بهارات الكبسة ما يطلعمها معك انا اقولك لييييش

السلام عليكم 
انا عارفه ان فيه بعضكم تقول دورت في المنتديات الخليجية وشريت كتب عن البهارات وتابعت برامج الطبخ      واطبق التعليمات بحذافيرها بس كبستي طعمها ما يتغير او يكون التغيير خفيف 
وانا بصراحة اشوف في طرق بعض الناس في اعداد الكبسة والشيفات اللي ما لين القنوات بس عارفة ومتاكدة ان الطعم واحد 
تدرون ليش ؟؟؟
لانهم يحطون التوابل مع اللحم او الدجاج قبل ما يستوي  وبكذايروح طعم  البهارات
انا لما اسوي كبسة دجاج مثلا بعد ما اغسلها افركها بملح وليمون وفلفل اسود ناعم او واحد من هالثلاثة عشان تروح ريحة الدم ثم اسلق الدجاجه في مويه وملح وعودين  قرفة وحبتين هيل وقرنفل واذا نضجت اجيب قدر ثاني  واحمس فيه نص بصلة  مفرومة حيل وحبة طماطم مفرومة حيل  و ورقتين غار ثم احط الرز والبزار المشكلة بس بدون التوابل  ثم اضيف عليه مرقة الدجاجة 
بعدين  اصبغ الدجاجة بالكركم  ثم احمرها في الفرن  
ولما تطلع الحفر في الرز وتنشف الموية مو حيل  يكون فيه شوية مويه في قاع القدر ابدا احط التوابل 
الكركم المطحون.   والكمون الحب.  والفلفل الحب   وحبة فلفل خضرا حارة  عشان ما تنزل حرارتها  في الرز     او اي توابل موجوده عندك المهم قبل ما ينشف الرز.  وحركيه مرةاو مرتين بس
  
وصدقوني ماراح يطلع طعم البهارات والتوابل. الا  بفضل. الله ثم بهالطريقة
وسلامتكم