السلام عليكم ورحمة الله..

ابي مشورتكم ورأيكم السديد ..عندي مبلغ من المال في البنك .... وماني عارفه كيف اشغله لان كل التعاملات البنكيه اخاف انه يدخلها ربا .. وبنفس الوقت ودي يزيد بطريقه حلال مئه بالمئه ..

لذلك ارجو من ذوي الرأي السديد انهم يوجهوني يعطوني ارائهم وافكارهم ..شاكره ومقدره للجميع ..
اللهم اغفر لي ولوالدي وللمؤمنين والمؤمنات الاحياء منهم والاموات الى يوم الدين
الله يوفقك ويرزقك
عندي هدف لازم انزل وزني انا اقدر وعندي اراده
هدفي اوصل 118 قبل العيد
صعبة حلال 100 %
ترا مافي مشروع خالي من الحرام
ولا ليش فرض الزكاة
كل مشروع لازم يخرج زكاته لان يدخله الحرام مهما حرص صاحب المشروع الدعوه فيها بيع وشراء فيها مدين ودائن
انتي تحري الحلال واجتهدي وزكي
والله يبارك لك في مالك

اول سؤال هل انتي تبغين تستثمرين فلوسك بنفسك او تعطينها حد يستثمرها لك
اذا بنفسك
شوفي الصنعة اللي تبدعين فيها واستثمريها
لو طبخك ابداع ابدي في مشروع طبخ
اذا انتي شاطرة في التحليل الفني والاساسي استثمري في البورصة سواء اسهم او ابشن او فوركس اللي تشوفين نفسك فيه
اذا قادرة تسافرين لدول اسعارها رخيصه بحيث تشترين بضاعة وتسوين لك موقع على النت تعرضين فيه بضاعتك على الخليجيات وتبيعينها بسعر اعلى

اذا تبغين حد يستثمرها لك
فالخيارات مفتوحه
عندك العقارات والسيارات
بس لازم تشوفين لك انسان اميين

نصيحة عطي نفسك وقت تبحثين عن مشروع مربح
وعطيه حقه من التخطيط والدراسه


ان اخطات فمن نفسي والشيطان
وان اصبت فمن الله

والله اعلم
حبيبتي الله يغنينا واياك بالحلال عن الحرام نصيحتي مدام عندك فلووووووس لاتضيعينها بشي مايسوى انصحك في مشروع رااابح مليون بالمئه اذا كسبتي والا تااكدي ماراح تضيع فلوووسك والمشروع هو (الذهب) خصوصا بيرتفع بعد العيد اذا صدقت اخباره والعلم عند الله واسئل الله لنا ولك التوفيق
اللهم احمي بلادنا من كل مكروه
اشكركم اخواتي وجزاكم الله خير ..
اختي ثموره جزاك الله خير..


اختي keefy اشكرك ..الله يكفينا بحلاله عن حرامه ويغنينا بفضله عمن سواه ..

اختي خيرة الضامي اذا عندك خبره في مجال الذهب تكفين قولي لي اكثر يعني وش اسوي بالضبط ترى انا ما افهم بالشغله ذي

وضحي لي اكثر الله يجزاك خير ..
اللهم اغفر لي ولوالدي وللمؤمنين والمؤمنات الاحياء منهم والاموات الى يوم الدين


الساعة الآن 06:15 .