تنيل ربنا يخليكى ويعافيكى يا حبيبتى

بصى بالنسبة للى تقصدى تمر حنة اعتقد انها تقصد النوع السريع من الترمس لان عندنا هنا موجود نوعين من الترمس

النوع البلدى وده اللى بنتكلم عنه من البداية لازم له حالى 5ايام من ساعة ما تبدأى تعمليه لحد ما يكون جاهز وصالح للأكل

النوع المستورد او تقريبا بيقولو عليه التركى على ما اعتقد وده سريع يعنى تعمليه ويخلص فى يومين تقريبا

هو انا مش عارفة بالظبط طريقة عمل الترمس لكن هاسال الوالدة وربنا يسهل اقولك على طريقتها

بس على يوم السبت باذن ربنا لانى اجازة يوم الجمعة


**** على فكرة الترمس يعتبر من الحاجات اللى بتخفض نسبة السكر فى الدم لو الشخص ياخد منها الصبح على الريق

**** انا قرأت قبل كده ان مطحون الترمس مضاف ليه مطحون حاجة اسمها حب الرشاد يتاخد ملعقة صغيرة على كوب ماء مغلى على الريق بتخفض السكر فى الدم لكن برضه مش فاكرة كانت النسبة ايه بالتحديد ودى والدى مجربها وكانت فعلا بتخفض السكر ****


انا عارفة انى خرجت عن الموضوع اللى بنتكلم فيه لكنى قلت الشئ بالشئ يذكر
06-07-1426 هـ, 07:53 مساءً
 
ERA: شكرا على متابعتك لموضوعي ومشاركتك الجميله ويارب يعطي ست الحبياب الصحه والعافيه ويطول بعمرها ويخليها ليكوا ولينا ويحمي بباكي من كل مكروه
يعني انتي بتأكديلي على كلام تمر حنه انوا الترمس الصغير الي هو المستورد او مايسمى الترمس التركي هو الي بيحلو بسرعه على فكره انا رحة الجمعيه وجبت النوع الصغير ونقعتوا بالماء ومنتضره النتيجه وحبشركم وقتها بأه حدعي لتمر حنه وليكي ولكل بنت بتشاركنا في قيام الليل
شكرا ليكي على النصيحه الي اول مره اعرف بيها انوا الترمس بيخفض السكر في الدم بس انا باكل منوا وانا عملا رجيم قاسي وخالي من السكريات ده يمكن يهبط السكر عندي اوي على فكره جيبيلي مقادير الخلطه الي اتكلمتي عنها في الاخر عشان اعملها لدادي وياريت تسأليلي ايه الرشاد ده لون ايه وشكلوا الزاي وهل له مسمى اخر وجزاكي الله كل خير
ياريت يابنات لو عندكوا فكره عن السعرات الي موجوده في الترمس وهل بيسمن وبينفخ ويعمل غازات في المعده
07-07-1426 هـ, 12:21 صباحاً
 
احلى مساء الخير لاحلى بنوتات

تنيل معلش يا حبيبتى انا اسفة للتاخير انا جبتلك طريقة عمل الترمس العادى بصى بقى يا ستى

انتى تجيبى الترمس وتنقعيه فى ماء من بالليل لحد تانى يوم اخر النهار يعنى يعقد فى المية يوم وليلة

وبعدين تاخديه وتشطفيه من المية اللى كان منقوع فيها وتحطى عليه مية جديدة نظيفة وتحطيه على النار

تسيبيه يغلى على النار لحد ما تحسى انه استوى شوية

وعلشان تتاكدى انه استوى تاخدى حبة ترمس من الحلة وتحاولى تقشريها بايدك عادى

لو كانت قشرتها جامدة يبقى لسه مش استوى وعاوز تسيبيه شوية كمان على النار

لو اتقشرت بسرعة معاكى يبقى الترمس استوى

وفى الحالة دى تشيليه من على النار وتشطفيه من مية السلق وتحطيه فى طبق مليان ميه وتسيبيه

