Analysis Services
السلام عليكم ورحمة الله وبركاته
لكثرة الطلبات اللي وصلتني على الخاص وفي الموضوع اشكر كل من رد على الموضوع او تواجد من غير رد فمروركم شرف لي قررت انزل طريقة الأطباق الموجوده بالسفره واللي كانت على هذا الرابط:
http://forum.hawaaworld.com/showthread.php?t=3624671
نبدأ اول بالكبسه:

اسلقي اللحم في مويه وبهارات حب (ورق غار,قرف,هيل,فلفل اسود)
نقعي الرز لمدة نصف ساعه لما يخلص اللحم بعد مرور ساعه طلعيه وادهني الوجه بمعجون طماطم وكركم وزيت زيتون وملح ودخليه الفرن
بعدين جيبي قدر وحطي فيه زيت وحطي الرز ولازم يكون ناشف من المويه واحمسيه بعدين صبي عليه المويه وتكون فوق الرز بنصف اصبع وحطي عليه الملح والبهارات الحب وقرن فلفل وليمون واذا حبيتوا يكون لونه احمر حطي عليه معجون طماطم بدرجة اللون اللي تبونها وبهارات ناعمه وخليه على نار عاليه لمده 3-5 د ثم ارفعيه على نار هاديه مره وخليه لين ينشف وفي هالاثناء قطعي بصل شرايح واقليه بطريقة بصل الكشري وقطعي فلفل اخضر وجزر مبشور بعدين جيبي الصاج وحطي اول الفلفل ثم الجزر وبالاخير البصل وحطي عليه البهارات والملح وخصوصا الكركم توصي فيه زين بعدين خذي هالخلطه وحططيها على الوجه وحطي اللحم عليها وقفلي عليه واذا حبيتي تحطين عليه فحم وزيت تكون النكهه اطيب وعافيه...
*********
السبرنج رول:
نزلت طريقتها من قبل زمان تلاقونها على هذا الرابط :
http://forum.hawaaworld.com/showthread.php?t=2691396
ملاحظه:انا في حشوة السبرنج رول اللي في السفره قليت البطاطس بزيت
********
الايدام الصيني او ايدام الدجاج على الطريقة الصينيه:
-نقطع دجاج على شكل مربعات وسط

2 - نخفق 2 بيضه + ملعقتين نشاء + ملعقه خل + ملعقه صغيره ملح وفلفل اسود

3 - نصب الخليط فوق الدجاج ونتركه الى ان يتتبل
- نقلي الدجاج في زيت عميق الى ان ينضج
- بعد ان يشقر نضعه على ورق حتى يمتص الزيت
- نقطع بصله وفلفل رومي مربعات وجزر شرائح
7 - نضع في مقلاه زيت ثم نضع عليه البصل ونحمره قليلا ثم نضع عليه الفلفل الاخضر والجزر ويقلب لدقيقتين
- نقطع كروم شرائح او مربعات ونضعه علي البصل
- نضع الدجاج المقلي على البصل والخضار
نقلبها قليلا ثم نضع عليها الصوص
مقادير الصوص ( 2 ملعقه نشاء و4 ملاعق كاتشب و4ملاعق صلصة الصوياء وملعقة صغيره سومطره و نصف ملعقه صغيره ملح و 1 كاس ونصف ماء )
نخلط مقادير الصوص مع بعض ثم تصب فوق الخليط ونرمي عليه حبتين طماطم مقطعه انصاف وقليل من البهارات لتعطي نكهه ونتركها على نار هادئه الى ان تتسبك
*****
سلطة سيزر سهله مررررره
خس مقطع شرايح وعليه قطع دجاج فيليه مقطعه بعد شرايح والصوص عباره عن مايونيز وزبادي وليمون وثوم وملح وفلفل

اما بالنسبة للشوربه ذكرت قبل بنزلها بموضوع مستقل وبطريقة مفصله
ويعطيكم العافيه.....


13-06-1433 هـ, 05:24 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
..يعطيك العافيه ماقصرتي
13-06-1433 هـ, 06:00 مساءً
 
شكرا ماقصرتي
13-06-1433 هـ, 06:38 مساءً
 
مشكوووووووووره
13-06-1433 هـ, 06:44 مساءً
 
ماشاء الله

الله يعطيك العافيه
13-06-1433 هـ, 07:02 مساءً
 


الساعة الآن 10:59 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