اسئله مكرره عن حافز واجابتها

السلام عليكم
نتيجه كثره الاستفسارات عن حافز
وان اغلب الاسئله تكون مكرره
باجاوب على اغلب الاسئله المكرره
نبدا
1- باغير رقم الجوال او نسيت الرقم السري ؟
اجابه هالسؤال موجوده بموقعهم بقسم الاسئله العامه عشان مانكررها شوفوها هنا
https://www.hafiz.gov.sa/HRDFWeb/FAQ.html

2- الايبان غير مطابق وانا متاكده منه ؟
راجعي البنك وتاكدي منه زين
وحده من البنات كانت كذا بموضوع حافز واستلمت على ايبانها اكثر ن دفعه وبالاخير غير مطابق
بعد ماراجعت البنك صار الغلط من البنك لانهم مسوين تحديث للايبان

3-السفر برا يقطع الاعانه؟
فيه ناس انقطعت وناس لا
راجعي الجوزات لازم يختمون لك دخول
واذا انتي مسجله جديد بحافز لازم تكونين عشر شهور قبل التسجيل بالسعوديه

4-التحديث ؟
كثرت التساؤلات عنه وخاصه بعد الطريقه الجديده
باقولكم انا شاسوي للبنات
ادخلي من متصفح انترنت اكسبلور انا دخلت من الفاير فوكس مايرضي او مايطلع لك الدليل
ادخل بنفس الطريقه المذكوره بالموقع واحط علامه صح عند الاقرار
واحمل الدليل من صوره الريط اللي بالقائمه واطلع من الاكس
وبعدها ادخل مره ثانيه واحدث اسوي حفظ واستمرار الى الايبان احط صح اني قريت الشروط واوصل للدخل الثابت
واضغط خروج من فوق يسار
كل اسبوع ادخلي وحدثي ماتاخذ الشغله ولا خمس دقايق
ودليل حافز مافيه شي كله تعليمات وكلام عن الخصم وكيف بيخصمون
منها لو نادوك لوظيفه اربع مرات ورفضتي تنقطع الاعانه وهكذا

5-الدورات الالكترونيه؟
سهله مره ومو الكل جتهم الرساله
اذا جت رساله التدريب ادخلي وسجلي وشوي الدوره
كل دوره لها وقت محدد ادخلي بالوقت المحدد لك شوفي الدوره
وفيه موضوع مثبت بالقسم عن الدورات كامل


6- عدد الدفعات غير مطابق للي استلمت؟
عادي جدا يوم او 2 ويتغير هذا موقع الكتروني وعليه ضغط يوم او يومين ويتغير العدد
7- طلع لي مؤهله لكن مانزل بالحساب شي؟
يكون الحساب مجمد حتى لو كنتي استلمتي عليه دفعه روحي حدثيه وينزل لك حافز تلقائي

8-لو بالحساب فلوس بيخصمونها من حافز؟
لا الحساب خاص ولو فيه مليون ماراح يخصمون لك شي


ان شاء الله اكون وفقت بطرح اغب الاسئله واجابتهم

طبعا الاسئله كثيره بخصوص طالبات الانتساب او خصم الاعانه
هذي بتلاقونها زي ماقلت بقسم اسئله حافز