تفضلى تغيرى المية عليه لمدة 4 ايام زى ما قلتلك قبل كده

وفى نهاية الـ4 ايام تملحيه زى ما تحبى يعنى مالح اوى او ملحه معقول

وممكن كمان لما تطلعيه للاكل تعصرى على الكمية اللى تطلعيها نصف ليمونة

لكن اعملى حسابك انك تعملى كمية تبقى عارفة انها هاتخلص فى مدة قصيرة

مش اوى لكن يعنى خلال حوالى 4 او 5 ايام والكمية اللى عملتيها تخلص

علشان لو الترمس اعد اكتر من كده بيحمض وممكن انك تحفظيه فى الرف السفلى للثلاجة

وطبعا بيفضل بالمية المملحة فيه الا لو حسيتى ان رائحة المية هاتتغير

يبقى تصبيها وتشطفى الترمس كويس وتملئى على مية جديدة وتملحيها برضه

لان الملح يعتبر زى مادة حافظة ليه وكمان لانه لو فى المرة التانية كان الماء فقط بدون ملح

يبقى الترمس هايفقد ملوحته اقصد يعنى انه حايبقى طعمه ناقص ملح

*=*=*=*=*=*=*=*=*=*=*=*=*=*=*=*=*=*=*

وبالنسبة لحب الرشاد ده نوع من الحبوب موجود عند العطار

لكن بصراحة مش عارفة ان كان ليه اسم تانى او لا

عموما هو شكله شبه حبة السمسم لكن ارفع شوية ولونة بنى

ومقدار الوصفة المظبوط هادور عليه فى البيت وربنا يسهل والاقيه

*=*=*=*=*=*=*=*=*=*=*=*=*=*=*=*=*=*=*

معلش انا دوشتك اكيد بس حبيت انى اقولك كل اللى اعرفه وربنا يعينك فى القراءة
10-07-1426 هـ, 06:05 مساءً
 
اده ياقمر انا بؤول ليه الصفحه ديت منوره اوي اتريتك موجوده فيها ..........بصي انا مش عرفا اشكرك ازاي ايرا والله انتي بنت ناس افاضل وكرام كنت حيسه يالترمس ده بس خلاص مدام ايرا موجوده لامشكله بعد الان وبالنسبه للمعلومه بتاعة اني مكترشي بكمية احتفاضي بالترمس ده كان همي الاول لاني يدوب بخلي ثلاث ايام بصي بأه الريحه المعفنه بس خلاص عرفة السبب فبطل العجب وجزاكي الله خير يايرا على ردك ولو ونوا طويل شويه بس متنسيش تبوسي ست الحبيايب وتشكريها وتبأي ادوريلي على الوصفه وسلامي ليكي

بالنسبه للفوائد الي موجوده بالترمس بعد التحليه في نسبة 30% من البروتين وفيها معدنين
10-07-1426 هـ, 10:47 مساءً
 
** تنيل ** صدقينى انا مش عارفة اكلمك ازاى انا قلتلك انى هاجيبلك الوصفة بتاعة الترمس وحب الرشاد

من زمان بس صدقينى النهاردة اللى لقيت الورقة المكتوب فيها

وهاكتبهالك كلها هى كانت مقال صغير فى الجريدة نزلت من فترة

نباتات تخفض السكر
=*=*=*=*=*=*=*=*=*=

تم التوصل الى تركيبة آمنة وبسيطة من بعض النباتات تخفض نسبة السكر فى الدم لمرضى السكر الذين لا يعتمدون على الانسولين ، استخدم فى هذه التركيبة نبات الترمس ونبات حب الرشاد فقد وجد ان نبات الترمس المر يحتوى على مادة ucurbitacine وكذلك على alkaloids والتى لها القدرة على خفض السكر بشكل ملحوظ اما نبات حب الرشاد فهو يحتوى على مواد مضادة للاكسدة منها flavonoids و glucosinolates وهذه المواد تثبت فاعليتها فى حماية خلايا الكبد والكلى من اى اثار ضارة على ان يكون الترمس 1/4 الكمية وحب الرشاد 3/4 الكمية يضاف من هذا الخليط ملعقة صغيرة على كوب ماء مغلى ويشرب كوب يوميا خلال اسبوعين يعطى انخفاضا فى السكر بنسبة تصل الى 68% حيث اجريت التجارب على مرضى متطوعين وجار الان تحضيرها فى كبسولات ونأمل بان تظهر هذه التركيبة الامنة على هيئة دواء

=*=*=*=*=*=*=*=*=*=*=*=*=*=

ومعلش انا اسفة مرة تانية
22-07-1426 هـ, 08:21 مساءً
 


الساعة الآن 12:34 .