سلام بنات
كيفكم يارب بخير
انا بصراحه حابه اتعلم للطبخ لاني قليله خبره بالمطبخ وشغل المطبخ الوالده متوفيه الله يرحمها واخواتي خبرتهم قليله
حابه اني اتعلم للطبخ وعمل الاطباق والشاي والقهوه لاني دايم لما اسوي شاي احس طعمه مو كويس مره مثل الي اشربها عند الناس والقهوه نفس الشي
ياليت الي عندها خبره تفيدني بهالمجال واكون شاكره لها حابه مبدئيا اتعلم للقهوه والشاي واعمل حلا خفيف وكبسه
30-05-1433 هـ, 08:22 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
انا الحمدلله تعلمت الطبخ بفضل الله ثم بفضل عالم حواء صرت طباخه
في هنا اقسام اي شي تبغي تختاري اتعلمي والله فن
30-05-1433 هـ, 08:28 مساءً
 
اااااااااااااااب
وين الطباخات يابناتانا ابي الطرق تكتبوها ليا هنا واطبقها لاني والله ماعرف وشاختبار والقسم مليان اكلات اشكال الوان واغلبها مقاديرها صعبه
ابي اسوي شي سهل وحلو وطعمه نايس ودي اصير بنيه سنعه هههههههههههههه والوالد مايقصر دوم يحطمنا بتعليقاته انتم ماتطبخون انتم م تاكلون جاهز ماتعرفون تسوون وهو صادق حنا كسولات شويتين
حابه اغير الفكرررررررره واوريهم ابداعات وحده مناع الاقل
30-05-1433 هـ, 09:13 مساءً
 
بالنسبة للشاي استخدمي الربيع طعمه مرة حلو وحاولي يكون جديد خذي حبتين أكياس الربيع وملعقه ورق الربيع وفنجانين وشوي سكر وحطيهم بالدلة وصبي عليهم ليتر ماء مغلي وكم ورقة نعناع او حبق ونقطة نقطة يمكن شعرتين زعفران وخليه يخدر واستمتعو فيه
هذي طريقة علمتني عليها جارتنا الله يسعدها

القهوة على النار ليتر ماء + 4 ملاعق بن مطحون + شوية زعفران + شوية ملعقة صغيرة حليب بوني وخليها على نار وسط تغلي 10 دقايق وحطي هيل مطحون في الدلة وصبي القهوة عليها

بالنسبة لباقي الاكلات خذي وصفات من المنتدى قسم الاطباق الساخنة والحلويات اشياء حلوة مرة وكل مرة طبقي وبتصير احسن طباخة

والله يرحم الوالدة ويجعل مثواها الجنة

واذا احتجتي اي شي راسليني عالخاص اعتبريني امك الثانية
30-05-1433 هـ, 09:30 مساءً
 
افضل شاهي الكبوس اللي كرتونته فضي وفيه بالوسط مربع كحلي طربوش ممتاز مره حطي بالترمس العادي ملعقتين صغيره شاي وفنجال قهوه ونص سكر وصبي المويه وخليه ١٠ دقايق ورجي الترمس شوي وخليه يركد وصبي وتقهوي وبالعافيه والقهوه لي رجعه باذن الله

اقولك الطريقه الصحيحه لاهل نجد ١٠٠٪١٠٠
30-05-1433 هـ, 09:48 مساءً
 


الساعة الآن 08:51 .