لو عايزك هيجيلك لحد البيت

الأسرة والمجتمع

لو عايزك هيجيلك لحد البيت

تعبتي كتير


بتفكري كتير

مش عارفة إنتي صح ولا غلط

مش عارفة تتصرفي إزاي؟؟

نفسك فعلا ترتاحي

انا جاية النهاردة أقولك لو عايزك هيجيلك لحد البيت

لو نصيبك ثقي عند المولي عز وجل هيكون

خدي كل حاجة برضاه



إبعدي عن أي حاجة بتعلق قلبك وبتبعده وتشغله عن الله عز وجل

هتقوليلي لأ انا قلبي مش متعلق انا عادي مش مشغولة

انا هقولك للأسف إنتي بتقنعي نفسك بكده


يا حبيبة قلبي


الحب ده إنتي قادرة تعبري عن كل الطاقة اللي جواكي

لا علشان مش تحت شرع الله


ده بالظبط عامل زي التفاحة اللي في الشجرة عجباكي أووووي ونفسك تاخديها وبتفكري تجبيها إزاي وكل شوية تبصيلها


فسبحان الله زي كده إنتي جواكي طاقة مش مفرغاها وشاغلة نفسك بحاجة إنتي مش مالكاها

شغالة تتعبي قلبك بالشكل ده


قلبك مشغول بالموضوع ده والمفروض يتشغل بكل اللي يرضي الله



ولو بتصلي في جماعة


.هوه أنتي ممكن تقومي من السجود قبل ما يقوم

الإمام ؟؟..أو ممكن تفطري قبل المغرب في الصيام؟؟طبعا لأ..يبقى ايه الفايده انك

تشغلي بالك بالفطار امتى و تقعدي رايحة جاية تستنى الأذان ..وتضيعي حلاوة

الصيام ..يعني ربنا يريدك إنك تدعيه بأنه يرزقك بزوج صالح وحب يرضى عنه

ربنا سبحانه وتعالى ورسوله عليه الصلاة و السلام ..ربنا يريد أن يحرمك من

حاجة ؟!..سبحان الله ربنا بيسرلنا كل خير ..وبعدين انت تدعي فيرزقك.. لكن ايه الحال بقى لما تبقى في الصف

الأخير ولوحدك ..ومن غير ما حد يشوفك ترفعي راسك قبل

الامام..ايه الحلو انك تتخفى من الناس وتاكلي حاجة بتحبيها أوي في أوضتك

من غير ما حد يشوفك..تمام زي متحبي شاب من ورا أهلك وأهله ..ايه

الجميل يعني في الحاجة الحرام ..ما تستنى الحلال ..ده هيبقى أحسن

بكتير..وكفاية رضا ربنا عليك.


طيب وإيه الفايدة إيه الفايـــــدة من ده كله

إيه الفايدة ورزقك مقسوملة وقت ما هيجي هيجي

ولو مش كان نصيبك قلبك هيوجعك أووووووي ساعتها

ومش هتهتني بحياتك يا حبيبتي

علشان البنت رقيقة أوووي وحساسة جداااا


فريحي نفسك دلوقتي أحسن




إيه الفايدة أقعد معلقة نفسي وشغلاها وتاعبة قلبي وفي النهاية لو رزقي هيجيلي برضا ربنا

ليه مشغلش نفسي وقلبي بحاجة أولي ترضي ربنا عني

الدنيا مش الزواج وبس

الدنيا في حاجات كتييييييييير لو مفيش زواج يبقي ملناش فايدة علي كده

لا طبعا



لو وسوسلك الشيطان وقالك هينساكِ

قوليله ربنا مش هينساني ومدام هرضيه فهيكرمني آخر كرم

والحاجة دي بيد الله مش بإيد الشخص ده

لو قالك الشيطان لازم تاخدي بالأسباب وتوضحيله وتستمري معاه

قوليله أسباب إيه دي اللي تهلك قلبي

قوليله والموضوع ده أكبر حاجة فيه هو التعلق بالله مش أسباب خالص

زي ما رزقك وأكلك بيجيلك لحد عندك أهلك بيجبهولك برده زوجك نفس النظام

بجد يا حبيبة قلبي الموضوع ده عيشي فيه إستسلام تام جدااااااااا

سلمي أمرك لله

مفيش ألم في قلبك؟؟


إنك شاغلة نفسك بحاجة زي كده وفي الأصل هي بيد الله

ومش شاغلة نفسك يا تري أرضي ربي إزاي

ياتري أقاوم هوي نفسي إزاي

ياتري ما أضيعش وقتي إزاي؟؟


جاوبي بصدق


وأوعي تفكري وتقولي

لأ ده بعد الزواج هكون حاجة تانية خااااااااالص

والله انا كل اللي أعرفهم بجد مشغولين جدااااااا ومقصرين عن قبل الزواج




خليكِ واثقة في الله لو بجد غيرتي نظرتك

إن كل حاجة بيد الله وإنتي لاحول لكي ولا قوة هتستسلمي بجد وهترتاحي

وهتكوني واثقة في كرم ربنا ليكي ومش هيأثر فيكي حاجة

وقلبك هيوجعك أوووي لما تتخيلي إنك بتبعدي عن ربنا بالموضوع ده

وبجد لو هو خايف عليكي هيخاف علي قلبك ويقول لازم أصونها وأحافظ عليها لما يجي الوقت المناسب وأتقدلها

