بسم الله الرحمن الرحيم
صباح / مساء : الياسمين
كنت اتصفح موضوع اللي مقبلات ع الزواج شي عجيب
اللي باقي لها اسبوع أو شهر أو هيك وتوها تفكككككر تهتم بنفسها !
عشان زوجها فقط ، اسمحي لي أنتي مو أنثى !مايعجبني اللي يهتمون بأنفسهم عشان ارضاء الزوج فقط ،
لنفسك عليك حق وكأي أنثى لازم أرضي غروري قدام مرايتي أولاً ! ف مفهوم
الاهتمام هو ارضاء غروري اولاً واحس اني انثى مو عشان اي شي اخر! هذا الشي اللي لازم نحطﮧ
ببالنا أولاً ،خلصت قرقرتي واللي بقلبي قلتـﮧ ويبقى هذآ رأيي ، واختلاف الرأي لايفسد للود قضيـﮧ =)
ماقبل الخلطات :-
1- القناعـﮧ بإن بشرهـ عن بشرهـ تفرق وكذلك الشعر:- يعني مو أي شي ينفع لها ، اذا نفع على وحدهـ شي مو معناهـ ينفع علي ،
لازم نحط ه الشي ببالنا والا بنتعب وبنكسل وبنواصل في البحث عن اللي يناسبنا
2- العوامل الداخليـﮧ اللي تؤثر على البشرة والشعر:- أغلب الناس يأثر عليهم من الداخل اكثر مثل : عادات الأكل
الخاطئـﮧ ( سبايسي / الدهون / الغازيات / وغيرها) ، أو أمراض ( فقر دم ، الغدة وغيرها ) لازم
تغيرون نمط الحياهـ بخصوص الأكل ، واذا امراض تواصلون العلاج والله الشافي
اسمحو لي اذا وحدهـ بتسوي خلطات وتتعب نفسها بدون ماتعالج من الداخل أولاً ، تنام أحسسن
3- العوامل لخارجيـﮧ المؤثرة على البشرة والشعر:- مثل الجو ، الماء ، الهواء ومايصاحبـﮧ من بكتيريا و .. الخ
الجو عندنا حر و رطوبـﮧ ف تأثر ع البشرة بشكل قوي جداً خصوصاً للي يداومون ، | زيادة افراز
الدهون + اتساع المسام ، الرؤوس السوداء ، البثور ، التصبغات اللونيـﮧ ) أغلبها من الجو لازم
نراعي ه الجانب من واقي واهتمام وغيرهـ ، نتطرق لها لاحقاً .
4- الابتعاد عن طلب المحال :- مثل المواضيع بهالفترة ( سر بياض السوريات ، التركيات ... الخ ، هذي
كلها خرافات واوهام محد معـﮧ فانوس سحري وبيطلع حل ، هذا شي من ربي وأكيد لحكمة البشرات تتفاوت
حسب اختلاف الطبيعـﮧ المناخيـﮧ ، وفي شي اسمـﮧ جينات وأسباب كثيرهـ ، الانسان لازم يقتنع بأن
اللي ربي خلقـﮧ عليـﮧ هو احسن خلقـﮧ ويبتعد عن الاوهام والخرافات اللي ضرت الكثير
لازم نؤمن ان الله خلق :
الأسود ( البشرة الأفريقيـﮧ )
الأصفر ( البشرة الشرق أسيويـﮧ )
الأحمر ( البشرة البيضاء القوقازيـﮧ )
الحنطي
الأسمر
ف تجاربي اللي راح اتكلم عنها بتكون ( توحيد وَ تصحيح لون البشرهـ وَ تحسينها وَ توريدها وَ إكسابها
النضارهـ ، وَ حل مشاكل البشرهـ اللونيـﮧ بالإضافـﮧ لشوائب البشرهـ مثل البثور وَ غيرها)
يعني حل مشاكل البشرهـ اللي صارت بسبب عادات سيئـﮧ و اهمال وغيرها !
