السلام عليكم ورحمة الله وبركاته

بنات القصيم يقولون قهوتكم ما في بعدها

زميلتي من زمان شربت قهوة عند وحدة وتقول لليوم ماني قادرة أنسى طعمها

يوم سألتها قالت لها أحط لها بهارات أشتريها من عند حرمة كبيرة قصيمية الكيس بعشرة ريال

طبعاً لبعد المسافة وصعوبة الوصول إلى هذه البهارات

أبيكم تقولون لي البهارات إلي تستخدمونها مع قهوتكم

لأن وصف زميلتي لطعم القهوة جنني

فزعتكم

و جزاكم الله خير مقدماً

أستغفر الله العظيم
فيه بهارات تباع للقهوه بس حنا ما نحطها

وكل زميلاتي يمدحون قهوتنا

لأن طعم القهوه يعتمد على نوعها و حمستها

والبهارات اللي تسألين عنها ما ادري اذا تنباع برا القصيم
"
أمُرُّ على المقابر كُلَّ حينٍ
ولا أدري بِأَيّ الأرض قـبري
وأفرح بالغنى إنْ زاد مالي
ولا أبكي على نقصان عمري

"
انا مستغربه كلن يمدح قهوة القصيميات مع اننا مانحط شي ولا حتى بهارات مثل ماقلتي

مثل ماقالت دله طعم القهوة يعتمد على طريقه الحمس

فيه ناس عند الحمس يخلونها الين تصير غامقه وناس يحبونها فاتحه

وناس يخلون الهيل يغلي شوي وهذا خطأ المفروض الهيل مايغلي ابد او لمدة ثواني بس


اذكر مرة اخذت قهوة للجامعه كان فيه حفلة وشربت منها دكتورة قالت مين اللي جابت القهوة ؟؟؟
هذي قهوة وحدة قصيميه>>>ماشاء الله عليها عرفت
شكراً لكم أخواتي
ماقصرتم

سؤال بعد >>>>>الله يعينكم على النشبة

وش نوع البن إلي تستخدمونه
أستغفر الله العظيم
قهوة هرري درجه اولى
"
أمُرُّ على المقابر كُلَّ حينٍ
ولا أدري بِأَيّ الأرض قـبري
وأفرح بالغنى إنْ زاد مالي
ولا أبكي على نقصان عمري

"


الساعة الآن 04:53 .