مقهوره ... زوجي خلاني اكره بناتي

الأسرة والمجتمع

السلام عليكم

بدخل في الموضوع على طول مع اني مو عارفه من وين ابد اصلا
انا متزوجه من ست سنوات وعندي بنتين الكبيره 5 سنوات والصغير 6 شهور ولاتجي وحده وتقولي سبب المشكله انه زوجي يكره بناته ويبي ولد لا ... بلعكس زوجي يحبهم وماهمه ولد اوبنت اهم شي الله رزقه بالذريه مثل مايقول بس حبيت اعطيكم نبذه عنه
طبعا زوجي طيب وحبوب وحنون واحبه ويحبني برغم ظروفنا الماديه الصععععععبه ... المشكله الحين البارح جاب لي جوال ايفووون فررررررررحت حيل وطرت من الفرح لاني من زمان اتمنى اشتريه بس مو قادره بسبب ظروفنا وحتى لما نزل لي حافز بعد ماقدرت اشتريه كل شهر تطلع لنا مشكله وسالفه وماشريته قلت هالشهر وهو قالي لا تشتريه اشتري لك جالكسي ارخص والباقي نسدد به انا قلت ما ابغى الا ايفون ... وزعلت وقلت له الى متى بظل كذا ما اشتري اللي ابغاه حتى لما جاني حافز بعدي محرومه وانا مستعده اساعدك بس اول ابي اشتري الجوال اول وانا قلت لك هالكلام من قبل ... بعدين كلم اخوه مدري شصار بينهم المهم انه كان ناوي يساعد زوجي بس انا مادريت عن شي وبعد ماخلص جى وراضني وقالي سوي اللي تبي ... وانا قلت له خلاص ما ابفى جوال بخليه الشهر اللي بعده هالشهر بنمشي امورنا فيه وبشيل منه للشهر الجاي حق الجوال قالي لا ما ابغى وما ادري شنو قلت له تقترح علي ولما اوافق تتغلى وتترفع المهم وافق وانتهت المشكله وطلعنا بس بعدي متحطمه
وعلى فكره زوجي جدا مضغووووووووط وماديته صعبه جدا يعني ماعنده شي لازم اساعده والا من وين بنعيش .. وقبل يومين قلت ابي اروح مطعم انا من زمااااااان ودي اروح بس ظروفنا ماتساعد قبل ما اولد ببنتي ذاك اليوم قلت بروح الليله قالي خلاص مايهمك وهو توه مستلم راتبه يعني توقعت عنده ... ورحنا وتعشينا مع اني كنت متضايقه ما استانست ابد وهو بعد ... وبعدها بليله قالي انه ماكان عنده اصلا فلوس للمطعم بس ماحب يكسر بخاطري ووداني ... انا اثر فيني كلامه وقلت له لو ادري ماعندك كان مارحت بس انت ما قلت لي ...
ولما تناقشنا عن الجوال قالي اصلا الزوجه لو تشغل لها اصابعك العشره مارح يبين في عينها انا انقهرت من هالكلمه حيل وحزت بخاطري كل هالتقدير والتضحيه يقولي كذاااااا ... انا حتى ما ازور اهلي عشانه اكثر من شهر ماشفتهم انا ساكنه في غربه في منتطقة عمله ومايرضى يوديني لهم الا بالموت في الشهر مره وبالحنه بعد
بعددين سالته انت جاد في كلمتك انه مايبين في عيني شي قالي لا وقت عصبيه بس انا ماصدقت كلامه ولازلت اتذكر كلمته وافكر فيها

المهم البارح بعد العشا جاب لي الجوال ةطرت فرحه ومو مستوعبه من وين وشلووووووون ؟؟؟
يقولي ليش مو فرحانه وانا متبلده اقوله شلون ... بعدين قالي من اخوي جى البارح عطاني الجوال وقلت له لايقول لاحد انه منه بالذات اهل زوجي حتى انا قلت له صعبه يعرفوا انه هالجوال من اخوك قال لا ماراح يقول لاحد وانا وصيته ... وهو اخو زوجي يتاجر بالجوالات كل فتره يجيب جواله ويعطيه اي احددد يشوفه حتى لو مايعرفه
وانا جوالي قدييييييم ومكسر وحالته حاله حتى واتس اب ماعندي المهم اخذه وحط لي فيه برامج وبعدها بدت المشكله

