Analysis Services
السلام عليكم
هلا بنات
يتني هالفكرة من فترة من كثر الرسايل اللى توصلني عالخاص من بنات حابات يبدون تجاره بسيطه او يفتحون محلات ومحتارات في البداية ومترددات
واليوم يتني رساله من اخت تبغي نتبادل البضاعه والافكار بين الدول
يعني انا من الامارات اطرش لها صور بضاعتنا او حتي افكارنا في التوزيعات والشغلات الغريبه واساعدها في شراء البضاعه وشحنها لها ولي عمولتي
وهي نفس الشي تعطيني افكار دولتها ولنفرض السعوديه لان عندهم شغلات حلوة والكويت مشهورين بتوزيعاتهم المتميزة ونتبادل الافكار واذا بغيت شي من هالدول تشتريها لي وبالفواتير وتشحنها لي ولها عمولتها شو رايكم بالفكرة اللى حابه تتعاون ويانا تكون جاده لاني بسوي ملف باسماء التاجرات المتعاونات في هالموضوع وبحط اسماء للتاجرات اللى مستعدات يقدمون نصائح وتوجيهات للبنات اللى يفكرون في فتح مشاريع صغيرة وكله باجره لاتفكرين ابد ان فلانه بتاخذ فكرتج او بتتوسع تجارتها اذا ساعدتيها بالنصيحه
فكري في الاجر فقط
وكل انسان رزقه الله يكتبه له
اللى حابه تتعاون ويانا سواء بتسجيل اسمها كمرشده للبنات في المشاريع الصغيرة
وا حابه تسجل اسمها لتبادل الافكار تتفضل وتحط اسمها في هالموضوع
انا فكرت في اليه لتبادل الافكار
لانج ممكن تعطين افكار ولا تاخذين منها اي فكرة صح
البدايه بتكون فكرة مقابل فكرة واذا شفتي التاجره مب متعاونه خبريني على طول وانا بستفسر منها وبختبرها وعقب نلغيها من القائمه
بالنسبة لمهام التاجرات المرشدات بيكون في توجيه الارشادات للخوات عن ايجار المحل والديكور والبضاعه وكيفيه اختيار البضاعه ومن وين ممكن تحصل ارخص البضاعه وماهي الصعوبات التي واجهتك لتتفاداها وماهي نصائحك بعد هذه التجربه
اما عن تبادل الافكار فالافضل تكون من دول مختلفه والبنت اللى تاخذ افكار عضوة من المنتدي رجاء ما تعرض الافكار اهني في المنتدي لانه بيكون تضارب تحاول تسوق شغلها عالخاص او خارج المنتدي
شو الراي نتوكل على الله
نبغي الاسم ومقابله مرشده
او الاسم ومقابله تبادل الافكار
05-07-1426 هـ, 02:21 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ان سمحتو انا معكم
05-07-1426 هـ, 02:44 مساءً
 
موفقين إن شاء الله
05-07-1426 هـ, 02:50 مساءً
 
ما شاء الله عليج يا ام عبداللله فكرتج حلوووووة


بالتوفيق للجميع
05-07-1426 هـ, 02:51 مساءً
 
دلع 14
تحبين تسجلين اسمج في اي قائمه
تبادل الافكار
او
مرشده
05-07-1426 هـ, 03:52 مساءً
 


الساعة الآن 07:46 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