Analysis Services
السلام عليكم .
عندي قطع من جهاز تركيب الكريستال بالحرارة و فيه عده رؤوس لعده احجام من الكريستال،
يمكنك بواسطة هذا الجهاز تركيب الكريستال سواء كان من نوع سواروفسكي النمساوي
او اي نوع كريستال كوري او صيني على اي سطح تقريبا.
انا جربته شخصيا على خام الشيلات الشيفون و القطن و على الورق ايضا.
الطريقة كتوبه على الغلاف و اهي تشبه طريقة استخدام مسدس الصمغ الحراري، تركبين الجهاز على الكهربا
وتخلينه كم دقيقة يسخن بعدين تلتقطين الكريستال المناسب حجمه على حجم الراس اللي ركبتيه على الجهاز و اما
انك تلتقطين الكريستال الى ان يغلي الصمغ و تحطينها بسرعة على السطح اللي تبينه
او تكونين حاطة الكريستال على نقشة معينة على الخام مثلا و تمررين الاداة فوق كل كريستالة
لمده عشر الى عشرين ثانية على حسب نوع الخام و راح تلصق الكريستالة ،
بس مو تحطين الحديدة نفسها على الخام لأنها حارة وايد و راح تحرق الخام.
يعني كأنك ماخذ ة أوتي و مصغرته على شكل عصاة. انا عن نفسي واااااااااايد عجبتني هالاداة لأنها توفر لي
الوقت و الجهد و تعطي نتيجة مرتبة اكثر.
اما من ناحية السعر فالحبة الوحده ب 15 ديناركويتي اذا الوحدة حابة تاخذها بنفسها (طبعا اذا كانت كويتية، اما اذا بغتني اطرش لها الجهاز عن
طريق شركة مثل غزال اكسبرس في الكويت راح ياخذون عليها يمكن مبلغ 5دنانير زيادة( آسفة بس ما اقدر اسوق و اوصل الطلبات، عذروني بنات ) او ارامكس او د اتش ال لبنات الخليج اهي تدفع سعر الشحن و اللي عندها طريقة اخرى للتوصيل ما عندي مانع



مرفق مع الجهاز 6 احجام مختلفة من الرؤوس:2و3و4و5و6و7 ملم واذا عندك كريستال او
اي اكسسوار يلصق بالحرارة بس مو نفس القياس كل اللي تسوينه اهو انك تشيلين الراس و تخلين الحديدة المسطحة نفسها
وتثبتينها على الكريستال اللي تبين تلزقينه.

و يعطيكم الف عافية، و بلييييييز اللي صج جاده و عندها سؤال تطرشلي على الخاص
02-07-1426 هـ, 09:53 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1


و هذي طريقة استخدامه
02-07-1426 هـ, 09:55 مساءً
 
بالتوفيق حبوبه
02-07-1426 هـ, 10:11 مساءً
 
بالتوفيق
02-07-1426 هـ, 10:14 مساءً
 
وينكم بنات
04-07-1426 هـ, 09:51 مساءً
 


الساعة الآن 07:13 .