.. وينشف مايه.. بعدين ياخذونه.. ويحركونة بايدهم مثل ماتقولين تحطي كفين الايدين مجابلين بعض وبينهم السمج وتحركين الكفين جدام وورا والفايدة انه قشور السمج تطيح ويبقى لحمه.. طبعا يكون جاف.. بس مادري يكون راشين عليه ملح او بعدين يرشون عليه؟؟

بعدها يطحنونه ويخلطون فيه بهارات اللي اعرفه فلفل اسود.. وبس ينحط بعلب وناكله ويا العيش الابيض والسمن البلدي ولومي.. يمممممممممم حلو بس مب كل حد يضبطه!! او على حسب طريقته ونظافته بعد!!

ألحين دور الآجار.. الجيم ننطقها غير عن كلمه استأجر أو أجر..
وهو مثل ماتقولين مخلل الخضار.. فيه منه أشكال وأنواع.. آجار البصل وأجار اللومي (أمممممممم) وآجار الهمبا(المانجا) وآجار مشكل مثل جزر وبصل وثوم وممكن ملفوف وممكن منجا أخضر أمممممممم.. ينحط مع خل او سركة احنا نقولها وفلفل أحمر بكبره وووووو.. بس آجار اللومي ينحط أظن ويا عصير اللومي..

وبس.. ان شالله وضحتلج المصطلحات..


¸.

( `•.¸
`•.¸ )
¸.•
(`'•.¸(` '•. ¸ * ¸.•'´)¸.•'´)
«´¨`.¸.*..*المسافر *..*.¸.´¨`»
«´¨`.¸.* *. ¸.´¨`»
(¸. •'´(¸.•'´ * `'•.¸)`'•.¸ )
.•´ `•.¸
`•.¸ )
¸.





ஐღღمعلومة جميلة جدا عن الملائكة التي تحيط بالإنسان سبحان اللهღღஐ

الغاليه راس المعزه ..

الاجار طعمه حار على حامض .. ما اعرف كيف اشرحلج .. يعني مثل المخلل .. بس صدق وايد حلو انا جربته ..




ويسلم كل من رد عالموضوع .. واللي تبا شي تامر بس


الساعة الآن 07:38 .