السلآم عليكم ورحمـة الله وبركآته /
وصلتني هـ القصة ع الوآتس اب وأثرت فيني كثيـرر من قريتها وأنا أفكـر معقولـة للهدرجـة أثـر الكلآم ع النفس البشرية ممكن يوصصل لحد الموت !! لاحول ولاقوة إلاّ بالله العلي العظيم ..
القـصة إن وحده متزوجـة عزمت كل أفراد اسسرتها من بنات وذكور إلا وحده من أخواتها بس وكانت المناسبه عاديه واجتمعت العائله في إحدى الاستراحات وتمت المناسبه ، ولكـن الأخت اللي كانت غير معزومة جاها الخبـر من أخوها المتزوج انه بيطلع زوجته وعياله الاستراحه ، تفاجأت البنت إن اختها ماعزمتهآ ولااعطتها خبـر !! وان العلم ماوصلها إلا عن طريق أخوها وهو رايح للاستراحـه ، قررت تروح وقامت تدور اعذار لااختها يمكن نست او يمكن اتصلت وانا كنت مشغوله وماسمعت التليفون ويمكن ويمكن ... إلخ
في النهاية راحت هي واطفالها ، وكانت اول كلمة تسمعها من أختها صاحبة المناسبه / مين اللي عزمك وليه جيتي ؟؟!!
كانت صدمه قوية وغير متوقعه من أخت نحوَ أختها فقدت الوعـي وفي لحظات فارقت الحيآة
ماتت بسبب كلمة كانت أقوى من الرصاص ، لاحول ولاقوة إلا بالله العلي العظيم !!
لآحظت كثيـر مواضيع لبنات يشتكون من أخواتهم ، أنا مآدري وش اسبابهم ولا وش مبرراتهم ولا ايش الظروف اللي خلتهم يشتكون بس مهمآ كان زي رابط الاخوة وآحساسها مافي ، فسري تصرفات كل الناس على هوآك إلا تصرف الأخت لازم يكون له خصوصيه دوري لها الاعذار بكل تصرف يبدر منها تجاهك وان كان غير مستحب بس تظل أختك من لحمك ودمك لاتتركين للشيطان عليكِ مدخـل ..
فكري /
مين اللي أفرح لفرحها واحزن لحزنهآ وكأني أحس الفرح والحزن لنفسي .. أختي
مين اللي اشتكي لهآ من أقرب قريب إذا ضاقت بي الدنيآ ولآ اشوف بعيونها شماته أو لامبآلاه .. أختي
مين اللي أكون لاولادها أم بديله وأشعر هالشعور وكأنه واقع أعيشه .. أختي
مين اللي آ ستشيرها بأبسط خصوصياتي وإن كان شي لايذكر كـ فستان أو قصة شعر حتى وأثق برأيها .. أختي
مين اللي اتجادل واتناقش معاها بكل موضوع كبير كان أو صغير وابدي رأيي بكل اريحيه ولاافكر وش بتقول او تفكر او تكون ردة فعلها لكلامي وأنا مطمئنة .. أختي
مين اللي لو وصل الزعل والخصآم لآخـر مدى يظل صغيـر ولو اشوفها أو اسمع صوتها بعد 5 دقآيق انسى ويظل اللي صآر ذكرى تضحكنآ .. أختي
مين اللي اشتكي لها من أب أو أم أو أخ أو زوج وبتفهمني وتحس فيني .. أختي
مين اللي لو تخطي مااجاملها حبًا وحرصًا على مصلحتهآ .. أختي
مين اللي أشوفها واستقبلها واضيفها بكل وقت وبالموجود ولا أحس بتقصير .. أختي
مين ومين ومين ومين .... يالله لو أكتب مجلدات عن الأخت ماتكفي !! طبقي هـ الكلآم كلـه على آنسآنه غير الأخت وشوفي هل كل شي ممكن أعيشه معاها نفس أختي !!
مآأنكـر في صديقات وقريبآت تكون بمثابة الأخت وأغلى لـكن هالصدآقة كونتها الظروف كـ دراسة أو عمل أو جيرة وآن كان غيرها بتكون صدفه ممكن تنوجد بحياتك وممكن لآ ولك في هالصدآقه حرية الاختيار ، لـكن الأخت هذا واقع انفرض عليك ولا لكِ فيه اختيآر ومع هـ الشي إنتي راضيه فيه وسعيده إلا إذا تركتي للشيطآن فرصه يخرب هالأخوة فتقبلي العزآء في أسمى الروابط الوطيدة فِ الحيآة ..
دمتوْا
يلزم عليك تسجيل الدخول أولًا لكتابة تعليق.
لا حول ولاقوة الا بالله العلي العظيم
من جد جرح الخوات غير ممكن تتقبلين من صديقه وتنسينها الا الأخوات لا انا انجرحت وحسيت بطعنه في صدري
سامحهم الله ويكفيني ندمهم
من جد جرح الخوات غير ممكن تتقبلين من صديقه وتنسينها الا الأخوات لا انا انجرحت وحسيت بطعنه في صدري
سامحهم الله ويكفيني ندمهم
الصفحة الأخيرة
وصادقه مافيه مثل الخوات الله لايخليني من خواتي