زوجي كان بيطلقني واحنا نحب بعض ... ويقولي تنازلي عن حقوقك كلها ... ساعدوني تعبانه

السلام عليكم

والله مدري من وين ابدأ مشكلتي ضايعه وموعارفه اشكي لمييييين نفسيتي تعبانه من اللي صار ... بحاول اختصر قد ما اقدر وما اطول عليكم
انا متزوجه من ست سنوات وعندي بنتين وانا وزوجي نحب بعض بالرغم من مشاكلنا وهو طيب وحنون وظروفه الماديه صعبه جدا من تزوجته الى اليوم ديون وقروض واجار انا اساعده ياللي اقدر عليه قبل كنت بالجامعه اساعده بالمكافاه وبعدها ابوي يحط بحسابي مبلغ اصرف على نفسي فيه احيانا وبالاعياد اكثر شي لاني تعودت على العز في بيتنا ابوي مايبيني احس اني اقل من غيري ويقولي اذا قصرك شي قولي لي مابقصر معك بس انا استحيييييييي حيل حتى لما اخذ من حسابي انحرج بعد ودي زوجي اللي يصرف علي ويعطيني زوجي مايرضى اخ منهم وينحرج ويقولي زوجك ضعيف مايقدر يعيشك بس الحين احس الوضع صار عادي عنده ... ياما وقفت مع زوجي وما اطلب مصاريف ولاشي مراعاه لظروفه حتى جيبي تمر شهور مافيه ولاريال واذا قلت له يعطيني مبلغ بسيط 100 او 50 ويجي اخر الشهر يحتاج وياخذها انا ما الومه هو جدا محتاج وظروفه صعبه بس ابغى يقدر تضحياتي عشانه بسسسسسس في الاعياد مايرضى يشتري لي الا بالمووووووووت كل عيد لازم اصيح على هالسبب شقول بس ابوي يسدد جوالي احيانا ... الحين جاني حافز حاولت اعوض عن اللي ناقصني وناقص بناتي شوي شوي للحين ماشريت كل اللي اتمناه بس شوي يعني ... زوجي يبيني اساعده وانا قلت له عادي مايغلوا عليك بس اول ثلالثه اربع شهور بشتري كل اللي ناقصني وبعدين عادي اساعدك ... واخر شهر عطيته مبلغ 500 يسدده لزوج اخته احنا مخططين لكذا انا وياه بس اللي حز بخاطري انه ماقالي جيبيهم بعطيه جى عندي في بيتنا كنت زياره عند اهلي وقالي قومي مشوار مارضيت بس اصر وطلعنا وحسيت انه ناوي يطلعني عشان الفلوس لما رجعنا مره صرافه وقالي جيبي عشان بعطي زوج اختي وعطيته وبعدها رحنا نجيب سيكل بنتي من المصلح توني شاريته لها قالي بتعطيني فلوس والا اعطيه من الخمسين اللي عندي عطيته 100 بدون نقاش لما ركب السياره انا تضايقت وطول الوقت ساكته حسيت باسستغلال غير طبيعي هو شكله حس قال انا ماعندي الا خمسين ريال بعطيها الخياط عشان كذا طلبتك وانا ادري انه صادق مايكذب علي بس الاسلوب له دور مدري كيف كل هذا عدا وانتهى
انا جلست في بيتنا اسبوع اغير جو بحكم انه احنا ساكنين في منطقه بعيده عنهم لما ادق عليه يتهرب مني هو كذا طبعه من زمان مو شي جديد بس انا زهقت والله احتاج له ابغى اسولف معه لما ادق هو اللي يقولي يالله انا مشغول وكذا كل مرررررره مايحسسني انه ميت على مايكلمني لو دق علي ومارديت ومر يوم ثاني ما اوحشه المهم لم نزل نهاية الاسبوع كنت مواصله مو نايمه بس عشانه اتحملت وانتظرت وقاومت وجى جلس عندي اقل من ربع ساعه وهو يقولي بمشي امي قايله لي اروح اتعشى قلت له اجلس بس اشوي ودخل اخوي على طول قام له وقاله يالله اخذني معك انا بمشي وطلع وانا ماخذه في خاطري من الموقف ورسلت له رساله بهالخصوص ونمت واليوم الثاني المفروض نرجع لشقتنا انا اتفقت معه انه نمشي الصباح احسن وعشان نقضي اليوم مع بعض ماعندنا الا يوم واحد يوم اجازته ... واحنا بالسياره قالي انه مواصل ما نام عدل قلت له انا ما ادري عنك كان قلتي واجلناها ... واخوه توه متزوج ونازل لزوجته وهي تكلمني بالواتس وفرحانه وتقولي اكيد بيجي مشتاق لي وكذا وانا جالسه اكشخ له قلت له بيجي اخوك اجل هذي زوجته فرحانه وتقول مشتاق لها مو انا ... عصب حدددددددده وقالي يعني انا شنو وش شايفتني ما اشتاق لك لاتخليني اضرب في لمبه وهو يسوق وكملنا الطريق واحنا ساكتين مضايقين وانا ابكي من القهر بصوت خفيف ماسمعني ولا حس ... الى ماوصلنا واحنا نفس الوضع مانكلم بعض انا قلت خلني اقصر الشر رتبت الشقه من والى عقب غيبه اسبوع وروشت البنات وانا وكشخت وانتظرته جلس من النوم وصلى وبعدين تغدينا واحنا ساكتين عقب الغدا راح يبي ينام انا تضايقت بصراحه حيييييييل يعني ليش جايبني وهو مو معطيني وجه ولا معبرني هذا وانا غايبه عنه فتره وكذا يعاملني رحت له الغرفه وكلمته وياليتني مارحت
