*جمانة*

مشكورة يا أختي الكريمة على مساعدتك الكبيرة لي ..

وأنا بأشد الحاجه لمثل هذه الوصفات ..

أتمنى أن أكون عن حسن ظن ضيوفي وأستطيع أن أقدم لهم ما يشتهون ..

شاكرة لك مجهودك الجميل معي ..
انا غير موجوده


هلا غلا الروح ان شا الله ينال العشا استحسانهم
السلطات سوي سلطة فتوش وسلطة زبادي وسلطة حمص كلهم سهلين وأسهل من التبوله...بس لا تضيفين الصوص ( زيت الزيتون والخل والليمون والملح) إلا عند التقديم وسلطة الزبادي قطعي الخيار صغار وبقدونس مفروم وبصل أخضر الراس فقط إذا تبين تضيفينه وكم ورقة نعناع وعند التقديم ضيفي الزبادي وحركي مع الملح والليمون...........وممكن زبادي بالباذنجان جربته وطلع روعه..........
*********************************
الحلويات سوي حلويات عشا من الليل مثل التشيز كيك وعيش السرايا يكفي نوعين .......
وحلويات القهوه سوي نوعين وأنا أسوي بسبوسه روعه طريقة وحده من الأخوات في المنتدى الله يجزاها خير والحلو فيها أحضر النواشف بمقادير معينه وأحطهم في أكياس نايلون الخاصه بتعبئة اللحوم وأحطهم بالثلاجه وإذا بغيت أحضر بس أضيف عليهم 2 قشطه و3/4 كوب زيت وأخلط وأحطهم بالصينيه المدهونه وأحطهم بالفرن الى نص ساعه وأشربه شيره..........وممكن كيك تمر........
******************************
الأطباق الرئيسيه سوي محشي كوسه وبطاطس وباذنجان باللحمه المفرومه الظهر إذا العزيمه بالليل وإذا جت الساعه 6 ونص حطي عليه مويه مغليه وصلصة طماطم وماجي وقطع فلفل بارد للنكهه وفلفل حار وأتركيه ساعه وربع على نار وسط وقصري بالمره بعد كذا حتى ما يبرد............
صينية بشاميل الظهر بعد وحطيها بالثلاجه وسويها المغرب بالفرن................
ورق عنب من اليوم سويه وحطيه بالفريزر بصينيه قصدير بعد ما تحطين طبقة شرايح بطاطس وشرايح طماطم وغطيه بغطا يجي مع هالصواني .....وطلعيه يوم العزيمه الساعه 5 ونص مثلا ودخليه الفرن مع البشاميل بعد ما تحطين عليه عليه مويه مغليه مذوب فيها ماجي وبعد ما يجلس ساعتين بالفرن حطي ليمون وزيت زيتون..............
***************************
ودي لو ساعدتك أكثر وعندي الكثييييييييييييير بس هذا اللي يحضرني حاليا...........وطبعا يرجعلك الأختيار بالأخير يمكن تحبين تحطين أطباق شعبيه مثل المطازيز أو الهريس أو الجريش حسب أختيارك............... وعلمينا بعد العزيمه وش سويتي..........بالتوفيق....
أختي
لا تسوي الكنافة إلا يوم العزومة و آخر شئ لأنها طعمتها في أن تكون طازجة و أنا عن نفس أجهزها و هم بيأكلون العشاء بتكون في االفرن

و الأسهل عليك تسوي الحلويات اللي بيدخلها بسكويت و كريم كرميل و قشطة و احفظيها بالثلاجة قبل العزومة بثلاثة أيام ما بتخرب بالعكس بتمسك أكثر

السلطات قبل العزومة بيومين بشرط تصفي الموية تماما و تنشفي الطماطم بفوطة


البشاميل سويه قبل العزومة بخمسة أيام ما بيغير أبدا و ضعيه بعلبة بلاستيك مغطى و كذلكcolor=#FF0000] و كذلك حشوة المكرونة اللحم مع الصلصة قبل العزومة خمس أيام بالثلاجة[/color]

الأيدامات اطبخيها الليلة اللي قبل العزومة 3\4 سوى و تكمل سوى يوم العزومة

تبلي الدجاج قبل العزومة بيومين و احفظيه بالثلاجة ( قطعيه و بصل و بهارات و كله حتى الهيل و باقي البهارات حطيها و يوم العزومة بتكون سهلة جدا عليك


