Analysis Services
مساكم الله بالخير انا بديت بالتجاره والحمدلله راضيه بالي ربي كاتبه من رزق وارباح والناس تاخذ ماشاء الله تبارك الله بس بعيونهم نظرات غريبه مدري عندهم عيب ولا يدل على اني محتاجه ولا اش سالفتهم بالضبط
وحده الليله الله يجزاها بالخير قالت لي انتبهي لنفسك والله الناس بتاكلك من طولك اعوذ بالله اش هالحسد
وبعضهم يقولون يمكن زوجها مايعطيها مصروف ويمكن ويمكن يااخوات يمر عليكم مثل مايمرني
يقللون من شان التاجره والله ماني بمحتاجه بس هوايه واشغل نفسي...
29-05-1433 هـ, 10:30 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حبيبتي مبروك عليك
والله يرزقك من اوسع ابوايه ويباركلك فيه يااااارب
وانا اقولك ناويه ابدا مشروع للحلويات وترددت من نظرة الناس لان المجتمع
الي انا فيه مايسوي كذا الا الي مره محتاجه ونا الحمدلله حالتي مره حلو بس هوايه عندي
وكمان طموحي اني املك اكبر محل حلويات بالشرق الاوسط ههههههههه
فعشان كذا لازم ابدا كذا اجرب ولما اغلط مايكون ثمن الغلطه كبير وهيييك
بس اذا بتناظرين للناس صدقيني ما راح تترتاحين بحياتك ابدا
انتي بالبدايه بيكون كذا بعدين الناس وتتغير نظرتهم
29-05-1433 هـ, 10:47 مساءً
 
يعني النظره خااااصه فيه وين التاجرات...وانتي ياختي افتحي محل حلويات اذا عندك الابداع
29-05-1433 هـ, 11:30 مساءً
 
انا باذن الله بفتح بس حابه ابتدي من البيت
اجرب واوقوف على رجلي واخذ خبره
واجمع راس المال ولا وشرايك
وحبيبتي والله اللي بيبدع اول شي لازم يسويه يحط الناس على جنب
29-05-1433 هـ, 11:41 مساءً
 
انا معلي منهم ولاناقصني شي بس بسال هل هو مرض عااام ولابس عند الي حولي
وانتي صح ابدئي من البيت لمن تجمعي راس مااال طيب ويصير لك زباين وترى اهم شي اكسب زبونه خير بالف مره من الربح لان هذي الزبونه بتجيب غيرهااا فتمكني وابدئ والله يوفقك ويبارك لك...
30-05-1433 هـ, 12:44 صباحاً
 


الساعة الآن 07:45 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