5- الحمل واستخدام موانع الحمل ( تسبب مشاكل بالبشرهـ والشعر الافضل تراجع دكتورتها
6- الضغوط النفسيـﮧ :- التوتر ، القلق ، الاكتئاب وغيرها ، حاولو تهدون بالكم ، أهم شي القرب من الله
حاولو تتقربون كثير بتكونون براحـﮧ وطمأنينـﮧ ان شاء الله
أتمنى أكون حصرت الاسباب الرئيسيـﮧ من ه الناحيـﮧ
* الخلطات :
الوجـﮧ والرقبـﮧ : بشرتي دهنيـﮧ ف بكون متطرقـﮧ لها أكثر لأن ماعندي خلفيـﮧ واسعـﮧ عن الجافـﮧ والمختلطـﮧ
انتهبو حتى الخلطات الطبيعيـﮧ لها اضرار ، لاتكثرون اشياء بوقت واحد بتملون وممكن ماتناسب مع بعض
بشرتي صارت حساسـﮧ من أي شي لأني كنت فأر تجارب سنين والحمدلله على كل حال
صابونة الحبـﮧ السوداء : نشفت وجهي بطريقـﮧ حلوهـ وخففت البثور
حلبـﮧ مطحونـﮧ + زبادي < صفاء وتفتيح ونعومة وآآآو ، وأنا ماحطيتها الا اسبوع
بياض البيض < أستعملو للتنظيف اخذ قطن وافرك وجهي بشويش يطلع الاوساخ للرقبـﮧ أيضاً .
بخاخ ماء الورد < كل ماقمت وجلست أرش ( نضارهـ )
اسكينول بالليمون + 3 ملاعق نشا ( قبل الشور امسح بشرتي كلها ربع ساعة يشيل الاوساخ
عسل + دقيق (طحين) < نحط العسل ربع ساعـﮧ ع الوجـﮧ والرقبـﮧ لاتنسونها بعدين بالدقيق سوو
صنفرهـ ، أحسها تنظف البشرهـ قبل العيد أسويها بالمناسبات متى ماكنت مروقـﮧ
الزبادي + سدر < أحط مع سددر او لحالـﮧ عجججيب ينظف وينعش البشرهـ ويرطبهههها
لاتغامرون بشي خصوصاً للوجـﮧ : اللي عندها مشاكل كثيرهـ ( تصبغات ، حبوب ، مسامات ، رؤوس
سوداء ، وغيرها نصيحـﮧ مني الخلطات مابتغير كثير لازم طبيب جلدي مختص ويكون مضمون
الخلطات تزود البشرهـ نضارهـ وجمال وللاعتناء اليومي حلوهـ بس مو علاج شامل ممكن تغير
بنسبـﮧ بسيطـﮧ فقط
اليدين والأظافر :
سكر + ليمون < كل اسبوعين اسوي فيهم سنفرهـ وارطبها .
جلسرين أو جلسويد أو زبدة الشيا أو فازلين بزبدة الكاكاو < المرطبات افضل شي بالنسبـﮧ لي
بس انتبهو لاتطلعون بالفازلين للشمس يسمر ، أما زبدة الشيا الخام اتوقع عادي تأكدو افضل
اظافري : ما اطولها كثير ، اطولها شويا بس عشان امنكررها أحلى شي الليمون لها
الأكواع : الاغلب يعانون من الاسمرار ناتج من الجفاف ويصير تملح ، أو العادات الخاطئـﮧ نتكي عليها
زيي تماماً ، افضل شي التشقير والترطيب الدائم ، أنا استخدم خلطـﮧ احطها قبل الشور ،
اولاً افرك المناطق السمراء باسكينول بعدين احط 4 م جليسويد + 2 م نشا + 1 م بيكربونات الصوديوم
وأخليها ساعـﮧ ونتشور عادي ، بعد الشور ترطيب بأي مرطب ، أفضل زبدة الشيا وتخلطونها بزيت اللوز المر
الرجلين والركب :
كل اسبوع ننقعها بماء دافىء وملح خشن أو ماء وقطع برتقال
أستخدم نفس طريقة اليدين بالتقشير ليمون + سكر وأقشرها وارطبها والبس شرابات
نظافـﮧ ونعومـﮧ سواء لليدين اوالرجلين
بالنسبـﮧ للركب نفس خلطة الأكواع
الفم والأسنان :
الفرشاة والمعجون أهم شي للتنظيف وازالة الروائح مرتين باليوم
السواك مرآ بالاسبوع عجججيب سبحان الله
لاسوداد حول الشفايف : سدر + حليب بودرهـ + ماء ورد
تخلط سوا بمقادير متساويـﮧ ، الاهمال والجفاف بهالمنطقـﮧ يسبب الاسوداد
احرصو على الاهتمام والنظافـﮧ وترطبيها أهم شششي
الجسم :
المشاكل : اسمرار بمناطق معينـﮧ ، ترهلات ، خطوط بيضا ، بقع وتصبغات ، بثور وغيرها .
أول خطوة لازم التقشير للجلد الميت والاوساخ ، زيت زيتون + سكر < حلوهـ
يدهن الجسم بزيت الزيتون عشر دقايق ونفرك خفيف بالسكر طبعاً بعد التعرض لمويا شبـﮧ حارهـ.
انا استخدم خلططـﮧ عجيبـﮧ تنظف من قلب ومع الاستمرار بإذن الله تفتح التصبغات وغيرها
اللي بتسوي الخلطـﮧ تعتبر كمشقرر كمان تغنيك عنـﮧ
صابون غار مبشور منقوع بموية ورد ليلة يخلط مع جلسيوليد علبـﮧ صغيرهـ + فنجان قهوهـ من
زيت اللوز المر وجنين القمح وجلسرين و ملعقـﮧ كركم وملعقـﮧ فكس وتخلط وتوضع بعلبـﮧ .
وخذو قفازات بودي شوي وكل ماجا وقت الشور ادهنوها يفضل قبل بساعـﮧ وبالشور افركو بالقفازات
وبعد الشور ترطيب بزبدة الشيا + زيت اللوز المر
< نظافـﮧ نعومـﮧ تخفف اللون المتصبغ ومشاكل البشرهـ وتعطي لمعـﮧ
ناويـﮧ استخدم اوقات فازلين الموحد الصحي الجديد باذن ربي
*ملاحظـﮧ : اللي عندها وززن زائد تحاول تنحف لانـﮧ يسبب اسمرار لما ينشد الجلد لاتنسون
الرياضـﮧ خصوصاً للي ماشيـﮧ على تخسيس حتى مايترهل جسمك ويخرب
الرياضضضـﮧ ثم الرياضـﮧ ثم الرياضـﮧ للجمييييع تغير شكل الجسم بشكل تشد وتخليـﮧ رزهـ
الابطين والمنطقـﮧ الحساسـﮧ :-
اسوداد وغيرهـ سببها انها مناطق مكتومـﮧ والاهمال وغيرهـ تسبب البكتيريا
اللي بدورها تسبب الاسوداد والروائح والمشاكل الأخرررى
النظافـﮧ ثم النظافـﮧ ثم النظافـﮧ
ازالة الشعر أهم شي وتتركونها تتهوى ساعات واختيار الملابس الداخليـﮧ المناسبـﮧ
للمنطقـﮧ الحساسـﮧ ، بالنسبـﮧ للابطين أنا ماجربت خلطات ما احتاج بس اتوقع
خلطات الاكواع والركب تنفع لها ان شاء الله
المنطقـﮧ الحساسـﮧ : قريت خلطـﮧ مرا وجربتها بس ما استمريت
فازلين + سدر + كركم الجسم ( كميات متساويـﮧ ) يومياً قبل النوم وانتبهو لاتتعمقون
البعض اللي عندهم وزن زائد واحتكاك بين الفخوذ بتسمر برضو نفس الخلطـﮧ يستخدموها
وطبعاً النظافـﮧ والريحـﮧ الحلوهـ أهم من كككككككككككل شي
المسك الأسود للمنطقـﮧ الحساسـﮧ شي جممييل
الشعر :
شعري دهني الفروة وجاف من تحت بما إنو دهني الفروة ومع الدوامات والحر والشمس
طلعت لي قشرة وبدأ يتساقط جربت كثير افضضل شي للقشرهـ زيت خروع + زيت سمسم
ساعـﮧ ويتغسل الشعر ، مرآ بالاسبوع ،الشامبوهات كثير مانفعتني بالعكس وجربت الشامبو الاحمر
ابدن ماحبيتو جاف خرب شعري وززاد القشرهـ وسبب لي حكـﮧ الحين استعمل شامبو
فتشي للقشرة عاجبني الحمدلله ، لاضافة نعومـﮧ للشعر ( موزهـ بقشرها ، 2 كيوي ، ربع برتقالـﮧ