وليه أشغلها وأتعبها وممنوش فايدة تعب القلب ده

وناخد كل حاجة برضا الله



وخليكِ واثقة إن رزقك بيجري وراكِ زي أجلك بالظبط

والزواج رزق

ده مش كلامي ده كلام حبيبنا محمد صلي الله عليه وسلم

قال رسول الله صلي الله عليه وسلم: « لو أن ابن آدم هرب من رزقه كما يهرب من الموت لأدركه رزقه كما يدركه الموت » رواه أبي نعيم في الحلية



قال رسول الله صلى الله عليه وسلم في الحديث الصحيح: ((إن نفساً لن تموت حتى تستكمل رزقها، فاتقوا الله وأجملوا في الطلب)) .


و قال رسول الله صلى الله عليه وسلم: ((إن أحدكم يجمع خلقه في بطن أمه أربعينيوماً، ثم يكون علقة مثل ذلك ثم يكون مضغة مثل ذلك، ثم يبعث الله إليه ملكاً،ويؤمر بأربع كلمات، ويقال له، اكتب عمله و رزقه وأجله، وشقي أو سعيد ثمُ ينفخفيه الروح)) رواه البخاري ومسلم.

وإسمعي كلام الله عز وجل كده اللي هيريح قلبك

قال الله تعالى: وَمَامِن دَابَّةٍ فِي ٱلأرْضِ إِلاَّ عَلَى ٱللَّهِ رِزْقُهَا وَيَعْلَمُمُسْتَقَرَّهَا وَمُسْتَوْدَعَهَا كُلٌّ فِى كِتَابٍ مُّبِينٍ .

فبالله عليكي مش تاخدي من الدين اللي جاي علي هواكِ واللي مش عاجبك تمشي عكسه

لأ

رب العزة قال

قال تعالى {يَا أَيُّهَا الَّذِينَ آمَنُواْ ادْخُلُواْ فِي السِّلْمِ كَآفَّةً وَلاَ تَتَّبِعُواْ خُطُوَاتِ الشَّيْطَانِ إِنَّهُ لَكُمْ عَدُوٌّ مُّبِينٌ ( 208) َفإِن زَلَلْتُمْ مِّن بَعْدِ مَا جَاءتْكُمُ الْبَيِّنَاتُ فَاعْلَمُواْ أَنَّ اللّهَ عَزِيزٌ حَكِيمٌ ( 209 ) } البقرة : 208 - 209

يقول الشيخ السعدي - رحمه الله - هذا أمر من الله تعالى للمؤمنين أن يدخلوا { فِي السِّلْمِ كَآفَّةً } أي في جميع شرائع الدين ولا يتركوا منها شيئا وأن لا يكونوا ممن اتخذ إلهه هواه إن وافق الأمر المشروع هواه فعله وإن خالفه تركه بل الواجب أن يكون الهوى تبعاً للدين وأن يفعل كل ما يقدر عليه من أفعال الخير، وما يعجز عنه يلتزمه وينويه فيدركه بنيّته، ولما كان الدخول في السلم كافة لا يمكن ولا يتصور إلا بمخالفة طرق الشيطان قال تعالى { وَلاَ تَتَّبِعُواْ خُطُوَاتِ الشَّيْطَانِ } أي في العمل بمعاصي الله والعدو المبين لا يأمر إلا بالسوء والفحشاء وما به الضرر عليكم ولما كان العبد لا بد أن يقع منه خلل أو زلل قال تعالى { فإِن زَلَلْتُمْ مِّن بَعْدِ مَا جَاءتْكُمُ الْبَيِّنَاتُ } أي: على علم ويقين { فَاعْلَمُواْ أَنَّ اللّهَ عَزِيزٌ حَكِيمٌ } وفيه من الوعيد الشديد والتخويف ما يوجب ترك الزلل فإن العزيز القاهر الحكيم إذا عصاه العاصي قهره بقوته وعذَّبهُ بمقتضى حكمته فإن من حكمته تعذيب العصاة والجناة. أهـ



فيلا فوقي يا أختي وإرجعي وقولي انا خلاص هبعد عن كل حاجة تغضب ربنا

هبعـــــد وهشتري رضاك يارب

هبعد وهكون واثقة إنك مش هتسبني لأ هتعني وهتكرمني

وثقي إنك لو أحسنتي الظن بالله ربنا هييسرلك خير كتييييييير

كما قال رب العزة انا عند ظن عبدي بي



ياتري هتاخدي القرار صح ؟؟

منقووول

موضوع اعجبني من منتدى مصري وحبيت افيد بنات المنتدى :55:
10
1K

يلزم عليك تسجيل الدخول أولًا لكتابة تعليق.

تسجيل دخول

ام هااااجر
ام هااااجر
رووووووووووووووعة جزاكي الله خيرا
كتكوته حبيبها
مشكووره الله يجزاك خير ويسعدك على النقل الرائع .
ايفونيه333
ايفونيه333
جزاك الله خيرر
عالم من السكون
الله يجزاك الف خير اسلوبك رائع ومسلي وسلس
شمعة وانطفت
شمعة وانطفت
الله يسعدك والله كلامك كله درر ياارب زد قلوبنا حب فيك وتعلقا بك