عندي عدة مشاريع اختاري منها ما يناسبك
اول شيء الصدقه وكفالة ايتام ..
1 _ وافضل مشروع استثماري في نظري
شراء قطعة ارض كبيرة في مخطط استراحات
و تعمل فيها استراحات صغير كل استراحه لاتتجاوز 165 متر مربع...
2 _ حطي فلوسك في صندوق مرابحه اسلاميه و خذي 2 او 3 % سنويا ولا توجعي راسك ...على الاقل تحمي راس المال
3 - محطة بنزين بمرفقاتها في موقع حلو....يستاجرونها منك ب 1 مليون لو كلفك المشروع 5 ال 7 مليون يكون دخلة من 14 الى 20
اختي عندك مشروع تجارة الذهب جدا مربح اشتري سبائك ذهب خالص عيار 24 وتابعي اسعار الذهب يوميا وهوه بنخفاض هذه الايام واشتري واتركيها فتره الى ان ترتفع الاسعار وبيعي الكميات اللي عندك او اشتري اراضي بمناطق تجاريه واتركيها فتره من الزمن حتى ترتفع اسعارها وبيعي او اشتري فنادق بدبي والفنادق بدبي مشاء الله دخلها ممتاز
ماتبين تصيرين صديقتي
الله يوفقك أختي
افتحي مؤسسه عقاريه لان الخير بالعقار بصراحه
واستثمري مبلغ منها بالأسهم
اشتري يخووت (يخت) واستثمريهم بالسياحة
السلام عليكم


ما شاء الله تبارك الله و لا حول و لا قوة إلا بالله



أتمنى أي وحده تعجبها فكرتي تقيمني

فكرتي إن شاء الله راح تعجبكي و تجيب لك ضعف المبلغ بإذن الله
أهم شي ما تصعبيها على نفسك / لأنها و الله سهله و سريعة و مربحه
الفكرة / مجمع فلل سكنية مع المرافق التابعه لها ( مسجد صغير/ ملعب / نادي / حديقة ) بالرياض ( حي النرجس )

بتسألين ايش معنى حي النرجس ( لأنه في هذا الحي فتحت جامعة الأميرة نوره منشأة حكوميه كبيرة بشكل خيالي ما شاء الله
أكتبي بقوقل جامعة الأميرة نورة و شوفيها
و الحي تو بدا البناء فيه و الإقبال عليه بالهبل من أعضاء التدريس و الطالبات اللي يحضرون الدكتوراه و الماجستير و الموظفات بالجامعه و كمان قريب من المطار .
و غير كذا الحي شمال الرياض من أرقى أحياء الرياض شمالها راح تجيكي الناس الراقية تشتري
زوجي شغال بالعقار و يقول سعر الأراضي مره نازل كان أول سعر المتر 1500 و الآن 1050
( سعر الأراضي ) فقط هو اللي نازل . فأنتي استغلي ذا النقطه .

صح فيه سكن داخل الجامعة لكن استحالة يغطي حتى 20% من الموظفين

و نصيحة لا تروحين بنفسك تشترين الأراضي لأنه بيرفعون عليك السعر وكلي أحد يتفاوض معاهم و يجيبها لكي بسعر يرضيك

و بعدها وكلي شركة تبني لك المجمع بسنة و هو جاهز _لو حبيتي مساعده بتصميم المجمع أنا جاهزه أساعدكي بالمخطط و تصميم الفلل بحيث تكون متكامله و نظام أمريكي _ هو اللي عليه الإقبال
نصيحة مني لكي لا تتكلفين بزخرفة الفلل و تكلفكي واجد
أغلب السعوديين يحبون المودرن و الشي البسيط و الهادي _ أهم شي كل شي أصلي من شان سمعت مجمعكي
ممكن تنجح الفكرة و تطبقينه كل سنة بمكان يحتاج الفلل
و أبدي بيعي الفلل بالنقد راح يرجع لك راس المال فوقه الأرباح - طبعا بعد ما تحسبين سعر الأراضي و سعر البناء تحطين نسبة ربحك ( و تعرفين وقتها سعر كل فله و غالبا الفلل الحلوه ما تقل عن مليون و نص
و أنتي حطي 30 فلة تقريبا
و أجري النادي على شركة تدفع لك كل سنة 200 ألف و ممكن أكثر وحطي على طرف المجمع صفة محلات و محل صرافة راح تجيك الشركات تستأجره منك ب200 ألف أو أكثر ما عندي خلفية
و سميها فلل الثريا ههههه و الله أشوف الإسم جدا مناسب

هذي فكرتي و مستعده أقدم لك أي مساعدة تبغينها و إن شاء الله تعجبكي يا رب و إن طبقتيها لا تنسيني من الحلاوة و لو دعوة بجوف الليل
و الله يبارك لك و يرزقكي الرزق الحلال
الله يبارك لك في مالك ولاتنسي الصدقه وكفالة يتيم حتى تكوني مع نبينا عليه الصلاة والسلام وياليت تستثمري مالك في طيبه الطيبه واذا حابه اي استفسار راسليني على الخاص


الساعة الآن 02:48 .