قلت له ليش كذا ليش تطنشني ليش جبتني اجل وبعد كلام عصصصصصب الف وقالي قومي اوديك بيتكم يالله وطفى المكيف وقلت له بهالبساطه بتوديني قالي تبي اطلقك بعد انا انصدمت صدمة عمري شلون يقولي كذااااا وقالي والله لاوديك وتتنازلي عن كل حقوقك ما ارجعك الا وانتي متنازله من اهمها النقاب وهذي الطامه ماله اي دخل بالموضوع كل مره تصير مشكله يدخله في السالفه ويقول هو السبب في كل مشاكلنا هو مايرضى البس بس انا البسه واغطيه المهم انا انهررررررررررت وقمت اكلمه بصوت عالي وقلت له انا صابره عليك كل هالسنين وعلى ظروفك وتقولي كذا عن ايش اتنازل انا اصلا متنازله من زمان مالي اي حقوق وبس انهرت وقمت واصيح واشهق بصوت عالي وحسيت اني بطيح رجليني ماتشيلني وقرب مني مدري ليه وقلت له بعد تعال كمل اضربني سوا فيني اللي تبي آآآه ياقلبي وبعدها راح الصاله وانا قعدت ابكي في الغرفه هديت شوي وكلمت اختي الصغير اسولف شوب اغير جو هي قالت لي صوتك متغير قلت لها فيني النوم قالت لا احسه مغبون هي حست بس انا ماقلت لها اي شي ... وبس
بعدها انا جلست يمه واعتذرت توقعته بيعتذر بس ساكت هو من طبعه يعتذر على كل شي بس هالموقف رغم انه كبيييييييييير وهزني ما اتكلم وقعدنا ساكتين نسولف مع العيال شوي كلامنا خفيف ... لما ناموا عادي شبه تصالحنا ورجعت المياه لمجاريها بس انا قلبي مجرووووووووووح مو قادره انسى كلامه ولا اللي صار مع انه السالفه صار لها يومين والى الحين بخاطري في نفس اليوم عطيته هديته كنت مخليه اخوي يشتريها له بمناسبة ذكرى زواجنا فرح فيها وبعدها قلت له مناسبة ذكرى زواجنا اليوم وكانت راح تكون ذكرى طلاقنا بعد قالي لاتقولي كذا وانا قمت ابكي هو حاول يسكتني وقالي بروح اجيب لك عشا الليله قلت له ما ابغى اصلا بنام بعد شوي وسألته انت قاصد تقول هالكلمه والا لحظة غضب قالي كنت معصب وما اقصدها وبس
الحين رجعنا طبيعي انا وهو بس مانسيت اللي صار كل شوي اتذكره واتعب مو قادره احس انه ممكن باي وقت يتخلى عني انا احبه بجنووووووون وما اقدر استغني عنه بس ما ابيه يحس بضعفي وحاجتي له احس بالاهانه لانه قالي قومي روحي بيتكم وانا مارحت وقعدت عنده بس انا كان قصدي ما ابي المشكله تكبر وبس .... بس اخاف يتعود ويعيدها على اقل شي ويطردني
ساعات اقول بخلي ابوي يكلمه لايهيني على الطالعه والنازله بس ما ابي اكبر الموضوع وفي المقابل ابيه يحسب لي حساب وما اهون عليه على اقل شي
وفوق كذا قلت له ابغى اشتري قميص نوم من زمان عاجبني من انا وحامل قالي مو وقته قلت من عندي مو من عندك قال خلاص صح الحين عندك فلوس اشتري لك اللي تبي والبارح يقولي يقولوا بنشتري لنا هالشهر بلازما وتلفون للشقه قلت لا والله وانت ليش ماتشتري من راتبك قال خلاص خلاص كل مره يقولي وبعدين خلاص من راتبي انا من زمان نفسي في بلازما بس ... هو لما قلت له ابغى قميص مارضى والحين يطلب مني اشياء اكبر وفوق كذا مكارح يبين تقدير ولاتضحيه ولاشي ماراح حتى يقولي شكرا ليش اضحي عالفاضي هو مايضحي عشاني ويعطيني ولو قلت له يقول مو وقته واميحتاج وعندك والله مادري كيف اتصرف معه
بس في المقابل مايقصر على الشقه بالمقاضي والاكل حتى لو ظروفه صعبه

اتمنى القى منكم النصيحه وتقولوا لي انا صح والا خطا

بنات والله خوفتوني كثييير انا مو شخصيتي ضعيفه الكل يقولي انتي قويه حتى رغم حبي لزوجي نادر ابين له هالشي واحس كل اللي صار نتيجه لظروفه والله مدري احترت زياده