غثاثة الزوج

السلام عليكم ورحمة الله وبركاته
بعض الازواج فيهم حركات غثاثه ودفاشه وهذا اللي دايما يصيرلي مع زوجي
وانا عادي اتحمله بس المشكله اخر مره اللي هي البارح ماتحملت لان الامر متعلق بالحمل
وانا ليه سنين انتظر الحمل وكل شهر قبل الدوره بكم يوم مااشتغل فالبيت ولااتحرك كثير واريح ع امل اني حامل
ولاني كم مره حملت وسقطت صرت اخاف كثير
المهم بحكيلكم الموقف اللي صار البارح
كنا فالصاله جالسين ع الارض , هو جالس ويتفرج ع التلفزيون وانا منسدحه ع بطني قدامه واتصفح النت
ويوم سمع الاقامه قام بيروح يصلي وهو قايم مادريت الا هو ماسكني من اااااخر ظهري حاط يدينه مع الاطراف
والابهام ع نص ظهري يعني على اخر العمود الفقري ويضغط بأقوى مااعطاه ربي من قوه
وانا من الالم والخوف صرخت بقووووه وقلت انت غبي ؟ الحين لو اني حامل ؟؟
واول مره اقوله كذا بس لاشعوريا قلتها وزعل طبعا وقال والله انها ماتعور بس انتي اعوذ بالله ماتنلمسين
ولاتدرين لو دواك هالضغطه هذي
ورب الكعبه الم مو طبيعي لين اليوم احسه واليوم يوم صحيت لقيتني مسخنه وظهري يعورني بقوووه ويوم قلتله
عصب وقال والله لو بعد سنه تمرضين غير تقولين السبب اللمسه اللي البارح
وانا والله يااتحمل من غثاثته شي كثير ولااقول تعورت لانه مايصدقني يقول والله انك ماتتعورين بس هذي المره خفت لان الدوره ماباقي عليها شي ومتوتره انا وخايفه لااكون حامل << وهذي حالتي كل ماقربت الدوره ولااحب حتى اللمس
دائما يمسك اصبع يدي من الطرف بأصبعينه ويضغط بقوووووه بقووووووه لدرجة احسه راح ينفجر واسكت ماتكلم واتحمل واسوي نفسي عادي واحاول اسحبه ماااااايفكني لين اصرخ كأنه عناد مدري ليش كذا
وكم مره اذا كنت منسدحه ع بطني وهو مار يحط رجله ع ظهري ويضغط << المشكله متسلط ع اخر ظهري
وانا معي مشاكل فالرحم ودي يحول لراسي لو يفقشه اهم شي يترك ظهري
واحيانا اكون نفس الشي منسدحه ع بطني وع النت يجي يمسك رجلي ويثنيها ع فوق بقووووووه لدرجة بمووووت واعصب واذا قلت تعورني مايصدقني ويزعل ويقول اعوذ بالله ماتنلمسين
ياربي مدري وش اسويبه صرت اخاف مااحس بالامان كل ماقرب مني
ادعولي بنات بالحمل واني اذا كنت حامل الحين مايصيرله شي ..
وانتو مين جوزها زي زوجي غثيث :blink: