حبيباتي الله يسلمكم حبيت اضع تجربتي البسيطة في الولادة
تعرفون الولاده البكرية تطول طبعا يمكن تجلس الوحده يوم كامل وهي تطلق ((لاتخافون يابكريات)) تري سهاله بس توكلوا ع الله المهم رحت المستشفي وانا في اشد الام الطلق ي رب الاجر وطلبت ابره الظهر وماشا الله لاحول ولاقوة الابالله ثواني الا وانا ماحس الموت اللي كنت اعاني منه جلست اسولف واضحث مع زوجي مو مصدقه وجاتني السستر ركبت القسطرة للبول الله يكرمك وحطت الحقنه للاخراج وهذا كله وانا ما احس ولا بشي في الجزء الاسفل بعدين جات الدكتوره تسال عن نزول الموية قلت مادري وكشفت لقيت الرحم خلاص 9 ونص ماشا الله وفقعت المويه وع الكشك وانا كني مسيرة لاطلق ولاهم يحزنون بس هم مركبين الجهاز ويعرفون لاجا الطلق يقولوا لي ادفعي ولكن وش ادفع مافي اي احساس ويصيحون علي وانا احاول احاول احاول ماعرف اسوي شي لاني ماحس بشي وهم يصيحون ويدفون القابلات وبدا نبض الجنين يقل وبداو يدفون بقوه وشفطوه لين خرج بالسلامه اللهم لك الحمد طبعا خيطت وخلصت وانا ماحس شي هذا اليوم الاول انتهي
اليوم الثاني الله لايوريكم راح مفعول البنج وشفت الموت الم الخياط والم القسطرة والم البواسير لاني كنت ادفع غلط وجلست اعاني من البواسير 5 اشهر بالضبط وكلما جاني اسهال او امساك الله يكرمكم تلتهب علي وهي ماكانت عندي اصلا وكمل ولدي سنه وشهرين وحملت وكنت ناويه اولد نفس الولاده لاني اخاف من الطلق وجا وقت الولادة وماصدقت نفسي احسب بطول زي البكر ولكن الحمدلله جاني طلق قوي مووووووت بغيت اتجنن من قوته ويادوب مداني اوصل المستشفي الحمدلله ولدت بالسلامه وجبت احلي بنوته بدون ابره ولا تخدير فسبحان الله ربي ماخلق شي الا لحكمه صح الطلق عذاب وموت لكن تعب ساعه ولا طول العمر الحمدلله نزلت طبيعي بدون شفط ولاجاني بواسير تعبت ذاك اليوم ورجعت بيتي بصحتي وعافيتي يارب لك الحمد
الله يسهل لكل حامل ويفرج كربتها ع خير
AL AFDAL @al_afdal
عضوة نشيطة
يلزم عليك تسجيل الدخول أولًا لكتابة تعليق.
ابرة الظهر ممتازه انا بكريه ومجربتها واشوف انها نعمه من ربي والحمد لله ماعانيت نفس اللي عانيتيه اللهم الخيوط جلست اسبوع وخفت ويااااربي لك الحمد والشكر
ومشكوره على ذكر تجربتك
ومشكوره على ذكر تجربتك
الصفحة الأخيرة
الله يخليهم لك
مشكوره حبيبتي على ذكر تجربتك