تسلمووون جميعا على المرور والرد

تطمنت الحمدلله
الله يوفق الجميع
اللهم لك الحمد كما ينبغي لجلال وجهكـ وعظيم سلطانكـ
اختي اماني المدينة وش لك في الراجحي ودوخة الراس مع طلباتهم الي ماتخلص وعندك البنك الفرنسي اكبر منه واسهل عندهم برنامج الرافد واقل مبلغ يقبلونه 200 ريال اتصلي عليهم واساليهم ولكي مني كل التحيات
اقتباس مشاركة
*أنا بأفتح حساب في بنك الراجحي عشان بأتداول في الأسهم بس قالوا لازم 50.000 ألف؟؟؟ ليه؟؟ معقولة؟؟
أنا بأتداول في الأسهم إن شاء الله من الإسبوع هذا بس أبي يكون لي حساب شخصي من فين 50.000 ألف....
اولاً فتح الحساب لازم 5000 فقط لكن التداول هو المشكله 3 فروع للتداول فقط
فرع الحمراء لاتقل قيمة الاسهم في المحفظه عن 300000الف ريال
فرع طريق خريص لاتقل قيمة الاسهم في المحفظه عن 500000الف ريال
فرع العليا ممكن تذهبين اليه وانتي جديده بدون ولاسهم بشرط ان تشتري اسهم بقيمة 100000ريال

ثانياً التداول عن طريق الانترنت رسومهم مرتفعه جداً 850ريال في السنه
وموقعهم دائماً يرفض المواصله وتنفيذ الاوامر

البنك البريطاني 100000ريال حتى تتداولين في البنك ولايوجد لديهم تداول انترنت

سامبا تدولهم كان جيد لكن لكثرة المشتركين اصبح يشكو من البطء بعض الشيء وتاخير الاوامر ورسوم التسجيل 400 ريال

بنك الرياض افتتح حديثاً موقعه ولا املك معلومات عنه

الفرنسي حالياً افضل الموجود بالنسبه للمتداولين ذوي الاموال القليله امثالنا
لكن تحتاجين لاخذ موعد قبل الذهاب للبنك لفتح رصيد ومحفظه وانا شخصياً انصحك بالفرنسي فتداول الانترنت سريع وتكلفته 60 ريال لكل شهر
يعني لو طفشتي شهر او شهرين ماراح ينحسب عليك زي الراجحي وسامبا
اقتباس مشاركة
إذا حولت الفلوس اللي بأتداول فيها من حساب جاري إلى حساب تداول يظل الحساب الجاري كما هو يعني الرواتب تنزل عليه وكذا؟؟
تنزل الرواتب عادي وكل التعاملات تظل كما هي عدا المبلغ المحول يخصم عليك

اقتباس مشاركة
يقدر صاحب الحساب سحب الفلوس من حساب تداول في أي وقت وإلا لا؟؟ لأن الحساب مو لي أنا؟؟
حبيبتي ايش قصدك بحساب تداول؟؟
اذا قصدك الحساب الاستثماري فهو يقدر يسحبها
اما اذا قصدك المحفظة الاستثماريه فالمحفظة مايكون فيها سيوله اسهم فقط

اقتباس مشاركة
*رأس المال الـ 5000 آلاف مو حقتي مشاركة بيني وبين ناس بس بسأل.. كيف نتقاسم هل في الربح فقط لأن رأس المال من عندهم بس أنا فكرت إذا كان لي نصف الربح ماأستفيد شيء وأتفقنا أننا بعد كل 3 أشهر نشوووف الربح ونتقاسم بس أحسها قليلة؟؟ وش رأيكم؟؟؟
انا من رأيي انك تشرطين عليهم نسبة وتحددينها من الان
بحيث كل عملية ربح تاخذين نسبتك عشان يكون عندك راس مال وتقدرين تتداولين بفلوسك واذا عرفتي تشتري وتبيعي ماراح يكون ربحك قليل وربي يبارك لك


اقتباس مشاركة
*إحنا كانت عندنا أسهم في بنك البلاد والكهرباء والإتصالات بس ماتداولناها عن طريق الإنترنت وبعناها خلاص والحين بنبدأ التداول عن طريق الإنترنت بس لازم يكون لنا محفظة إستثمارية طيب هالمحفظة مو موجودة لنا يوم إشترينا هالأسهم وإلا لا؟؟؟ هل لنا يوزرنيم وباسبورد وإلا لا؟؟ مع العلم إننا ما أخذناها المرة اللي فات؟؟ يعني الحين لو طلبناها يعطوووناها؟؟
اذا كنت اكتتبتي في بنك البلاد او اتحاد الاتصلات معناتها انه انفتحت لك محفظه استثمارية حسب النظام الجديد وهي موجوده ومفتوحه سواء طلبتيها او لا
ومالك لايوزر نيم ولاباسوورد



اقتباس مشاركة
*سمعت إنه في ناس تكسب أحياناً في اليوم 140.000 ألف ريال هذه كيف؟؟ ماني قادرة أصدقها؟؟ وهل هالمبلغ رأس المال مع الربح وإلا الربح بس؟؟
فيه ناس تكسب اكثر من كذا وهذي يسمونها الهوامير الله يسلمك
وهي ارباح صافيه بدون راس مال


اقتباس مشاركة
*كيف أعرف إني ربحت مو أنا راح أشتري أسهم وينقص رأس المال وأبيعها طيب هنا الربح يكون قيمة البيع – رأس المال؟؟؟
لما تشتري الاسهم الطبيعي انك ماراح تشتري بكل فلوسك عشان لما تتعلقي تقدري تفكي نفسك
بعدين لازم يكون عندك نوته تسجلي فيها كم سهم شريتي وكم القيمة واليوم اللي اشتريتي فيه
ولما تبيعي السهم اخصمي المبلغ اللي اشتريتي فيه الاسهم والباقي يكون ربحك من السهم

واي استفسار انا مستعده افيدك
وهذا الموقع راح يفيدك كثير وانا موجوده فيه مشرفه على فضاء الاسهم
تعالي شوفي وش تبغي تعرفين
تحياتي لك
اختك
نورالغدير
سبحان الله وبحمده سبحان الله العظيم
perfict nonah
تسلمين على المرور والرد


نور الغدير

تسلمين والله معلوماتك وافيه وكافيه الله يوفقك يارب ويرزقك وبيعدك عن الشر واهله


بالوفيق للجميع
اللهم لك الحمد كما ينبغي لجلال وجهكـ وعظيم سلطانكـ


الساعة الآن 09:26 .