السلام عليكم ....
خواتي الغاليات بعطيكم وصفة لتطويل وتكثيف الشعر... وهي طريقة زيت النارجيل..
ترا الوصفة ماشاءالله مضبوطة عدل والكل يشهدلها ...
وأنا ماريد شيء غير انكم تدعولي وتدعون لأمي العجيز خخخخخخخخخخ>>>> بتذبحني ألحين ...
الوصفـــــة:-
بتكلم إماراتي على سعودي على ماعرف شو عشان الكل يفهم...
هاتوا حبة جوز الهند أو كيس جوز الهند المبشور اللي تحصلونه في الجمعيات او في المطاحن كيلو او أكثر على حسب اللي تبونه ...
وتييبون مطحنه يدوية مالت الخضراوات .. و قدرين..(جدرين)..
القدر الاول: النارجيل المطحون تصبين عليه ماي وتخلين الماي يغطيه...
القدر الثاني:خالي وخلي المطحنة فوقه..
ركزوا ياحلوات خذوا شوي من النارجيل الي في الماي وحطوه في المطحنة اليدوية طبعا تحت المطحنه قدر وأكيد العصارة كلها بتنزل في القدر وكملوا لين ماتخلص الكمية وردوا صبوا ماي على النارجيل مرة ثانية وكرروا العملية من اول ويديد واذا خلصتوا بعد كرروها ... بعدين خذي العصارة هاي وحطيها في الثلاجة في الفريزر كم ساعة وعقب طلعوها بتكون زيت وماي.. بتلاحظون إن الزيت كميته قليله جداً مقارنةً بالماي وبيكون متجمد عكس الماي.. بعدين خذوا الزيت هذا وحطوه في جدر ثاني صغير وحطوا الجدر عالقز اممممممم المسمى الثاني للقز امممممم يعني عالفرن مب في الفرن خخخخخخخخ طبعا على نار هادية وملاحظة مهمة جدا لازم تكونون واقفين عند القدر عشان الزيت مايحترق.. والحكمة من وضع الزيت عالنار هو أنج تتأكدين ان الزيت خالي مافيه ولاقطرة ماي فيوم تحسين إن الزيت هذا خلاص مافيه ماي (موية) تشلينه خلاص.. وخليه شوي يبرد يعني ربع ساعة تمام وصبيه في القراش عندج.. وإذا حبيتوا حطوا وياه محلب مطحون أو قطع العنبر الاسود أو بدون شيء عادي بس عشان الريحه يعني....
وآآآآآآآآخ تعبت .. سلامتكم ياجماعة الخير.. والله الطريقة سهلة وتراها بيتية 100% و واااااااايد زينه وهذي طريقة الوالدة ام سيف ومانبا شيء منكم غير انكم تدعولنا وان شاءالله تخبرونا بالنتايج الطيبة .. واللي مافهمت شيء تقولي وانا من عيوني مابقصر وياها بشيء ...
الله يحفظكم ياجماعة الخير ..


[img]http://www.*******.com/upload/Folder-16/1138829580_Untitled-8.gif[/img]
تسلمين يالغاليه
وجزاج الله الف خير
شكرا جزيلا والله
أحسب الناس أن يتركوا أن يقولوا آمنا وهم لا يفتنون* ولقد فتنا الذين من قبلهم فليعلمن الله الذين صدقوا وليعلمن الكاذبين* العنكبوت
شكرا جزيلا والله يوفقك انتي والوالده اجمعين
أحسب الناس أن يتركوا أن يقولوا آمنا وهم لا يفتنون* ولقد فتنا الذين من قبلهم فليعلمن الله الذين صدقوا وليعلمن الكاذبين* العنكبوت
غيمه مطر
حياج الله حبيبتي ومشكورة عالرد
............................
faia العفو حبيبتي وحياج الله .. اللهم آميـــــــــن

[img]http://www.*******.com/upload/Folder-16/1138829580_Untitled-8.gif[/img]


الساعة الآن 12:13 .