شوربة وسمبوسة وفطاير وبيتزا وعصير
04-07-1433 هـ, 05:48 صباحاً
 
ماشاء الله عليكم

احسكم ماتتكلفون برمضان

احنا الوحده استغفر الله تكره رمضان صاير عندنا شهر للأكل مو للعباده
04-07-1433 هـ, 06:14 صباحاً
 
والله انا نفس الاخوات
شربه وسمبوسه وسلطة ومعجنات وحلى
اصحى على الظهر ادخل المطبخ على طول
لانه توي يمدي ماعندي شغاله وانا متعوده عليها في بيت اهلي صح ماتطبخ بس على الاقل تجهز الاغراض وتغسل مواعين
وبعد الفطور اغسل مواعين وابخر البيت وانام شوي لحد الساعه 9 ونص
بعدين اقوم اصلي واجهز قهوة وبقية الفطور وبعدين اقرا قران واشوف بقية شغلي
والسحور قبل آذان الفجر
04-07-1433 هـ, 06:28 صباحاً
 
الله يبلغنا رمضان واياكم على خير وبخير وصحة وسلامة يارب

بالعادة اصحى الظهر اطلع الدجاج و اصلي واقرا قران
فطوري خفيف انا وزوجي
الفطور الاول تمر ومعاه بلح الشام وفيمتو واحيانا سلطة وانا احط لي سلطة برتقال وعصير تانج
واحط سمبوسة وبعد صلاة المغرب احط الشوربة احيانا اسوي صينية مسقعة واحيانا مكرونة

قبل الفطور اغسل المواعين علشان ماتتراكم عليه
وبعد صلاة المغرب اكون مجهزة البخور علشان تروح ريحة الطبخ
واجهز شاي ونتقهوى عليه

زوجي يروح يصلي التراويح وانا اصلي العشاء واريح شوي نص ساعة او ساعة
وبعدها عادي يانطلع او نزور قرايبنا والغالب كل اربعاء او خميس دورية سحور

سحورنا احيانا كبسة والغالب بقايا الفطور وبعدها لازم نشرب شاي
وانظف حوسة المطبخ وابخر البيت قبل الاذان
واخذ لي دش سريع واصلي الفجر واقرا قران وبعدها انام وهكذا كل يوم
04-07-1433 هـ, 06:28 صباحاً
 
الحمد لله اكلنا قليل ونشبع بسرعه ونعمه اللهم لك الحمد

اهم شي تمر وقهوه وقشطه واي حلا كيكه عليها صوص او بسبوسه او اصابع عروسه او جبنيه ومويه

وبعد الصلاه شوربه كويكر دجاج او لحم مانتشرط وسمبوسه بس لازم تكون عجين بالبيت مو رقاق وشعيريه وتوت فقط لو اسوي اي شي ثاني وربي مانذوقه

السحور اكون مجهزته مع الفطور مخلصه كشنته طابخته بس وقت السحور اكبس الرز لازم كبسه وكريمه وسلطه واللهم لك الحمد

هذي اطباقنا
04-07-1433 هـ, 06:47 صباحاً
 


الساعة الآن 10:11 .