يعني مامداني افرح او اتهنى فيه

رجع على الساعه 11 ونص تقريبا وشاف بنتي الكبيره جالسه في الصاله تاكل وعصصصصصصصصب ليش جالسه لها الوقت وليش ماتخليها تنام قلت له دخلتها وطلعت وقالت جايعه عطيتها تاكل قال خليها تنام جايعه اذا قعدت بكره تاكل قلت له شلون تقول كذا وهي مو متعشيه اصلا عصب ودخلنا الغرفه انا وبناتي وهو طلع قال بجلس عاكمبيوتر وبجي انا انقهرت ليش كذا متى مانامت نامت انا بعد ودي تنام بس شسوي اذبحها عشان تنام قلت لها نامي ماما انا بطلع بنيم اختك وبجي وطلعت وجلست يمه وقلت له ليش كذا هم مو بس عيالي انا اتحملهم وبعد شوي جت بنتي طلعت وعصب زياده ودخلنا الغرفه مره ثانيه ودخل معنا وقفل الباب وصرخ عليها ويبيني ارضع بنتي الصغيره غصب يقولي بسرعه عشان تنام قلت توها راضعه ... ويقولي انسدحي يالله عشان يناموا افففففففف شقول بس وبنتي الكبيره تعانده مو راضيه تنسدح انا تعبتتتتتتتتتتتتتت منهم تعبت والله عصب وضرب في الدولاب وطلع وقالي قعدي انتي معهم الى الصباح وراح الصاله انا انقهرت وقمت ضربت بنتي حطيت حرتي فيها وجى شافني اضربها وطلع وبعدين قمت اصيح انا معها وانا اضمها قالت لي اول مره اشوفك تضربيني وانا ماسويت شي والله عورت قلبي ... وهو نام في الصاله لما ناموا ناديته مارضى قالي بصلي الفجر وبجي ولا جى
اول مره يسويها ينام في الصاله اخاف يتعود
والله نفسيتي تعبااااااااااااااااااانه مدري شسوي كرهت عيالي منه لانه هم السبب في اللي صار ليش يسوي كذا هو على طول خناااااااااااااق مع بنتي الكبيره على طول يعاوشها ويهددها بالضرب مره نزلت موضوع عنها الى ماتغيرررررررررت وصارت عصبيه وعنيييييييده منه ومن تصرفاته قامت حتى وهي نايمه تصيح وتهذي وكل اقوووووووله الومه ويقول خلاص بتغير من بكره بغير تعاملي معها ويرجع
زهقانه زهقانه منه
انا اتعب منهم ودي يجي يساعدني عليهم يسولف لهم شوي يحسسهم بوجوده هو يجي يزيدنيييييييي هواش وصراخ على اقل شي تعبت
قمت اقوله اخذهم ارميهم من النافذه خلاص ما ابغاهم تعبت منكم تعبت
والحين جى تغدا وقالي انا اسف على اللي صار بس ماعطيته وجه ولاتكلمت تغدينا واحنا ساكتين وطلع راح دوامه وانا بعدي مقهوره صرت اكره بنتي مسكينه بس تتكلم اصرخ عليها صرت نفسه معوره قلبي بس شسوي

انا ما اقدر على بعده ولا عندي غيره هنا ... مضطره اكلمه .. بس ودي اعطيه درس ما ابغاه يعيدها بس انا بسرعه اضعف لما جى عالغدا بالموت مسكت نفسي وماتكلمت معه

وعلى فكره الجوال للحين في مكانه كررررررررررررهته ولا حركته بعد ... مايسوى علي هالجوال ... وعلى فكره اذكر قبل لما جاب لي جوالي القديم صارت مشكللللللللللله كبيره بينا وكرهت الجوال ما اخذته الا بعد ماتصالحنا وهالمره بعد
مدري شالعلاقه

ساعدوني كيف اتصرف معه

انا تعبااااااااااانه

129
28K

يلزم عليك تسجيل الدخول أولًا لكتابة تعليق.

تسجيل دخول

أم العيال🍭.
أم العيال🍭.
الله يعينك ياقلبي ويرزقك الرزق الحلال
تحملي زوجك ‏​مٍْْـٍْن ضغوط الحياه صاير عصبي
وان شاءالله البنات يفيدونك ..
رووحى كول*
رووحى كول*
الله يعنيكم اختى زوجك الظاهر يبغاك تتفرغين له وتعطينه شويه اهتمام
والا ليش يعصب من بناته حاولى تنظمين وقتهم وتنومينهم بدرى عشان تتفرغين له
الله يخليكم لبعض :26::26:
وينك يانوره
وينك يانوره
اهم شي لاتحطين حرتك في بنتك مسكينه وش ذنبها يكفي ابوها تجين انتي تزيدينها ليشتبغون تعقدونها مسكينه بعدين تصير شخصيتها ضعيفه ومهزوزه
دينـي يقينـي
دينـي يقينـي
الله يعينك
كحيله.
كحيله.
مسكين يمكن يعصب عليكم من ضغوط عليه بالعمل والحاله الماديه
خلا ص هو تاسف طنشي