المصقعة ( الباذنجان و الفلفل الرومي مع اللحم و الصلصة ) سويها الحين قبل العزومة بشهر او اثنين ما بتخرب و و لما تخرج من الفرن على الفريزر ثم قبل العزومة اخرجيها ليلا بالثلاجة حتى تفك ثم تسخن في الفرن قبل التقديم

و لا تنسي تحتسبي الأجر حتى لا يضيع تعبك هباء

يالله فرج همي يالله و هم المسلمين


ربي اغفر للمسلمين والمسلمات والمؤمنين والمؤمنات الاحياء منهم والاموات
اختي غلا الروح هدي اعصابك وروقيييي وصدقيني راح يندهشو ضيوفك ويستانسون وبعدين معك وقت تسوين اشياء كثيرة منها تجيبي كيس صامولي وتقطعينة بالعرض بشكل مائل وتحطينة بالفريزر ويوم العزيمة تبشرين جزرة وفلفل اخضر وبصل وتحطين عليهم جبنة كرفت السائلة طبعا تقولي ليش كرفت اقولك الانها مالحه وتحطين مايونيز قودي عادي مو مضاف لة اي نكهات وقليل فلفل وتدهنين قطع الصامولي من جهه واحدة نفس طريقة البيتزا وتحطينها بالفرن حتى تتحمر وتجيبي صحن التقديم وتحطين فية ورق خس مو مقطع يعني تغطين قاع الصحن وبعدين تصفين قطع الصامولي بشكل مايل وتقدمينة صدقيني راح يعجبهم وعن تجربه وبعد امم امم امم تجيبين بطاطس من اللى مقطع جاهز ولما يفك منة الثلج تنقعينة بملح قرفة وشطة الاندونسية وتقلينها بزيت كثير وتجيبي دجاج او العدد اللى تبين المهم تتبلينها بالملح والثوم والبصل والبهارات وتخلينها ساعة وبعدين تحمرينها بزيت البطاطس وام تستوي وهنا السسسسسسسسسسسسر جيبي الشوايه اللى اصياخ مثل الشبك وحطية على النارلما تسخن حطية على الدجاحة وعيدي الحركه كل ما برد السيخ يعني حطي الدجاجة على الطاولة وبالشواية اعملي علامات على الدجاجة كانك مسويتها على الفحم يعني باين عليها علامات الاسياخ وبعدين حطي فحم على النار وجيبي صحن زيت وحطية بالصحن اللي فيه الدجاجه الله يعين الدجاجه تقطعت قبل لاتجي السفرةهههههههههههه المهم حطي الفحم في الزيت وغطي عليه وجيبي صحن التقديم وقطعي فية بصل شرايح وسماق وحطي الدجاجه وجنبها البطاطس المقلي وخيار مقطع بالطول واليمون وبالعافية تراة سهل بس انا قرقتي واجد واللي يذوقة يعتقد انك ياعيني من الصبح وانت تشوين بالحوش ان شاءالله اكون افدتك واذا تذكرت شي اقوللك
انا لي خبره بهالموضوع لاني كم مره اعزم اهل زوجي على الغدا والحمدلله كللللللللللل مره اسمع المدح

شوفي عزيزتي
قبل العزيمه بيوم,,,, المغرب روحي طلعي الصحون والملاعق والشوك والكاسات والمغارف وووو...........ورتبيهم على الطاوله واشتري مناديل لونها زي لون طقم سفرتك ولفيها بطريقه انيقه ودخلي فيها الملاعق والشوك والسكاكين


بالليل قطعي السلطه ودخليها ومادامك ماتبلتيها ماراح تخرب
وسوي الحلى وانا انصحك بنوعين حلى يواجه مرررررررررررره اغرب من الكنافه وراح ينبهروا فيهم

وانا ماخذتهم من المنتدى وهذي روابطهم

حلى الاوريوhttp://forum.hawaaworld.com/showthre...C7%E6%D1%ED%E6

والشتلاتhttp://forum.hawaaworld.com/showthre...C7%E6%D1%ED%E6

وفيه الرز هذا فخم جداااااااااااااااااااااااا وانا معتمدته عندي ومن المنتدى بعد
الرز بالخلطه رااااااااااااااائع
http://forum.hawaaworld.com/showthread.php?t=108640

وممكن بعد الغدا اذا رجعوا من صلاه العصر تكونين مسويه لهم عصيرات طبيعيه مثل كوكتيل او عصير طبقات او كيوي او فراوله


الساعة الآن 10:07 .