هلا فيكم يابنات حواء :

هذي سيرتي مع الطبخ "

((تصدقون أو ماتصدقون !! لو أقولكم أني تعلمت الطبخ وكان عمري 23 سنه في عام 1430 هجري

كانت أنواع المعاناة والفشيلة ..
كنت إذا جيت أطبخ , قلبي يخفق خفقان ؟!!!
كني بسوي عملية جراحية فيها حياة وموت هههههههههاي
كانت بدايتي
يوم أمي سافرت مع أقاربها وخلتني مع أخواني وأبوي
وكنت متحمسه وش بطبخ لهم بكره
على الغداء , وجا بكره وأطبخ هذاك الرز اللي كله مويه وأمشي حالي وحالهم
وهم ياكلون ويقولون
بداية موفقة (يجاملون) هههههه
وجا بعد كم يوم وأصلح كيك وأدخله بالفرن ...
ونزل أخوي من فوق , قال فيه ريحة شي محرررررررروق واصله لغرفتي فوق

وأطير للمطبخ وأثر الكيكه أنحرقت من من الجهة العلويه
قال أخوي أقشعي الحراق ودخليه للفرن بس قصري عليه!!!
حلوه ذي أخوي يعلمني الطريقة !!!!!
وآخر شي أكلنا الكيك ...

يوم أمي أرجعت من السفر بعد غيابها لمدة أسبوعين .. أنا بديت احتاس !!!
لأنها تعلمني عن الطبخ سوي كذا حطي كذا , ليش البهارات عند السكر والشاهي ؟؟
تبينه ياخذ نكهة البهارات؟؟
يايمه أنتي تعرفين أني ماأعرف شي في المطبخ !!!

وإذا طبخت وقدمته لهم
تقعد تعلق .. ورا هذا مافيه ملح ؟؟
ليش الرز معجن ؟.. وأبشركم إلى اليوم وأنا ماأضبط الرز !!!!!
وبديت أطبخ وأشد حيلي , وبدى الأكل ينحرق , كل ماأطبخ طبخة لازم تكون محروقه أو ناقصها شوية ملح
أو الأكل يكون معجن من زيادة المويه
وآاااااااه آاااااه
ماأنسى في رمضان كيف أحتست
وعجنت عجينه للبيتزا وتوهقت مررره
لكن
لحقت عل الموضوع ورحت لأمي وقلت لها السالفة , والحمدلله دبرتني
والبيتزا أطلعت مي مستويه هههههاي
نصها عجين ماأستوى وأخواني هل من مزيد

وماأنسى عجينة اللقيمات , يارب لاتغضب علي , يوم أذبها في الزباله لأن العجينه ماأضبطت

وضعي اليوم
الحمدلله والشكر , صرت أعرف أطبخ مع مرور الأيام وكل هذا بسبب الأغلاط
صدقوني تعلمت من غلطاتي
وأمي ماقصرت رغم أني كنت غاثتها
كل شوي أجي عندها وأسألها , عشان ماأخربط
بس أنا ندمانه على شي
لأني ماتعلمت الطبخ من صغري ويوم بديت كان صعب علي مرررررره
كنت معتمده على أمي اللي تطبخ
واللي تدبر واللي تسوي
أنا أحب الواحد يتعلم لو هو شي بسيط له ولزمن ...
أنا الحمدلله لي 3 سنوات وأنا أعرف أطبخ
صحيح مو كل شي أضبطه , لكن امشي حالي والحمدالله

ماشاءالله الله يوفقك ويحفظلك الوالده...
بالتوفيق
ههههههههههههههههههه
يسعدك يارب الله يوفقك الطبخ فن ومتعه بس يبيله صبر وتعلم
الحمدلله انك بدأت تضبطين الطبخ

ودائما الأمر في بدايته شوي صعب لكن مع الاستمرار يصبح سهل

وما في احد يولد من بطن امه عالم

لكن لو تشترين لك كتاب طبخ يعينك على الإبداع
بعدين صدقيني راح تبدعين من وحدك

والأهم في الأمر انك ما تهتمي بالتعليقات
والله يوفقك

يارب قر أعيننا بشفاء أخي عاجلا غير آجل


الساعة الآن 07:46 .