السلام عليكم ورحمة الله وبركاته

أخواتي بنات حواء ياريت اتساعدوني في هاي المشكلة
لو شي دكتورة جلدية بعد أحسن ... الله يخليكم ابى حل


أول أمس ظهرتلي حبوب متقاربة من بعضها واتحككني
أخاف أحكها وبعدين يصير شي .. لا سمح الله

وهاي الحبوب مامحصلة مكان ثاني غير قرب أو حوالي الشفايف
وعلى فكرة انا بشرتي جافة ... وهاي الحبوب تظهرلي من فترة لفترة (تقريبا في السنة 4-6 مرات)

والحبوب عادية بنفس لون البشرة من قريب .. بس من بعيد المنطقة اتبين حمرة


ابصراحة ماعرفت وين احط الموضوع .. فحطيتها بقسم البشرة
الله يخليكم .. اللي تظهرلها نفس هالحبوب .. اتقولي شو اتسو فيهم عشان اتخوز (تختفي) ؟؟
وابى اعرف ليش تظهر هاي الحبوب؟؟

جزاكم الله خيرا للي بتساعدني واللي مابتساعدني

انا تظهر لي نفس الحبوب ... ايش السبب ماادري..يمكن بسبب الجفاف
لكن ماتطول ساعه او ساعتين وتختفي وان طولت يوم كامل بس
واستعمل الفازلين يعني ادهنها بالفازلين واحاول اني مااحكها عشان لايبقى الاثر
ولا افكر اروح لدكتور او استعمل شي غير الفازلين
مشكورة حبيبتي روعة ..

انا فكرت في الفازلين بس خفت احطه .. ان شاء الله بحطه اليوم

بس انا ابى اعرف ليش تظهر؟؟ وليش حول الشفايف بالذات؟؟؟

والله يجزيكم كل خير
السلام عليكم

يزاج الله ألف خير ياإختي على الموضوع

لأني أعاني من شهور من وجود حبوب أو نقط بارزة على الشفايف العلوية بنفس لون البشره يوم أقرب من المرآه وأشد عليها تنبان كثير لكن من بعيد ماتنبان
أول ماكنت أعاني من هالمشكله والحين مش عارفه وش أسوي بهذي المشكله المستعصيه تخيلوا حبوب صغيره بنفس لون البشره موجوده على الشفايف وأخاف إذا كثرت هالحبوب تسببلي تشوه والعياذ بالله
ياليت نلقى حل بإذن الله
وألف شكر لكم
حكيها بفص ثوم ويكون مقطع الى نصفين وظلي مسحي الحبوب بالثوم كل يوم مرتين او ثلاث

الى ان تختفي ان شالله

انا كل ما تطلع حبه ما احكها ولا المسها بس احك عليها فص ثوم وتختفي من يومين او 3

بالكثير




لاحول ولاقوة الا بالله

سبحان الله وبحمده عدد خلقه ورضى نفسه وزنه عرشه ومداد كلماته..

استغفر الله استغفر الله استغفر الله


الساعة الآن 08:08 .