بنات حبيت اسالكم عن رز بسمتي بشاوري من الشعلان عجزت اطبخه يطلع مره معجون ويلصق في بعض نقعته نصف ساعه ساعه مافيه فايده ماادري كيف اسويه احس مايزبط الاالسليق بصراحه فيه روعه وهو الرز طعمه حلو بس ماعرفت كيف اسوي منه كبسه او حتي رز ابيض يكون واقف الرز ومايكون معصود ان شاءالله فهمتوا علي الاتعرف ترد علي
16-06-1433 هـ, 05:07 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مااااااعرفه بس حبيت ارفع المؤضوع
16-06-1433 هـ, 06:23 صباحاً
 
اسهل طبخ طبخه هو لي 15 سنه ما اطبخ الا هووو بصراحه


اول شي طريقته وحده للكبسات او الرز الابيض

اهم شي فيه المكيال وطريقة الغسل



الرز لا تنقعيه ابد ابد ابد اغلي المويه او المرقه اللي راح تطبخي فيها واذا مرقه احرصي انك تصفيها او تشخليها


اهم شي القدر يكون اكبر من كمية الرز لانه ينفش مش زي رز الوسام وابو كاس

هذا النوع لازم ياخذ راحته في القدر

والنقطه الثانيه المهمه المكيااال كاسه او باديه طاسه او صحن بكيفك المهم مكيال الرز هو نفسه مكيال المويه ابدا ما تغيري المكيال


نجي للطبخ


جيبي كاسه رز اغسليه فقط غسل وغسل خفيف يعني ما تدعكي الرز عشان ما يتكسر وقت الطبخ بس تقلبيه تحت المويه وتصفي المويه حتلاحظيه ينظف بسرعه غسلتيه المويه او المرقه تكون جاهزه وحاره


حطي الرز بالقدر ونفس كاسه مكيال الرز صبي فيها المويه المغليه للرز الابيض او المرقه المصااافيه

كل كاسة رز له كاستين مويه او مرقه


صبيها عليها وحطي ورق الغار والملح والزيت ربع كاس زيت وخلاص ارفعي النار حق اللي تشوفيه يغلي غلوه وحده اول ما يغلي طوالي قصري النار عليه لاخر شي وغطي القدر وانتظري 10 دقايق الى 13 دقيقه بالكثير قفلي النار واغرفيه طوالي


يعني احرصي ما تطبخيه الا بعد ما تنتهي اطباقك كلها ولو عندك مناسبه فيكي تطبخي لحمتك او دجاجك وتخلين الرز الين قبل الغرف بربع ساعه لانه اذا جلس بالقدر يلبد


الشي الثاني ممنوع منع بااات انك تقلبين الرز في القدر خلاص رخيتي النار اصحك تحركينه ابد ممكن بعد 10 دقايق بس تدخلي طرق الملعقه عشان تشيكي اذا شرب المويه او لا


وصدقيني لو اتبعتي طريقتي ما راح تستغني عنه ابد لانه فعلا لذيذ وخفيف وسريع التجهيز ولا يحتاج نقع وخرابيط

واذا جيتي بتحطيه في قدر الضغط ولا انصحك ابد لانه اصلا بسرعه يستوي بس في حال لو استخدمتيه في قدر الضغط تنقصي كمية المويه لكل كاسه رز كاسه ونص مويه وبس



شوفي ملفي الشخصي في موضوع استخدام الذرور حتلاقي طبخي للرز الابيض وشوفي كيف حبة الرز
16-06-1433 هـ, 08:52 صباحاً
 
رفع
16-06-1433 هـ, 09:28 صباحاً
 
بشري ان شاء الله زبط معاااك
16-06-1433 هـ, 06:18 مساءً
 


الساعة الآن 05:04 .