موضوع مهم كل وحده تدخل

السلام عليكم ورحمة الله تعالى وبركاته

حبيباتي .. احب ابين لكم موضوع جدا مهم وكثير من البنات مايدرون عنه

اللي هو النفسيه !!

تجي وحده فيها شي نفسي ولو بسيط وهي موداريه .. وتحكم على اعراضها بانه مس

وانا اقولكم انا كنت من ضمن هالبنات .. ليه لان بعض المرضى النفسانيين فيه اعراض معينه شبيهه باعراض

المس العاشق .. خلوني ابين لكم اكثر

مثلا .. وحده بالليل اذا راحت انسدحت تبغى تنام تحس كانه ثقل على جسمها او شي يمشي عليه

.. او تحس بنبض في المنطقه الحساسه !! او احد من اعضائها يتحرك من غير ارادتها مثل رجفه بالرجل وغيره

او تحس بثقل او شي على راسها ..احب ابين لكم يااخواتي انه هذي الاعراض ممكن تجي بسبب النفسيه

وتنعكس على جسمك لانها تاثر بالجهااز العصبي

مو على طول نحكم انه مس .. انتبهوا يابنات لانه راح تدخلون نفسكم بدوامه مالها نهايه ..

أنا علشاني احبكم بالله واتمنى ماتمرون باللي مريته .. انا كنت اعتقد واجزم ميه بالميه انه عندي مس عاشق

وبالنهايه بعد شقى وتعب وخوف بالليل وقلة نوم واضطراب وتنقل من شيخ لشيخ تبين انه اللي عندي حاله نفسيه

وبعض الناس اضطراب .. فتحس بالاعراض هذي .. وعلى فكره اللي مو متاكده من المشكله اللي عندها لاتشكين

على طول انه مس .. برضوا حطي بالك ممكن حاله نفسيه .. لانه انا كنت اقول لاهلي ابدااا مافيني شي نفسي

هذا مس .. لان فعلا الاعراض شبيهه بالمس .. وعلى فكره كنت اتكلم مع اهلي على اساس انه فيني جني

بسم الله علي وعليكم .. كنت اقولهم انا فلان ووالخ .. وهنا يجي دور الاهل لازم يتبينون من تصرفات بنتهم بعقلانيه

مو على طول يصدقونها ويزيدون توهمها

وفيه كثير يروحون للمشايخه يقرون عليهم وتتاثر الوحده لااراديا

مو بسبب مس بسبب النفسيه وحطو عليها مليون خط .. وبعض المشايخه يتحمس بالقراءه واحيانا يضرب ليخرج

مابها لاعتقاده انها ممسوسه وهي تصرخ من الالم وتطلب منه التوقف ورغم كذا ماتقتنع انه مافيها شي

فالوحده هنا لازم تنتبه وماتخلي الشيطان يلعب عليها ويشككها انها مريضه

قبل كل شي روحي لدكتوره نفسانيه واقوليلها كللل شي تحسينه ولاتستحين ..

واذا اعطتك العلاج حطي ببالك انه شفاء لك بعد الله يعني خوذيه عن قناعه مو بس تجربين لاننا هنا نتعامل مع

النفسيه .. استمري على العلاج اسبوع اسبوعين واذا شفتي فيه تغير الحمدلله ..

اذا مافيه تغير راجعي الدكتوره مره ثانيه وقولي العلاج ماجاب نتيجه .. وجربي العلاج الثاني

اذا ماجاب نتيجه توكلي على الله وابداي بعلاج المس


اسال الله ان ينفع كل محتاره ياربي

دعواتكم حبايبي