رح اعطيكم طريقتي في عمل الرقاق البيتي

المقادير
3 اكواب طحين ، قليل من الملح ، ملعقة صغير خميرة ، ماء حسب الحاجة
الطريقة
تعجن المقادير حتى تحصلي على عجينة متماسكة طرية
تقسميها لكور اكبر من البيضة بقليل ، وتتركيها ترتاح 10 دقائق فقط
بعدين بتبدأي بالنشابة تفرديها حتى تصير رقيقة مش مثل الخبز العادي ا رق ولا تصل لدرجة رقة لفافة السجائر بين البين
بعدين ضعي المقلاة على النار من فوق واقلبيها يعني وجه المقلاة للنار وانت رح تشتغلي على ظهرها
بعدين ضعي الرقاقات اللي بترقيها على ظهر المقلاة حتى شوي تصير عليها دوائر الاستواء الحمرا بعدين اقلبيها على الوجه التاني وبعد الاستواء فورا ضعيها في كيس واغلقي عليها حتى ما تنشف
وبعدين استخدميها في السندويتشات اللي بدك ياها انا بستخدمها مع المسخن المسحب
او مع سندويشات الكودو او اي سندويتشات فيها دجاج صراحة طعمها يجنن ولو بتحطي عليها حبة سودا على ال عجين بتطلع ازكى وازكى وصحتين وعافية
28-09-1426 هـ, 12:17 مساءً
 
طبعا انا بكتبلكم اطباقي لليوم

الشوربة البيضاء
صدر دجاج مسلوق ومقطع مكعبات
2 فلفل بارد او فليفلة مقطعين مكعبات
نصف كوب ملفوف مقطع
كوب ذرة صغير
ضرسين ثوم ، ملعقتين كبار طحين
خل + ليمون + ملح + بيضة
الطريقة

شوحي شرائح الثوم في قليل من زيت الذرة او السمن حسب رغبتك والدسامة اللي بدك ياها
حطي الملفوف والذرة والفليفلة على الثوم مع التحريك طبعا
بعدين ضيفي مكعبات الدجاج وحركي
بعدين بتحطي ملعقتين كبار طحين وبتحركي كويس كويس علشان تختلط ذرات الطحين مع المكونات حتى ما يكتل الطحين

بعدين بتحطي شوربة الدجاج اللي سلقتي فيها صدر الدجاج وبتحركي وبتتركيها تغلي 5 دقائق
بعدين قبل التقديم بتحطي البيضة اللي بتكوني خفقتيها بالشوكة قبل
والملح والليمون وبتقدميها مع الخل
28-09-1426 هـ, 12:25 مساءً
 
والحلو اليوم سنبون اكيد عندكم الطريقة وصحتين وعافية
28-09-1426 هـ, 12:27 مساءً
 
فكرة موفقه... جزاكم الله الف خير...
07-10-1426 هـ, 09:25 صباحاً
 


الساعة الآن 06:43 .