بقشرها وبالخلاط وتوضع ساعتين ع الشعر ) نعومـﮧ ولمعـﮧ
عسل + ليمون + زبادي + زيت سمسم + بيض < تغذي الشعر اسويها مرا بالاسبوع
المقادير حسب شعرك احط انا حسب شعري
الحنا ما استغني عنـﮧ والمحلب حححلو
استخدمو مشط خشب افضل للشعر ، واحرصو على حمايتـﮧ من الشمس
نصايح :-
1- قبل أي خلطات لازم تعالجون المشاكل من داخل الجسم أول والا مابتلقون أي نتايج
2- الرياضضضة أنصحكم فيها من قلب لكل شي جمييييلة فوايدها والله
3- لا تعتمدون ع الخلطات ك علاج لكل شي ، الخلطات نتايجها ليست مثاليـﮧ للي مشاكلهم صعبـﮧ
يلزمهم اطباء مختصين
4- الماء ثم الماء ثم الماء سببحان الله شي خيالي لاتستهينو بشربـﮧ
5 ترطيب الجسم مهم جداً والاغلب مشاكلهم بسبب الجفاف ( زبدة الشيا + زيت اللوز المر)رهيبـﮧ
6- الاستمرار الله يرضى عليكم عشان تبان النتايج .
7- النظام بكل شي حلو سوو جدول بنظام غذائي أو خلطات وحتى مهامكم اليوميـﮧ عشان تعيشون صح
8- لاتلخبطون أنفسكم بكثرة الخلطات اختارو الشي المناسب فقط
والحممدلله أخيرن خلصت أتمنى تستفيدون من الموضوع ،
وجمال الأخلاق أولاً ، وكأي انثى لازم نهتم بجمال الشكل والجسم
لاتنسون النظافـﮧ والاناقـﮧ والترتيب أهم شي ، تخيلو معاي ووحدهـ مثلن اكواعها
سمرا أو عندها أي مشكلـﮧ من مشاكل البشرهـ لكن نظيفـﮧ تشمين ريحة النظافـﮧ
من بعد كيلوات وانيقـﮧ ومرتبـﮧ ، و وحدهـ مافيها مشاكل تشوفينها تقولين
حظها لكن ريحتها خايسـﮧ ولا عندها ذوق ولا ترتيب أيها احسن ؟
اللي ابغى أوصلـﮧ ان النظافـﮧ قبل كل شي ولحد يخلي مشاكل بشرتـﮧ تسبب لـﮧ
عائق لمواصلة الحياهـ او تستحي وتتفشل ، عادي هذا شي طبيعي من العادات
الخاطئـﮧ أو الجو أو الاهمال وغيرهـ ،ولكل مشكلـﮧ حل لاتهتز ثقتك أهم شي
وان شاء الله تستفيدون وكل وحدهـ تحدد اهدافها وتنظمها وتحققها
ان اصبت فمن الله وحده وان اخطأت فمني والشيطان
......................................................
للأماااانه الموووضووع منقووول
الله يجزى صااحبة الموضوع خيييرر :26:
موضووع متكاامل راح يغنيك عن اللفلفه في النت والمشاكل ماراح ترجع لك إذا استمريتي عليه
19
2K
يلزم عليك تسجيل الدخول أولًا لكتابة تعليق.
زائرة
•
يعطيك العافيه
الصفحة الأخيرة
واللي اهو خل التفاح مع ماء الصحه في آخر شطفه للشعر بعد الاستحمام
وأفضل يكون مره في الأسبوع