نفسي اكون كذا

لاتجهدين نفسج ياعسل
رتبي وقتج من بعدها بتحسين بالنشاط ان شالله مثلا
ساعة اشتغلي وساعة راحة تشربين فيها حليب والا تانج برتقال بدال الجاي اللي يحرق الدم حراق
القديم كلة تخلصي منه عشان مايتعبج بالترتيب والغسيل سواء مواعين ملابس كفرات العاب الخ
والغرف كل درج لشي محدد وخاص فية والرفوف نفس الشي هذا يريحج بالترتيب المرات الجاية
واخر شي الغسيل لاتراكمينة يومين وثلاث هالطريقة اتكرة الوحدة بحياتها خلية يوميا بعد الريوق والكوي بعد العشا
والله يعطيج الصحة والعافية

مساء الخير
حبيبتي قبل تنامي سبحان الله الحمد الله الله اكبر
لاتنسينها ابد
ولو تروحي تسوي تحليل للغدة الدرقية وفقر الدم يكون احسن
لانها بتسبب كسل
وادخلي قسم النتظيف فيه مواضيع تحمس الجدران يعني ما اتوقع تقرينها ولا تقومين تشتغلين
وعندنا كمان بقسم التنظيف موضوع مثبت للهمم
لمدة شهر يخص العميق بس وممكن تكتبي يومياتك ادخلي واقري سوالف البنات راح تتحمسي
وابدأي معانا من الهمم الجديدة بعد اسبوع اتوقع
انا الشهر هذا اعتذرت
بس الشهر الجاي بأذن الله معاهم
اتمنى اكون افدك ولا ضايقتك بهذرتي